ركبت فرش للنوبيرا

**MoMohsen** · 26-11-2009 01:36 PM

بمناسبة العيد قلت اظبط العربيه شويه و الدنيا صيام و انا فاضى ...المهم رحت لسبير كار لان هو قريب منى جدا و انا بحترم الناس دية من واقع اكتر من تجربة معاهم.
المهم كنت عندهم الساعة 11 الصبح و الدنيا كانت رايقه مكنش فيه غير عربيه واحدة بس و ما شاء الله هما عنهد جيش صنايعيه اكتر من 12 صنايعى .

المهم دخلت اختار اللون و الشكل و التشكيله و الخامة كويسه فعلا و كان معايا واحد اسمه استاذ وليد راجل محترم فعلا اخترت 3 اشكال و جربتهم على العربيه و عجبنى واحد منهم لونه رصاصى فى اسود .المهم يا عم وليد حسابه كام قالى هو كان 3بـ360 و احنا عاملين خصم هدهولك على 280 قلت كويس و مافصلتش معاة و قالى اركن هنا عشان نبدأ التركيب.

و بعد الركنه لقيت بتاع 3 نزلو على العربيه جابوها على البلاط و بدأو يركبوا و ما شاء الصنايعيه محترفين العربيه مخدتش 45 دقيقه و كانت جاهزة المهم ظبطت العيال و مشيت و اول ما رجعت صورت الفرش.وكل سنه و انتم طيبين و يا رب كدة السنه الجايه كل اللى فى نفسه حاجة يكون حققها ان شاء الله.

**tompina** · 26-11-2009 02:26 PM

بسم الله ما شاء الله وألف مبروك يا باشا .. قللي .. هو عنوان سبير كار فين بالضبط ؟

**Michael_Lanos** · 26-11-2009 02:26 PM

الف الف مبروك يا باشا وعقبال باقى التظبيت

**Akram** · 26-11-2009 02:45 PM

الف مبروك و كل سنة و انت طيب

**batviser** · 26-11-2009 06:38 PM

الف الف مبروك و تسلم ايدك على الصور ..

**MoMohsen** · 26-11-2009 07:23 PM

الله يبارك فيكو جميعا و كل سنه و انتم طيبين.
عنوان سبير كار فرع مدينة نصر:
16 شارع امتداد رمسيس اول بجوار ارض المعارض-عمارات الضباط.
ولو اى حد عاوز يروح ممكن يقولى و انا اروح معاة حتى لو كدة نعمل خصم كويس لاعضاء نايل موتورز