بصراحه
الله عليك يا محمود
و كما ذكرت كله طلع كسبان الا ............
جزاك الله كل خير
عرض للطباعة
بصراحه
الله عليك يا محمود
و كما ذكرت كله طلع كسبان الا ............
جزاك الله كل خير
يا سلام عليك يا محمود
بجد انتا راجل 100 100
برافو عليك
عشرة على عشرة هو ده الكلام
الفساد و العشوائية و الجهل يلفوا يلفوا و يعضونا احنا في النهاية
تسلم ايدك يا محمود.حطيت ايدك علي الجرح.لا علي 1000 جرح بس فين المداوي؟
bemo,ire
طبعا كلامك في معظمه يا محمود مقبول
لكن الاهم
الناس هنا وانا منهم كنا مستنيينك باعتبارك واحد مننا نثق فيه وفي كلامه وصدقه علشان تقولنا ايه اللى حصل بالظبط من اول المغادرة وحتي عودتك بالسلامة وهو ما تفاديته تماما ولم تتكلم اي كلمة فيه
عايزين نعرف من واحد مننا ايه اللى حصل
هما بيقولوا كل حاجة تمام ومحصلش حاجة
وهنا بيقولوا العكس
قول زي ما مشجعين الكورة بيقولوا قول الحق خليك جريء
هقولك حاجة قالها بشار بن برد من مئات السنين
فعلا
"ضل من كانت العميان تهديه"
احنا مش عارفين احنا فين ولا هنعمل ايه
ولا عرفين ريحين فين ولا حتي جاين منين
مشاكلنا لاهيانا والدنيا نسيانا
وحكومتنا نايمة في غيبوبة دفيانه
العالم بيتقدم واحنا بردو وقفين
ويارتنا بنمشي او حتي زحفين
عملين ندمر من جيل ورا جيل
كان املنا في المستقبل
للاسف مش شايفين
من الاخر :
خلونا شعب مش شايف
شعب مش فاهم
شعب مش حاسس ايه بيجرا حوليه ؟
بيقنعونا عكس الصراحة.. طب قلولنا ليه ؟
عشان شوية مصالح .. طب واحنا الشعب فين؟
عايزين حد يبصلنا او قلولنا طريقنا فين ؟
لما احنا مش همنكم .. طب حكمنا ليه ؟
بتمصوا في مواردنا .. طب هو الذنب ايه ؟
علشان تعيشوا انتوا نداس تحت الرجلين ؟
بجد حرام عليكم .. هتروحوا من ربنا فين ؟
بجد انا تعبت .. دا انا لسه 19 سنة وامال لما اكبر لو ربنا كتبلي اعيش هيحصل ايه ؟؟؟
على فكرة الكلام اللي فوق انا ولا نقله ولا كاتب اغنية بس هو طلع كدا .. خواطر بقي :d:d
السلام عليكم ..
انا كنت طلبت من حضرتك تكتب موضوع مفصل عن اللى حصل فى الجزائر قبل كده لانك العضو الوحيد اللى راح تقريبا من المنتدى
بس بجد وفعلا انا بعد ما قريت الموضوع ده .. بجد حسيت انى ارتحت نفسيا لان فعلا ده الوضع الراهن الذى نعيشه وفعلا كله خرج رابح بالطريقه اللى هوه عاوزها واصبحنا نحن كافه الشعب مغيبين ومنحازين ل حاجات معينه وواضحه جدا لاى حد فكر فى الموضوع بشكل صحيح ...
اسمحلى انى هعمل share لل كلام بتاعك ف نوت على الفيس بوك عندى ... وانا مش هشيرها الا بعد ما حضرتك ترضى لانها بجد عجبتنى جدا ...
وربنا ينتقم من كل ظالم مشترك فى التمثيليه او على الاقل دخل فى التمثيليه كده عشان يطلع ب مصلحه ...
وكل عام وانتم بخير
اعتقد انك من مواطنى هذا البلد يترى عملت اية عشان تمنع كل اهانة هولاء اللى ذكرتهم ...
انت كل اللى عملتة انك صبيت غصبك على اولاد بلدك فى الوقت ان فى اخوة اخرين ليك تعرضو لما هو اسؤء من مجرد تكسير عربيات , اعتقد دة مش وقت جلد الذات وفى مئات من حالات الاعتداء اللى حصل على مصريين و على ممكتلكتهم فى السودان و فى الجزائر ...
انت بتقارن كام عربية اتكسرو بمكاتب شركات مصرية كبيرة حصلها نهب و سرقة و حرق ..معليش اسمحلى المقارنة غيرمتكافئة بالمرة , و شوية الافعال المصريية دى لا تسقط لمستوى الهمجية و الاجرام اللى احنا شوفناة فى السودان و فى الجزائر ..
حقيقى انا احنا مقصريين فى حاجات كثير ومصر فيها كثيرمن المشاكل , لكن انك تسيب المعتدى الحقيقى و اللى اهانك حقيقى و اهان بلدك و اهان اهل بلدك و تمسك فى المشاكل المصريية فى وقت احنا محتاجين تكاتف كل المصريين للرد على الاعتداء اللى حصل .
كل مجتمع فية نسبة من عديمى الضمير والفاسدين على جميع المستويات , لكن دة لا يمنع ان هناك اغليبة محترمة تمثل نسبة كبيرة من هذا الشعب , و اعتقد دة مش وقت تشمت فية الاخريين فينا , لان اعتقد انك مش حتلاقى اصوات مماثلة فى الجزائر مثلا رغم ان اوضعاهم الداخلية اسؤ مننا بكثير لكن زى ما انت شايف كلهم اجتمعو على جميع المستويات على اهانة مصر و المصريين بكل الطرق .
نحن غاضبون نعم ,لكن نخلى الغضب دة يدمرنا و يدمر ارادتنا من داخلنا اعتقد دة مش مفيد على الطلاق .
هل هناك مصريين مقصرين ..نعم هناك مقصريين و فاسدين و مستفدين او حتى مطواتئين , لكن دول بنسب قليلة و حالات فردية لا ترقى انها تكون ظاهرة عامة ...
انا حضرت احتفالات المصريية بالمبارة القاهرة فى الشوارع و فى ميادين من ازحم الميادين المصريية , و كان الجميع يحتفل بمنتهى الحب و الاحترام والتشجيع , رجال و نساء و حتى اطفال رضع كانو موجودين فى الشارع , حتى ان هناك بعض الاجانب اللى تفاعلو مع فرحة المصريين و شاركو و حملو بعض الاعلام المصريية .
قارن دة بقى بفرحة الدول الاخرى و كيف احتفل اهلاها بية و كيف راح ضحيت احتفلاتهم 14 قتيل على الاقل ....مما يؤكد ان عندهم مشكلة والمشكلة دى انسحبت علينا فى المواجهة بشكل او باخر ..
و كيف دمرو باريس فى فرنسا و فى دول اخرى بمناسبة احتفالهم ..
انا ارفع القبعة للشعب المصرى المحترم و افتخر انى مصرى محترم ...و اتقبل بكل صدر رحب النسبة الفاسدة الموجود بين اى شعب من شعوب الدنيا .
كلامك صح يا محمود وحمدلله علي سلامتك
هو ده الكلام اللي كنت مستنية أسمعه من يوم ما حصل اللي حصل. كله صب جام غضبه على كل ماهو جزائري و كتير من الناس خدوا موقف متطرف من كل ماهو عربي أيضا، إنما نسينا نفسنا و مسئوليتنا و إدانتنا في اللي حصل و اللي بيحصل كل يوم.