فعلا بهذا الكلام والله يرتفع قدر المنتدى وأهله إلى درجة راقيه جدا
أشكر السيد المنسق العام وأحييه.
وليخسأ كل من أراد الأمة الإسلاميه بفرقة
عرض للطباعة
فعلا بهذا الكلام والله يرتفع قدر المنتدى وأهله إلى درجة راقيه جدا
أشكر السيد المنسق العام وأحييه.
وليخسأ كل من أراد الأمة الإسلاميه بفرقة
يا جماعة الناس معزورة بردة ما هيا مفيش بايديها غير الكلام تنفس بية عن غضبها ولو لقينا الي ياخد لنا حقنا بالفعل مش مجرد كلام هنهدي
معاك يا استاذ كريم وكل يوم الواحد بيزداد فخرة بالموقع المحترم دة ويا ريت كان الموقف دة من الاول
استاذ كريم اولا كل سنة و انت طيب
و كل سنة و الاخوة جميعا فى المنتدى بخير
يمكن تكون ده اخر رسالة لى ف المنتدى عشان كده عطول شويه
و اللى ربنا مكتبلوش الحج يكون على عرفات السنة الجاية باذن الله
احب اقول لحضرتك انى عمرى ما شتمت على المنتدى ده و لاغيره
بس بس الغيرة على البلد مينفعش تقولها استوب
و حتى توقيعى ده قديم من اول ما اشتركت فى المنتدى و مش هغيره
تخيل انى اللى حصل ده مع اهلك مع ابوك مع امك مع ابنك
و لو اى حد من المسؤلين عن المنتدى كان فى السودان مكنش ده بقى موقفهم
و احب اسجل اعتراضى على التحذير ده مش معقول يكون كل حاجة بالغصب و بالاكراة حررام كفاية
كون الواحد مش بيقدر يعبر عن غضبه لما بيحصل حاجة جوه البلد ده لاسباب كتيرة كلنا عارفنها
ولو كانت ادارة المنتدى معترضة على كلامى فانا منتظر العقاب حتى ولو كان الطرد من المنتدى اللى دايما كنت بحبة جدا رغم مشراكتى القليلة
و سوف اعلق العقاب كوسام على صدرى لانى اتعاقبت عشان بحب مصر
فاهلا بعقابكم فى حب مصر
متطامنا مع سيد ابوحفيظة
و كل عام و انتم بخير جميعا
عداك العيب والله العظيم انا قلت كده وسعت قوى و شكلها بقى مش ظريف خالص بقينا نردح لبعض و شتايم و حاجة قلة ادب
اللى حصل مستنينله رد من اولى الأمر انما احنا دورنا خلص فى الوقت الحالى
اللى حصل مستفز و انا معاكم و انا واحد من الناس اللى كان هاين عليا اقول و اعيد فى بلاوى بس احترامى للمنتدى و كلمه شرف منى للسيد / كريم منير فى مناشدتة السابقة وقفت عن الكتابة بعصبية غير مبررة و الردود حتى بعد الموضوع اللى كان عامله هديت و انا باقول اللى حصل حصل و اللى جاى اهم
و الله ولى التوفيق
محمد الطنانى
جمعا ان شاء الله على عرفات
ربنا يسمع منك
وليهاخر رسالة
وليه فاكر انك بتتعاقب
انت بتتكلم باحترام وادب
وانا كمان
والالاف غيرنا
صدقني مش عشان اكون غيور على بلدي لازم اشتم
يا اخي تحلى باخلاق حبيبك اللي هايشفع فيك
وكان خلقه القرأن
مش خلقة الشتم والسب
ده كان بيوصى الناس ويقولهم لا تغضب
عشان ما تخسرش كل حاجة
عليك افضل الصلاة والسلام يا حبيبي يا رسول الله
وابقي سمعنا صوتك وورينا مشاركاتك القيمة دي دايما
اولا شكرا يا استاذ كريم على ترك فرصة للاعضاء للتنفيس عن غضبهم
لكن اسمحلى باقتراح صغير
لو هنبطل نشتم وهنفضل نتكلم بس مجرد كلام وخلاص
ومش هنعمل اى حاجة ولا هناخد اى خطوة فعلية تنفيذية
يبقا ياريت نسكت وننسى الموضوع ده خالص
كل سنة وحضراتكم جميعا بخير
وعيد اضحى سعيد علينا جميعا
رزقنا الله واياكم حج بيته والوقوف على عرفات
ياريت المنتدى يرجع زى زمان منتدى تعليمى وتحاور بين الافراد بكل احترام ومساعده. اتمنى ذالك.
[youtube]http://www.youtube.com/watch?v=3QpGiD4cBlo[/youtube]
أغنيه جميله بجد
عمار يامصر
بالدعاء الذى بسورة النصر...../سبحان الله وبحمده , استغفر الله واتوب اليه
la elah ella allah
حقيقى عمل وحش بس دى مؤمرة من اعداء مصر
شكرا ياباشا على الموضوع الجميل ده ويارب تفضل مصر على طول ام الدنيا كلها
تسلم , وكل سنة وانت طيب ياباشا وعيد سعيد لكل احبابنا واصدقائنا
عندك حق يا أستاذ كريم , وكل سنه وحضرتك طيب
اولا كل سنة وانتم طيبين جميعا مع امنياتى بان يظل هذا المنتدى منتدى العقل والمنطق والخبرةوالحب ثانيا نحن بشر وماحدث رد فعل طبيعى ونتمنى ان تكون زوبعة فى فنجان وتعود المحبة الى قلوبناhttp://www8.0zz0.com/2009/11/27/08/262594116.jpg
اوافق تماما على راى الاستاذ/كريم منير و شكرا للادارة .
مصر هى امـى نيلها هو دمـى
تحيــــــــــــــــــــا مصـــــــــــــر
jazak Allah kol khere
كلام سليم و منطقي.... ربنا يهديهم الجزائريين و يصبرنا علشان نرد بشكل موضوعي يضمن حقنا المهدور.
انا مش فاهم اخوة ايه اللي البعض بيتكلم عنها دي ؟؟؟!!!
يعني دولة ( حكومة و شعبا ) عملوا تخطيط و تجهيز كامل لايذاء شعب دولة اخرى .. على الاقل لارهابه و اهانته ... ايه المطلوب اكتر من كده علشان نكرههم و نمسحهم من عقلنا كدولة شقيقة زي مابيتقال.
انا عند رايي و مش هاغيره لحد ما اموت ... كل واحد حر..
ثم انا مش شايف اني قلت حاجة خارجة او عيب في مداخلتي اللي فاتت علشان يحصل فيها حذف .
يا جماعة مش عايزيننا نتكلم براحتنا ... قولوا بلاش نتكلم في الموضوع ده خالص ... و احنا نتكلم فيه في منتديات تانية علشان مانزعلش حد مننا في منتدانا الحبيب.
لنكن مثل النخيل فى العلا كلما القيت بحجراسقطت تمراhttp://www8.0zz0.com/2009/11/27/16/327757878.jpg
كل مكان به الصالح وبه الطالح
تخيل لو ان قلة من الشعب المصري ارتكبت ما ارتكبت القلة الجزائرية
وساندتها الحكوكة لاي سبب
ما سيكون موقفك انت وانت لا ذنب لك ان تشتم وتلعن يوميا الالاف المرات
هذا ما قصدته
اما عن الحذف فاكيد المشرف شاف شيئ مخالف وحذفه وانا معرفش هو ايه
الى الأخ العزيز كريم و الى كل الأخوة الموافقين و المعترضين على التهدئة ،
كريم كل اللى قاله ان ساعة الغضب التحكم فى النفس بيكون صعب ، و كلنا كنا منفعلين بشدة و كريم واحد مننا و كان منفعل زينا .. و يمكن لو راجعنا كلامنا كلنا ، مش كريم لوحده او انا لوحدى او اى حد تانى لوحده .... لأ ... كلنا بلا استثناء كنا منفعلين ..
و ادارة المنتدى مشكورة قدرت الأنفعال ده و سابونا نفرغ الشحنة بدون اعتراضات...
و لكن دلوقت المفروض ان شحنة الغضب الأعمى هديت و جه دور العقل يتحكم فى الموضوع ..
علشان كده مافيش داعى للشتائم ... لازم نبقى متحضرين شوية ...
ماحدش منع الكلام فى موضوع اللى حصل للمشجعين فى السودان ، و لكن بدون شتائم و الفاظ خارجة ... هو ده كل اللى كريم قاله ... و اعتقد ان ده مش غلط و ان فيه كتير موافقين عليه ..
و بصراحة بدل الكلام اللى لا يودى و لا يجيب و بدل الشتائم و الألفاظ الخارجة و خلافه ، ياريت اللى عنده اقتراح يقوله و اكيد كلنا هانتناقش فيه و نتفق على حاجة مناسبة ..
اللى انا ملاحظه دلوقت ان بعض الناس اللى لسه غضبانة سابت الموضوع و بيهاجموا كريم دلوقت .. هى الحكاية خناق و خلاص ... و لا الحكاية اننا غير راضيين عن اللى حصل و بندور على حل مناسب ؟؟؟
الهجوم على كريم و على اللى بيقول نهدأ شوية بيخلينى احس ان الموضوع خناقة و بس ... مش مهم على ايه ... المهم الخناقة..:dontudear:
ياريت مانبقاش كده.:N_no[1]:
انا عارف ان كلامى ده ممكن يخلى ناس تغضب منى و تهاجمنى ...
بس ده رأيى الشخصى.
و تحياتى للكل.:8_8_13:
و كل سنة و انتم طيبين
في المقابل يا اخ كريم وزي ما حذفت كل التوقيعات اللى بتهاجم الجزائر يا ريت يبقي فيه مساواة ومتهيالي وجود توقيعات بها علم الجزائر دلوقت في منتدي مصري امر مستفز
بالمقابل بطالب بحذف كل التوقيعات اللى فيها علم الجزائر حتي تقوم دولة الجزائر بالاعتذار عن الهمجيين واللصوص الذين ارسلتهم مع قوات الجيش الجزائري لترويع المصريين في السودان
متهيالي ده تطيبقا لقاعدة العدالة زي ما بتحذف التوقيعات المهاجمة للجزائر حفاظا على مستوي المنتدي يبقي في نفس الوقت تحذف التوقيعات المؤيدة للجزائر او التي بها علم الجزائر
ثانيا اتحدي لو اي منتدي او موقع جزائري سمج بوجود العلم المصري في توقيع احد الاعضاء الا اذا كان يتبول عليه او يحرقه وهو ما قمتم بحذفه من توقيعات مماثلة على علم الجزائر
ثالثا مراعاة لشعورنا حتي لا يتم عدم استفزازنا بوجود علم الدولة التي ازلت المصريين بارضها وبارض الغير
--------
الأستاذ كايرو
بدلا من تكرار نفس الكلام من فضلك إعطنا مثل لمن يضع علم الجزائر منفردا فى توقيعه لنرى ماتقصده
ونحيطك علما أننا سنحافظ على مستوى المنتدى حتى لو أصبحت جميع المنتديات الأخرى دون المستوى
إدارة المنتدى.
حاجة تانية انا لسة عارف انى كنت موقوف 3 ايام ومش عارف بشارك ازاي فيا ريت الاخ المشرف اللى وقفني يحدد بالظبط فين المشاركات اللى بيقول فيها الكلام اللى بيقوله عن سبب الايقاف ويتم حذف الكلام اللى كاتبه في نهاية مشاركاتي لانه اما تم ايقافي وبالتالي لا اشارك او تم ايقافي وانتهي الايقاف اثناء اجازة العيد يبقي مش من حقه يبقي على كلامه عن الايقاف
دكتور شريف تحياتي على تفهمك للموقف لانه تحو بالفعل لخناقة
كايرو
لو لقيت توقيع واحد به علم الجزائر منفرد وليس العلمين في محاولة للصلح
اعمل بيه تقرير مشاركة والمشرف هايحذفة لانه استفزاز للاعضاء
اما عن الايقاف بالفعل معرفش عنه حاجة وتقدر تسال في قسم الشكاوي