مطلوب مساعدة من خبراء الطرق

**noble911** · 24-11-2007 09:37 AM

اضيف بس ان مع الوقت حتعرف بعض التخريمات عن الطريق الشوارع الموازية للهرم و فيصل
بس طبعا دي شوارع مش بطول الهرم و فيصل و استخدمها بيكون لما يكون الشارع واقف و فيه مصيبة جامدة قوي
لانك ممكن في الاخر تلاقي نفسك عمال تلف في دواير مغلقة و البركة في U تيرن

مثلا و ده مثلا

كنت رايح من الهرم في اتجاه الجيزه الي الهرم ساعة مغربية و الاقي كلوا واقف من عند الخزان
زهقت الصراحة دخلت من ناصر التورة علي فيصل و من اول U تيرن و كملت في فيصل للمريوطية
و في نخريمه تانية من ورا كايرو موول اذا كان كايرو موول عنده مشاكل او حادثة

لكن مفيش احسن من الهرم طوالي ساعة ما يكون فاضي و تخلي بالك من الناس الل بتعدي

انا مش ساكن هناك بس ليا زمايل و اصحاب هناك

و ربنا يسلم طريقك

**tootyto** · 24-11-2007 05:47 PM

شكرا يا نوبل ، ماهو بالتدريج كا ما ها تزيد احتياجاتي كل ما ها اسأل عن التخريمات اللي بتنجز ف الوقت ، عشان اكتر حاجة بتعمل لي عقدة ف حياتي هي الزحمة

شكرا مرة تاني

**Sherif Khalifa** · 24-11-2007 06:55 PM

خد الدائيرى و انزل المهندسين و امشى من ميدان لبنان للاخر و بعد كدة شمال لحد جامة الدول و من عند مصطفى محمود لف علشات تدخل البطل احمد و خدة لحد الاخر لحد متوصل للجامعة

طريق طويل بس سالك جدا
انا بنزل من البيت فى المريوطبة لحد هناك فى حوالى 20 دقيقة
بس ابعد عن الساعة 9 علشان البية الكبير بيعدى من هناك فا بيئفلو نزلة المحور

**eng_mkhalaf** · 24-11-2007 09:28 PM

خش شارع الهرم وخرم من خاتم المرسلين لغاية نصر الدين والنفق بس الطريق فى مطبات وحفر كتير بس سالك ;)

**dragonsmith** · 24-11-2007 10:55 PM

خد الدائيرى و انزل المهندسين

السلام عليكم،

الدائري من أول طريق اسكندرية الصحراوي فكرة كويسة بس بتعديل بسيط، انك تنزل منزل كرداسة/صفط اللبن. في طريق من هناك هيوصلك لحد كوبري ثروت عند الجامعة. الطريق من المنزل للكوبري صعب اوصفه بصراحة و مليان مشاة و ميكروباصات. لو مرة تاخده وانت رايح براحتك من غير محاضرات و تسأل يبقى تمام.

الدائري/محور المنيب أفضل طريق في نظري. هتطلع من المنصورية عشان أروق من المريوطية و هتنزل المنزل اللي مكتوب عليه الجيزة. ده تالت منزل لو انت طالع من المريوطية و عليه لوحة جديدة مكتوب عليها مخرج 3. هتاخد شارع البحرالأعظم لللآخر و بعدين نفق الجيزة من يمين الطريق (شمالك مطلع كوبري) و بعدين شمال يخرجك على شارع الجيزة (مراد سابقا) و تكمل علطول و شمال من عند كوبري الجامعة تبقى في الجامعة.

شكرا.

**tootyto** · 25-11-2007 12:29 AM

يااااااااااااااااه اخيرا في حد قال إن الطريق سالك ، انا كنت ابتديت افقد الأمل ههههههههههه

حلو اوي ، الطبيعي اني بانزل قبل ثمانية ، كده احتمال الطريق يبقى سالك
شكرا على الردود ، انا بصراحة مكنتش متخيل إن في حد ها يهتم يرد

شكرا مرة تاني ، انا اتفاجئت الصبح ، اول ما كتبت السؤال ، مفيش نص ساعة و كانت الردود ابتدت
شكراااااااااا

**tutankhamoun** · 25-11-2007 05:57 AM

المشاركة الأصلية كتبت بواسطة tootyto

يااااااااااااااااه اخيرا في حد قال إن الطريق سالك ، انا كنت ابتديت افقد الأمل ههههههههههه

حلو اوي ، الطبيعي اني بانزل قبل ثمانية ، كده احتمال الطريق يبقى سالك
شكرا على الردود ، انا بصراحة مكنتش متخيل إن في حد ها يهتم يرد

شكرا مرة تاني ، انا اتفاجئت الصبح ، اول ما كتبت السؤال ، مفيش نص ساعة و كانت الردود ابتدت
شكراااااااااا

مع أحترام كل الردود اللي أقترحت الدائري و المهندسين و المنصورية و المنيب
بس دي لفة كبيرة جدا
عاملة زي طريق رأس الرجاء الصالح
الأفضل الخروج بدري علشان توفر بنزين عربيتك و توفر العربية نفسها

**eng_mkhalaf** · 25-11-2007 11:23 AM

الأفضل الخروج بدري علشان توفر بنزين عربيتك و توفر العربية نفسها

وتوصل بدرى وتكمل نوم فى العربية ;) ;) ;) :D

**tutankhamoun** · 27-11-2007 07:54 AM

المشاركة الأصلية كتبت بواسطة eng_mkhalaf

الأفضل الخروج بدري علشان توفر بنزين عربيتك و توفر العربية نفسها

وتوصل بدرى وتكمل نوم فى العربية ;) ;) ;) :D

[smilie=to funny.gi: [smilie=to funny.gi: [smilie=to funny.gi: [smilie=to funny.gi: [smilie=to funny.gi: [smilie=to funny.gi: [smilie=to funny.gi: [smilie=to funny.gi:
و كدا أحسن ما دمه يتحرق في الطريق :D :D :D :D :-) :-) :-) :-)

**dragonsmith** · 27-11-2007 11:40 AM

مع أحترام كل الردود اللي أقترحت الدائري و المهندسين و المنصورية و المنيب
بس دي لفة كبيرة جدا
عاملة زي طريق رأس الرجاء الصالح
الأفضل الخروج بدري علشان توفر بنزين عربيتك و توفر العربية نفسها

السلام عليكم،

كلام حضرتك صح طبعا.
أنا عن نفسي الطرق دي كانت البديل لما اكون مستعجل. لو نازل بدري أو بعد 9 أحسن حاجة شارع الهرم.
شكرا.