| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 3 من 3

  1. #1

    الصورة الرمزية mmedali1978

    رقم العضوية : 13482

    تاريخ التسجيل : 23Jun2008

    المشاركات : 517

    النوع : ذكر

    الاقامة : القاهره

    السيارة: لا يوجد

    السيارة[2]: حالياً بدون

    الحالة : mmedali1978 غير متواجد حالياً

    افتراضي رائعه الابنودى فى مدح عبد الناصر - Facebook Twitter whatsapp انشر الموضوع فى :

    hasad">

    انا والله بستغرب مبقتش عارف احنا وصلنا لفين الابنودى يكتب ما يشاء ونحن نصدق ما نشاء الاخ العضو اللى نشر قصيده الله يجازيك يا عم عبد الناصر للابنودى ها هى أخر قصائد الابنودى فى مدح عبد الناصر محدش عارف مين المنافق تفضلو القصيده


    أنا باشكر اللى خلق لى الصوت وأوصانى

    أقول كلام حُرّ.. مايقبلْش لون تانى

    مااسكتش ع الضِّيم واهشّ الغيم بقولة «آه»

    وإن سرقوا صوتى.. بينسوا ياخدوا قولة «آه»

    فى الفرْح فى الجرح إيه حيلتى إلاّ قولِة «آه»

    يحميك يا ولدى وكنت اسكت وتتكلم

    يحميك يا ولدى واكون مجروح وتتألم

    ياما حرسْت النهار.. آدى النهار.. ضلِّم

    وإن شفت جرح الوطن جوّه الفؤاد علم

    تقول كلام.. ياسلام.. يحيينى من تانى!!

    ■ ■ ■

    أنا كان لى ورْدات عجب.. كبّرتها بايدى

    أسقيها بالدمع بالدم اللى فى وريدى

    جانى غشيم القدم وداس على ورودى

    أخدم جناينى فى بستانى يا ناس إزاى؟

    وإن نمت ناسى باقوم فاكر يا ناس إزاى؟

    مين مرّر الشاى فى شفايفى وبكى الناى؟

    ياليل يابو الهمّ.. تحتك دم.. ما تحاسب

    وقوللّى إمتى يا ليل.. وفين حنتحاسب؟

    إزاى بلادى تبات ليلة مع الغاصب

    وإزاى يدوس وردها.. واقولّه: «ياسيدى؟!

    ■ ■ ■

    مدّ الأمل سِكِّتُه.. وقالِّنا: «سيروا

    نصيبكو حيصيبكوا تمشوا والاَّ حتطيروا

    عيشوا النهارده الزمن.. بكره زمن غيره

    آدى أول السكة صوت الضحكة بيلالى

    والشمس أمشيلها ألاقيها اللى ما شيالى

    ولا حدّ يقدر يعكّر قلبنا الخالى

    لكن ومين بكرة يعرف إحنا فين فيها؟

    هيه حتدينا والا احنا حندّيها؟

    وإيه نصيبنا من الأيام ولياليها؟

    غاب الزمن فى الزمن.. واحنا بِلا عزوة

    ولا نملك الا نماشى السكة ونسيروا»!!

    ■ ■ ■

    ويا مصْر وان خيّرونى ما اسكن الاَّكى

    ولاجْل تتبِّسمى.. يا ما بابات باكى

    تسقينى كاس المرار.. وبرضُه باهواكى

    بلدى ومالى الّا إنتى ولو ظلمتينى..

    مقبولة منِّك جراح قلبى وْدموع عينى

    الجرح يشْفَى إذا بإيدك لمستينى..

    كلّك حلاوَة.. وكلمة «مصر».. أحلاكى!!

    ■ ■ ■

    التّناتيش

    من يمدحُه يطلع خاسر

    ويشبَّروله.. أيامه

    يعيش جمال عبدالناصر

    يعيش بصوته وأحلامه فى قلوب شعوب عبدالناصر

    ■ ■ ■

    مش ناصرى ولا كنت ف يوم

    بالذات فى زمنه وف حينه

    لكن العفن وفساد القوم

    نسّانى حتى زنازينه.. فى سجون عبدالناصر

    ■ ■ ■

    إزاى ينسّينا الحاضر..

    طعم الأصالة اللى فى صوته؟

    يعيش جمال عبدالناصر

    يعيش جمال حتى ف موتُه ما هو مات وعاش عبدالناصر!!

    ■ ■ ■

    إسمه جمال وجميل فعلاً

    ياما شفنا شجعان خوّافه

    عظيم.. وكان إنسان طبعاً

    المجد مش شغل صحافة علشان ده عاش عبدالناصر

    ■ ■ ■

    أعداؤه كرهوه ودى نعمة

    مِن كرهُه أعداؤه صادق

    فى قلبه كان حاضن أمَّه

    ضمير وهمَّة ومبادئ ساكنين فى صوت عبدالناصر

    ■ ■ ■

    ملامحنا.. رجعت بعد غياب

    دلوقت بس اللى فهمناه

    لا كان حرامى ولا كداب

    ولا نهبها مع اللى معاه أنا باحكى عن عبدالناصر

    ■ ■ ■

    عشنا الحياة ويّاه كالحلم

    فلا فساد ولا رهن بلاد

    يومها انتشينا ثقافة وعلم

    وف زمنه ماعشناش آحاد كنا جموع فى زمن ناصر

    ■ ■ ■

    كان الأمل فى خُضرِتُه بِكْر

    مافيش لصوص للقوت والمال

    ومصر أبطال ورجال فكر

    ومثقفين ستات ورجِال جيوش جمال عبدالناصر

    ■ ■ ■

    كان الهلال فى قلبه صليب

    ولا شفنا حزازات فى بلادنا

    ولا شُفنا ديب بيطارد ديب

    ولا جرَس خاصم مادنة وَحَّدْنا صُوت عبدالناصر

    ■ ■ ■

    دفعنا تمن الحريّة

    بدمّ مش بدينار ودولار

    يوم وقفته فى «المنشيّة»

    خلّى الرصاص يهرب من عار أعداء جمال عبدالناصر

    ■ ■ ■

    رغم الحصار كنا أحرار

    وفى الهزيمة الشعب ماجعْش

    كان اسمها «بلد الثوار»

    وقرار زعيمها مابيرجعْش قرار جمال عبدالناصر

    ■ ■ ■

    خلَّى بلادُه.. أعزّ بلاد

    ليها احترام فى الكون مخصوص

    لا شفنا وسط رجالُه فساد

    ولا خطط سمسرة ولصوص كان الجميع عبدالناصر

    ■ ■ ■

    لولاه ماكنتوا اتعلمتوا

    ولا بقيتوا «دراكولا»

    ياللى انتو زعما وإنجازكو

    دخّلتوا مصر الكوكاكولا وبتشتموا ف عبدالناصر

    ■ ■ ■

    عمره ما جاع فى زمانه فقير

    أو مالتقاش دوا للعِلّة

    دلوقت لعبةْ «اخطف طير»

    والأمة فى خِدْمةْ شِلَّة تكره جمال عبدالناصر

    ■ ■ ■

    يتّريقوا على طوابيرُه

    علشان فراخ الجمعية

    شوفوا غيره دلوقت وخيرُه

    حتى الرغيف بقى أمنيّة يرحم جمال عبدالناصر!!

    ■ ■ ■

    فيه ناس بتنهب وتسوِّف

    لا يهمّها من عاش أو مات

    ورضا العدو عنّا يخِوِّف

    معناه أكيد إننا قَفَوات من يوم مامات عبدالناصر!!

    ■ ■ ■

    الأرض رجْعت للإقطاع

    وقالوا: «رجعت لصْحابها»

    وصاحبَك الفلاح تانى ضاع

    ضاعْت العقود واللى كتبها وخط إيد عبدالناصر!

    ■ ■ ■

    أنا أذكُرك من غير ذكرى

    والناس بتفتكرك بخشوع

    الأمس واليوم ده وبكره

    يبكوك بعظمة مش بدموع يكفَى نقول: «عبدالناصر»

    ■ ■ ■

    دلوقت رجعوا الفقرا خلاص

    سكنوا جحورهم من تانى

    رحل معاك زمن الإخلاص

    وِجِهْ زمن غير إنسانى ماهوش زمن عبدالناصر!!

    ■ ■ ■

    صحينا على زمن الألغاز

    يحكمنا فيه «أهل الأعمال»

    وللعدو.. صدّرنا الغاز

    بفرحة وبكل استهبال نكاية فى عبدالناصر!

    ■ ■ ■

    بنمدها بغاز الأجيال

    تحويشةِ الزمن القادم

    إتوحَّشوا فْ جمع الأموال

    ورجعْنا سادة.. وخوادم ضد اتجاه عبدالناصر

    ■ ■ ■

    يا جمال.. نجيب زيك من فين

    يا نار.. يا ثورة.. يا ندهِةْ ناى..

    البوسطجى.. إللى اسمه «حسين»

    - أبوك - منين جابك؟ وإزاى.. عمل جمال عبدالناصر؟!

    ■ ■ ■

    لو حاكتبك.. ما تساع أقلام

    ولا كلام غالى وأوراق

    الأمر وما فيه.. أنا مشتاق

    فقُلتْ امسِّى عليك وأنام نومةْ جمال عبدالناصر!!

    عن جريدة المصري اليوم بتاريخ 9/11/2009



    بلاد العرب أوطاني ... وكل العرب أخواني


  2. #2

    الصورة الرمزية human

    رقم العضوية : 20140

    تاريخ التسجيل : 25Sep2008

    المشاركات : 6,879

    النوع : ذكر

    الاقامة : Cairo

    السيارة: مافيش عربيه تانيه!!

    السيارة[2]: ميجان

    دراجة بخارية: عجله شوبر

    الحالة : human غير متواجد حالياً

    افتراضي -

    الله يرحمك و يحسن اليك يا جمال

    مصر هتفضل غالية عليا
    -------------------------------
    الديك الحلبي هايفضل يدن لغاية ما يتدبح


  3. #3

    الصورة الرمزية mexmarine

    رقم العضوية : 11915

    تاريخ التسجيل : 30May2008

    المشاركات : 1,517

    النوع : ذكر

    الاقامة : الاسكندريه

    السيارة: هى واحدة بس

    السيارة[2]: Hyundai Accent RB 2011

    دراجة بخارية: Honda CBR

    الحالة : mexmarine غير متواجد حالياً

    افتراضي -

    hasad">

    هو عتاب لعبد الناصر و بعدين صدق الله العظيم عندما ذكر الشعراء عز و جل

    ربى لا إله إلا أنت سبحانك إنى كُنت مِن الظالمين
    أخوكم / محمد عبد السلام



 

المواضيع المتشابهه

  1. خلفيات مجموعه موتوسيكلات 2013 رائعه رائعه ( حصريا )
    بواسطة adelmof40 في المنتدى مختــلف أنواع الدراجات النارية
    مشاركات: 3
    آخر مشاركة: 30-09-2012, 06:13 PM
  2. الله يرحمك يا جمال عبد الناصر
    بواسطة human في المنتدى المنتــــــدى الاجتمــاعى
    مشاركات: 3
    آخر مشاركة: 16-03-2011, 10:06 AM
  3. ان الاوان ترحلى يا دولة العواجيز الابنودى يكتب عن "ميدان" الغض
    بواسطة nour_nrc في المنتدى المنتــــــدى الاجتمــاعى
    مشاركات: 1
    آخر مشاركة: 06-02-2011, 07:33 PM
  4. كيف أصل الى شارع جمال عبد الناصر
    بواسطة Abomar77 في المنتدى دليل الطرق الداخلية وطرق السفر
    مشاركات: 1
    آخر مشاركة: 07-03-2010, 01:16 AM
  5. شقة للبيع بجمال عبد الناصر الرئيسى
    بواسطة anaskhal في المنتدى نايل موتورز مول
    مشاركات: 6
    آخر مشاركة: 05-03-2010, 06:03 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2