الموضوع: هؤلاء .. أهانوا مصر في السودان

المشاركة الأصلية كتبت بواسطة wawoo

اعتقد انك من مواطنى هذا البلد يترى عملت اية عشان تمنع كل اهانة هولاء اللى ذكرتهم ...

انت كل اللى عملتة انك صبيت غصبك على اولاد بلدك فى الوقت ان فى اخوة اخرين ليك تعرضو لما هو اسؤء من مجرد تكسير عربيات , اعتقد دة مش وقت جلد الذات وفى مئات من حالات الاعتداء اللى حصل على مصريين و على ممكتلكتهم فى السودان و فى الجزائر ...

انت بتقارن كام عربية اتكسرو بمكاتب شركات مصرية كبيرة حصلها نهب و سرقة و حرق ..معليش اسمحلى المقارنة غيرمتكافئة بالمرة , و شوية الافعال المصريية دى لا تسقط لمستوى الهمجية و الاجرام اللى احنا شوفناة فى السودان و فى الجزائر ..

حقيقى انا احنا مقصريين فى حاجات كثير ومصر فيها كثيرمن المشاكل , لكن انك تسيب المعتدى الحقيقى و اللى اهانك حقيقى و اهان بلدك و اهان اهل بلدك و تمسك فى المشاكل المصريية فى وقت احنا محتاجين تكاتف كل المصريين للرد على الاعتداء اللى حصل .

كل مجتمع فية نسبة من عديمى الضمير والفاسدين على جميع المستويات , لكن دة لا يمنع ان هناك اغليبة محترمة تمثل نسبة كبيرة من هذا الشعب , و اعتقد دة مش وقت تشمت فية الاخريين فينا , لان اعتقد انك مش حتلاقى اصوات مماثلة فى الجزائر مثلا رغم ان اوضعاهم الداخلية اسؤ مننا بكثير لكن زى ما انت شايف كلهم اجتمعو على جميع المستويات على اهانة مصر و المصريين بكل الطرق .

نحن غاضبون نعم ,لكن نخلى الغضب دة يدمرنا و يدمر ارادتنا من داخلنا اعتقد دة مش مفيد على الطلاق .

هل هناك مصريين مقصرين ..نعم هناك مقصريين و فاسدين و مستفدين او حتى مطواتئين , لكن دول بنسب قليلة و حالات فردية لا ترقى انها تكون ظاهرة عامة ...

انا حضرت احتفالات المصريية بالمبارة القاهرة فى الشوارع و فى ميادين من ازحم الميادين المصريية , و كان الجميع يحتفل بمنتهى الحب و الاحترام والتشجيع , رجال و نساء و حتى اطفال رضع كانو موجودين فى الشارع , حتى ان هناك بعض الاجانب اللى تفاعلو مع فرحة المصريين و شاركو و حملو بعض الاعلام المصريية .

قارن دة بقى بفرحة الدول الاخرى و كيف احتفل اهلاها بية و كيف راح ضحيت احتفلاتهم 14 قتيل على الاقل ....مما يؤكد ان عندهم مشكلة والمشكلة دى انسحبت علينا فى المواجهة بشكل او باخر ..
و كيف دمرو باريس فى فرنسا و فى دول اخرى بمناسبة احتفالهم ..

انا ارفع القبعة للشعب المصرى المحترم و افتخر انى مصرى محترم ...و اتقبل بكل صدر رحب النسبة الفاسدة الموجود بين اى شعب من شعوب الدنيا .

كام عربيه إتكسروا؟!

ما هي الناس اللي عربيتها إتكسرت دي مش دافعها فيها دم قلبها و تحويشة عمرها
أو جايبنها قسط و دفعوا فيها تمنها مره و نص ده بعد أصلاً العربيه اللي تمنها غالي
بذمتك...‘حنا فرقنا إيه عنهم...شغل همج برضه
و بعدين أصحاب الإستثمارات معاهم ملايين... أو مليارات....لكن صاحب العربيه اللي إتكسرت ده معاه إيه

المقصرين دول مابقوش نصبه صغيره أو قِلّه لا...دول كتير و الفساد مالي البلد في كل حته

و بعدين إحنا ما عملناش كل ده لما شبابنا بيموت كل يوم علي سواحل إيطاليا و غيرها
ماعملناش ليه كده لما الناس مش لاقيين رغيف العيش
ما عملناش ليه كده لما اللحمه غليت و بقت ب50 و ب60 جنيه
ما عملناش كده ليه لما شفنا كليبات تعذيب بعض افراد الشرطه لناس معملوش أي حاجه.... و دي ناس إتهانت و جو بلدها و من مصريين...و إلا إحنا عشان إتضربنا من جزائريين فإتحمقنا قوي و حسينا إن إحنا إتهاننا
ما إحنا بنتهان كل يوم في بلدنا.... ما عملناش كده ليه... و إلا المباديء بتتجزأ

إذا كنت حضرتك بتتقبل النسبه الفاسده اللي حضرتك بتقول إنها قله في مجتمعنا
فأنا و كتير زيي ما بيتقبلوهاش
و لتذهب الكره و الإحتفالات إلي الجحيم إذا كانت هتدمر ممتلكاتي في بلدي...مش في بلد تاني

يا محمود معاك حق في كل كلمه قلتا و تقبل إحترامي

في الاول حمدا لله علي سلامتك
و اسمحلي انقل الموضوع مع كتابة اسمك واسم المنتدي
وبصراحة ده احسن كلام قريته في موضوع الجزائر
واذا كان الجزائريين همج فاحنا زيهم او اكتر منهم
مش اقل منهم ابدا
هما مات عندهم 14 في احتفالتهم بالصعود لكاس العالم
احنا مات عندنا 3 بعد الماتش الاول
ولو كانت الادوار اتبدلت
كنا هنعمل فيهم زي اللي عملوه ويمكن اكتر
للاسف احنا كشعب بقي عندنا عقدة اضطهاد
حاسين ان كل الناس بييتضطهدونا وان كل العالم بيتامر علينا
مع ان الحقيقة ان احنا مبقاش لينا لازمة في العالم
دولة مش عارفة تحل ابسط مشاكلها ازاي هتحل مشاكل دول تانية
وشعب اقصي طموحه الفوز بماتش كورة وكانه لو فاز بالماتش هتتحل كل مشاكله
بيقولوا ان الفوز هيفرح 80 مليون مصري
طيب ايه الفرق كده بين الـ80 مليون مصري واللي بيتعاطوا مخدرات علسان ينسوا مشاكلهم
وللناس اللي بتقول ان كرامتنا ضاعت في السودان
احب اقولهم ان احنا- بلا فخر - كرامتنا ضايعة من زمان
انا كان كل املي من اللي حصل هناك انا احنا نفوق
بس للاسف علقنا كل مشاكلنا علي شماعة الجزائر

كلام بيقول اني لسه فيه شباب كتير عندهم وعي وهو دا الامل الوحيد لمصر
واحنا الشعوب سواء مصر او الجزائر مضحوك عليها بصراحة من وسائل الاعلام
يهيجوا دول على دول وسيبك بقى لاني كل شعب فيه ناس وحشة جدا طبعا والمهم في الاخر للقيادات انها تتلمع وتتصيت على حس اللي بيحصل وتستعد بسيناريو المكسب وسيناريو الخسارة لانهم عارفين ان الناس لسه معتبرة الكورة هي الانتصار وهيا المشروع القومي والوطني الاستراتيجي

يعني لو مكسب بيقو القيادات هما السبب الرئيسي للتطور والتقدم الرهيب اللي حاصل في البلد
ولو خسارة يبقو هما الابطال وحماة الوطن واللي طول عمرهم بيحافظوا على اولادهم ومسيتحملوش شعرة تتمس من اي مواطن (هو احنا مش دافنينو سوا ولا ايه؟)

تمام كلامك يا محمود..

للأسف احنا مش واخدين بالنا من حاجات كتير

المشاركة الأصلية كتبت بواسطة medokimo

في الاول حمدا لله علي سلامتك
و اسمحلي انقل الموضوع مع كتابة اسمك واسم المنتدي
وبصراحة ده احسن كلام قريته في موضوع الجزائر
واذا كان الجزائريين همج فاحنا زيهم او اكتر منهم
مش اقل منهم ابدا
هما مات عندهم 14 في احتفالتهم بالصعود لكاس العالم
احنا مات عندنا 3 بعد الماتش الاول
ولو كانت الادوار اتبدلت
كنا هنعمل فيهم زي اللي عملوه ويمكن اكتر
للاسف احنا كشعب بقي عندنا عقدة اضطهاد
حاسين ان كل الناس بييتضطهدونا وان كل العالم بيتامر علينا
مع ان الحقيقة ان احنا مبقاش لينا لازمة في العالم
دولة مش عارفة تحل ابسط مشاكلها ازاي هتحل مشاكل دول تانية

احنا اكتر شعب يطلع غلطات و عيوب و مشاكل ..انما حد يطلع باى فكرة او اى مبادرة يكون فيها اى حل لاى مشكلة متلاقيش .
كلنا نتفنن فى اظهار و تفنيد عيوب و امراض الاخريين ..و كأننا من كوكب تانى مش عيشين فى مصر .

مهو يا جماعة مصر مكنتش كدة مصر كانت اجمل بكتيرمن كدة , يبقى مين السبب مافيش غيرالجيل بتعنا هواللى موجود دلوقتى , يبقى كلنا نتحمل مسئولية مصر اللى موجودة حاليا .

لو فى فساد فى مصر لو فى همج فى مصر يبقى احنا السبب , مهو مافيش بلد حتنهض بهمجيين والفاسدين , دة دور المحترمين و المثقفين و المتعلمين اللى زيكم كدة .

لما دول كمان يقفو موقف المتفرجين زى ما انا شايف كدة من كل تعليقتكم , يبقى مستنيين مين يجى يصلح مين يجى يغير , و الحقيقية ان الوضع مش مؤساوى زى ما انتم متخييلن كدة .

مصر ليسة فيها خيركتير ,بس يظهر الغضب و الاحباط بينسينا الحاجات الجميلة فى حياتنا و دة لوحدة كافى اننا نخسرها هى كمان .

شوية انتماء و حب اكتر لهذا البلد و صدقونى حنعمل حاجات كثير و حنصلح كتير , انما نغمة الفساد و الفشل والاحباط دى مش حتوصل بينا إلا لمذيد من الاحباط والفشل و لا اعتقد ان دة هو اللى تتمنوة لمستقبل هذا البلد .

احمد مكى عمل الاغنية دى ..محاولة من كفنان انة يدور على الحاجات الجميلة فى حياتة و حيتنا و يعلى قيمة مصر جوانا .

ياريت كل واحد يشوف هو يقدر يقدم اية و يصلح ازى بدل تبادل الاتهامات و الاحبطات اللى حتدمرنا كلنا ....

الاغنية اهى :

YouTube - Ahmed Mekky - Masr Balady _ ط§ط.ظ…ط¯ ظ…ظƒظٹ - ظ…طµط± ط¨ظ„ط¯ظٹ