الموضوع: ماتركس 2010 اواوماتيك

المشاركة الأصلية كتبت بواسطة minaghopreal

فناس كتير قالتلي هات الاوتوماتك أسهل بكتير وأريح
وناس قالتلي لازم تجيب مانيوال عشان أحسن في السحب وعشان الاوتوماتك لو باظ محدش بيعرف يصلحه وكمان لو البطارية نامت ينفع تزقها وكمان الأوتوماتيك استهلاكه في البنزين أعلى....دي أول نقطة

اخى الحبيب بعد السلام عليك ورحمة الل وكل عام وانت بخير اعاد الله عليك وعلى اسرتك تلك الايام المباركة بالخير واليمن والبركات

اولا : بالنسبة الاولى فعلا الاتوماتيك يكون اقل نسبيا فى سحب السيارة ولكنها غير ملحوظة كتير بالنسبة لقائد السيارة العادى وبتفرق فقط مع المحترفين الذين يتمتعون باستخدام كل امكانيات الموتور لعمل تسارع بينه وبين اخر او شئ من هذا القبيل ولكن باختيارك سيارة عائلية ونظرا لانها ستكون اول سيارة اليك فان هذا الامر سكون من اخر اهتمامك والشعور بنقصه وانا ارجح لك الاتوماتيك طبعا لسهولة استخدامه ولتلائمه الان مع الشارع المصرى لان مع مشوار صغير بالمنيوال هاترجع البيت لازم تعمل نساج طال الليل على سمانة الرجل الشمال علشان تعرف تنام اما بالنسبة لزق العربية فانت بتتكلم فى عربية زيرو لا يمكن يحصل ده معاك قبا 3 سنين على الاقل ومع الصيانة الدورية اتكلم فى 5 سنين مستريح ... اما بخصوص ما حدش بيعرف يصلح الاتوماتيك ده نظرة تقليدية قديمة جدا جدا ... مافيش الكلام ده ولكن الحق فى ان الاتوماتيك صيانته اغلى بكثير من المانيوال ولكن المنيوال اعطاله اسرع واقربم من الاتوماتيك يعنى يعبه اقل من ميزته .. واخيرا الاتوماتيك طبعا والله الموفق

تاني نقطة اللون ... أنا عايز أسود ميتالك بس فيه ناس بتقوللي خليك في الفواتح (سماوي) علشان أرضية اللون بيضا فــمابيبانش فيه الخرابيش غير ان التراب ما بيبانش فيه.
ثانيا : حقا حقا ... انا معايا اللون الاسود وبطانة الدهان فاتحة فاى خربوش بيبان ده غير انك تلمع فيها اربع ساعات وفى اربع دقايق فقط بتكون متربة وزى الزفت واجارك الله بقى فى الصيف يا صاحبى اللون الاسود بيمتص الحرارة اكثر بكثر من نظائره من الفواتح وبتعيش معاه عقبال ما التكييف يقوم بالواجب وانت تحس بالشعور المعتدل فى معدل اكبر من الالوان الفواتح ... ونصيحتى ( الفضى .. الشامبين .. السماوى الفاتح .. واخيرا الابيض )

تالت نقطة ... أنا لسة مستجد فعايز أعرف إيه الحاجات اللي آخد بالي منها وأنا رايح استلم العربية
ثالثا : الاستلام عادة من الظاهر من حيث المراجعة على دهان السيارة بالكامل وعدم وجود خرابيش ( وانصح بنزع البلاستيك الابيض الواقى عند الاستلام ) .. مراجعة كل مرفقات السيارة من طقم العدة وكاوتش الاستبن والكوريك وخلافه .. محاولة النظر اسفل السيارة للاطمئنان على سلامة بطن السيراة من خبطة لا قدر الله ( ولكنه بيحدث ) .. التاكد من استلام النسخ الاحتياطية من المفتاح وكتيب الضمان والكاتلوج والرف الخلفى ... مراعة رقم الشاسية والموتور فى الافراج الجمركى جيد جدا .والله الموفق

رابع نقطة ... أنا عرفت إن مافيهاش باركنج سنسور و عايز أركبه هل هايفيدني ولا لا و أركبه نوعه إيه و بكام وهل ده ممكن يكسر الضمان ؟
رابعا ::: الباركينج سينسور متععد الامكانيات فمنه صوت فقط ومنه صوت وتحديد المسافة ومنه يعمل مع كاميرا خلفية وخلافه وكل بسعره وعلى ما اعتقد انه بيدا من 200 جنيه لحد 500 حسب ما ذكرت من الامكانيات ... اما بالنسبة للضمان فالتاثير عليه لانه لا يحتاج الى العبث فى ضفيره السيارة نهائى مجرد كهربا وارضى ولكن انا انصح بتركيبه فى الوكيل لتلافى اى مشاكل معهم يما بعد ودفع مصنعية التركيب كما فى الخارج .. والله الموفق .
آخر نقطة (آسف طولت عليكم ) ... أنا عايز أأمن عليها علشان لو حصل خرابيش أو حكة أو حاجة وأنا لسة باتعلم ما ازعلش عليها أوي ... إيه رأيكم في الموضوع ده ؟ وإيه أحسن شركة أأمن معاها ؟
دى بقى لن افيدك فيها كثير واتركها لاحبائنا فى الله فى المنتدى الكثير منهم ها يفيدوك اكثر منى .. والله الموفق .. تقبل منى .. وكل عام وانت بخير

الحقيقة أنا مش عارف أقول إيه على الرد المنظم ده والوافي اللي خلاني مفيش حاجة تانية عايز أعرفها

ألف ألف ألف الف الف الف الف الف شكر على الاستجابة يا استاذ أحمد
و زادك الله من علمه

واياك يا اخى الكريم ولا شكر على واجب بين الاحبة فى الله .. وكل عام وحضرتك بخير وبصحة وبسلامة والاسرة جميعا ان شاء الله

مبروك وسيارة ممتازة وخليك فى الاتوماتيك واوعى من المانيوال مصر زحمه دلوقتى ومش هاتعدى ال سرعه 20 يعنى رجلك ها تورم من المانيوال . واتوماتيك الهيونداى ممتاز اللون الفاتح افضل والسماوى فيها يمكن احلى من الفضى ودة ازواق وقرر انت

المشاركة الأصلية كتبت بواسطة raedegypt

مبروك وسيارة ممتازة وخليك فى الاتوماتيك واوعى من المانيوال مصر زحمه دلوقتى ومش هاتعدى ال سرعه 20 يعنى رجلك ها تورم من المانيوال . واتوماتيك الهيونداى ممتاز اللون الفاتح افضل والسماوى فيها يمكن احلى من الفضى ودة ازواق وقرر انت

أنا معاك طبعا
المشكلة عندي كمان اني أول مرة هاسوق عربية
و ناس كتير أوي قالتلي لاااااا بلاش زيرو هاتلك لادا أو شاهين مستعملة
بس أنا مابحبش المستعمل أساسا فقلت أجيب زيرو وأأمن عليها

المشاركة الأصلية كتبت بواسطة raedegypt

مبروك وسيارة ممتازة وخليك فى الاتوماتيك واوعى من المانيوال مصر زحمه دلوقتى ومش هاتعدى ال سرعه 20 يعنى رجلك ها تورم من المانيوال

يا جماعة عايز اشترى ماتريكس 2010 حد يقولى مشاكلها ايه ولا اتكل واشترى

أنا زيك عايز أشتري بس لأني بقالي شهر مفيش ورايا حاجة غير الموضوع ده فأنا أقدر أقول لك عيوبها :

1- تقفيل تركي جعل الناس تتشكك فيها وإن لم يشتكي منه أحد
2-الإنذار و الكاسيت هما الشيئان الوحيدان اللذان يتدخل فيهما غبور لتركيبهم
لذلك أسوأ ما في العربية هو الإنذار "والكاسيت" وإن كانت الشكاوى من الكاسيت قليلة
3-توكيل غبور الخدمة فيه ليست مرضية ولكن يحسب له أنه يخدم فئة كبيرة لذا تعتبر الشكاوى منه "نسبياً" قليلة , وأيضاً معروف عنه أنه يستجيب جيداً للشكوى و الزعيق والنرفزة والحاجات دي
4- صوت محرك السيارة عالي نسبياً إذا ما قورن بالسيارات الياباني خصوصاً الكورولا
5-حجم السيارة كبير لذلك عفشة السيارة تعتبر سيئة ولكن ليس في فئتها لذا فهي تحتاج لتربيط كل 5000 كم تقريباً
6-شكل السيارة عائلي أكثر منه شبابي لذلك ففرص التعديل و التغيير فيه محدودة جداً جداً

أتمنى أن أكون أفدتك