مطلوب مساعدة من خبراء الطرق

**tootyto** · 24-11-2007 07:46 AM

صباح الخير
اعتذر على هذا الاسم الغريب الذي ادخل به ، فهو اسهل اسم يمكنني ان اتذكره في المنتديات

المهم
عندي سؤال ، ما هو اسهل و اسرع طريق من حدائق الاهرام إلى جامعة القاهرة ما هو اقل الطرق ازدحاما من حدائق الأهرام حتى جامعة القاهرة

مع تحديد متوسط الفترة الزمنية التي قد استغرقها في قطع هذا المشوار
مع الشرح المفصل للطريق

لإني ضايع في حفظ الطرق

شكرا مقدما

**tutankhamoun** · 24-11-2007 08:16 AM

أنت مفيش قدامك أختيارات كثيرة ( معلش جورج قرداحي واخد اجازة ) :D :D :D :D
مفيش غير أنك تأخد شارع الهرم أو شارع فيصل ثم ميدان الجيزة لو شارع الهرم أو كوبر الجيزة لو شارع فيصل و من ثم طريق الجامعة اللي بيؤدي إلى بولاق
و طبعا تعتمد سرعة الطريق على الوقت اللي أنت نازل فيه
يعني الصبح الطريقين زفت و إن كان الهرم أفضل قليلا ......... و في منتصف اليوم فيصل مش وحش قوي

يبقى
لو شارع الهرم
تخرج من البوابة الأولى لحدائق الأهرام ثم النضمام لطريق الفيوم المتجه للجيزة ثم ميدان الرماية ثم التوجه يمينا لشارع الهرم حتى نهايته ثم كوبري الجيزة و النزول من أول فتحة شمال لشارع الجامعة
لو شارع فيصل
تخرج من البوابة الأولى ...... ثم طريق الفيوم المتجه إلى الجيزة ثم ميدان الرماية ثم شارع فيصل ثم نهاية شارع فيصل ثم طلوع الكوبري اللي في نهاية الشارع ثم التوجه يمينا إلى الطريق المؤدي إلى شارع السودان و بولاق و من ثم ستجد الجامعة على يمينك بعد 2 كيلومتر من نزولك الكوبري

**tutankhamoun** · 24-11-2007 08:23 AM

بالنسبة للفترة الزمنية
الطبيعي من 25 إلى 35 دقيقة
بس مع الزحام الغير طبيعي ممكن توصل لساعة أو أكثر
بسبب السواقة بالعافية و الهرجلة و الهمجية
بس عادي أنت في مصر

**tootyto** · 24-11-2007 08:29 AM

شكرا يا باشا على الرد السريع
انا كنت خايف من موضوع الهرم ، انا كنت متخيل إن في طريق سحري بيوصل بسرعة للجامعة ، بس اتضح انها احلام يقظة

النظرية إني بانزل قبل ميعاد المحاضرات بساعة ، انا لسه منقلتش على حدائق الاهرام ، لكن الوضع كده مش مريح مبدئيا ، لإني انا كنت ف المنيل ، و طبعا للجامعة بتاخد معايا ربع ساعة
لكن كده الموضوع كبير اوي من حدائق الاهرام ، غالبا ها اخلل ف العربية لغاية ما اوصل ، دا بافتراض اني ها اوصل اصلا 8)

طيب لو مشيت ف طريق الهرم ، ها اوصل ف اد ايه ؟؟

شكرا تاني للرد

**tootyto** · 24-11-2007 08:32 AM

يالهويييييييييييييييييييي يييييييي

ساعة او اكتر ، كده ضمنت ضياع المحاضرة الأولى دائما و ابدا لإني مش ممكن انزل بدري :D
ههههههههههه

شكرا على المعلومات

**tutankhamoun** · 24-11-2007 08:42 AM

المشاركة الأصلية كتبت بواسطة tootyto

يالهويييييييييييييييييييي يييييييي

ساعة او اكتر ، كده ضمنت ضياع المحاضرة الأولى دائما و ابدا لإني مش ممكن انزل بدري :D
ههههههههههه

شكرا على المعلومات

العفو . يا باشا
بس قولي أنت محاضرتك الأولى بتبدأ السعة كام ؟؟؟؟؟؟؟

**tootyto** · 24-11-2007 08:54 AM

الاولى ثمانيثة و نصف ، وبما ان الدكتور دائما بيتدلع ، بيدخل على تسعة إلا ربع
في أمل ولا أردم على موضوع حدائق الاهرام ؟ :-?

**tutankhamoun** · 24-11-2007 09:09 AM

لو عايز توصل في وقت قصير يبقى لازم تخرج الساعة7 إلا عشرة مثلا ............ بس كدا هاتوصل بدري قوي بس هاتوفر حرقة الدم في العربية لمدة ساعة طول شارع الهرم و ميدان الرماية
يبقى لو خرجت بدري شوية زي الساعة 7 إلا عشرة أو إلا ربع يبقى طبعا هاتكون في الجامعة على 7 و ربع كدا أو 7 و تلت
يعني لو تعرف حد من صحابك يخرج بدري معاك و تقعدوا في الجامعة تدردشوا أو تعملوا أي حاجة مفيدة لغاية ما المحاضرة تبدأ يبقى كويس قوي
إنما لو خرجت متأخر عن كدا يبقى أنت هاتخبط دمامغك في الحيطة و يتحرق دمك لمدة لا تقل عن ساعة أو أقل قليلا
بالإضافة لأستهلاك كمية عالية من البنزين و استهلاك قطع السيارة السريعة التلف من كثرة الاستخدام

**tootyto** · 24-11-2007 09:16 AM

شكراااااااااااااااا ، سبعة الا ربع انا ممكن أأقلم نفسي عليها
شكرا يا باشا على ردودك السريعة ، انت لحقتني ، عشان انا ضايع تماما في الطريق ، يعني انا اعظم حاجة باعملها من المنيل للجامعة ، او من المنيل لمصر الجديدة ، ابعد من كده باكون معايا حد ف العربية يقول لي على الاتجاهات ههههههههههههه

حلو اوصل على سبعة و ثلث ، اروح اكمل نومي ف الكلية :D

**tutankhamoun** · 24-11-2007 09:21 AM

المشاركة الأصلية كتبت بواسطة tootyto

حلو اوصل على سبعة و ثلث ، اروح اكمل نومي ف الكلية :D

[smilie=pdt_aliboro: [smilie=pdt_aliboro: [smilie=pdt_aliboro: [smilie=pdt_aliboro: Red_Colorz_PDT_38 Red_Colorz_PDT_38 Red_Colorz_PDT_38

الموضوع: مطلوب مساعدة من خبراء الطرق

LinkBack

أدوات الموضوع

عرض

-

-

-

-

-

المواضيع المتشابهه

طلب مساعدة من خبراء التبريد

مطلوب مساعدة من خبراء الاكسيل

طلب مساعدة من خبراء المنتدى

مطلوب مساعدة من خبراء ومحبى النيسان

مطلوب مساعدة من خبراء الانوس

الكلمات الدلالية لهذا الموضوع

المفضلات

المفضلات

ضوابط المشاركة