الموضوع: لو كان جماهير عادية بدل الفنانين!!!

يا ريت ياجماعة تقولولى لو كان جماهير عادية من الدرجة التالتة هى الى راحت وبافتراض ان حصلها نفس الى حصل للفناين والرموز( وعلى فكرة انا ضد فكرة الرموز دى لان مش معقولة صبيان وعوالم شارع الهرم يبقو رمز لمصر)انضربت برضو كان ده هيبقى نفس رد فعل الفنانين والاعلاميين بنفس الحماس والصوت العالى وكل واحد يطلع منهم يقول لازم نقوم الحد على الجزائريين ولاهم بس عملو كده عشان متعودين الناس تشوفوهم تيجرى عليهم ويطلبو يتصوروا معاهم ومش متعودين حد يقلعلهم البناطيل وكمان الموضوع ده خلى ناس الواحد نسى شكلهم يطلعو ويعملو نجوم المجتمع :b4_592: وكمان بقى كل واحد من الى راحو يلف على كل البرامج ويلم قرشين ويقول نفس الكلام حاجة غريبة فعلا ولا انا ظالمهم؟؟؟؟

هو مفيش شك اني سواءا كانت جماهير عادية او فنانين فاي تعدي عليهم شئ غير مقبول طبعا

انما انا معاك في موضوع رموز مصر دي الحقيقة عشان كلمة رموز دي مش سهلة عشان مجرد واحد طلع شريط ولا واحدة رقصت في فرح بلدي يبقو رموز بس دا شئ اتعودنا عليه من الاعلام وهو يجيبلك حد متدني جدا ويبتدي يدهنو وش دوكو على شوية تلميع كدا ويطلعهولك على انو فابريقة برا وجوا (رغم انو اساسا راشش دواخل وحالته بالبلا) انما يقدم على اساس انو رمز لا ويفتي في الاخلاق وفي السياسة وساعات الدين بس نقول ايه هو دا الاعلام ولو زودت حالة اللاثقافة الغالبة وحالة اللاوعي فالناس العادية (اللي لا بياخدو فلوس من دا ولا بيلموا نقطة ورا دي) تقعد منبهرة بشوية كلام لا بيودي ولا بيجيب ويمكن عكس قناعاتهم اصلا واهو كلو بيتنسى في بلدنا