عملت حادثة وارجو المساعدة

**devilishtigers** · 26-11-2009 03:24 PM

يا جماعة انا عملت حادثة بالانسر البومة (الحمد لله على كل شيء) وكنت عايز اعرف ثمن (الرداتير والكابوت والشبكة والفانوس الامامي) بكام (أصلي وتايواني) وهل استعدال الصدر حاجة جامدة ولا عادية ويكون له تأثير عليها في البيع بعد كدا. ارجو الرد للأهمية ويا ريت لو حد يعرف الحاجات دي لو هجبها من التوكيل وهعملها هناك تتكلف كام

**أبو صلاح** · 26-11-2009 03:34 PM

اللي اعرفه ان استعدال الصدر مش قصة ومش بيأثر كتير في اعادة سعر البيع بس يفضل انه يتعمل على البارد

باقي الحاجات التانية ماعرفش عنها حاجة

**devilishtigers** · 26-11-2009 03:41 PM

المشاركة الأصلية كتبت بواسطة أبو صلاح

اللي اعرفه ان استعدال الصدر مش قصة ومش بيأثر كتير في اعادة سعر البيع بس يفضل انه يتعمل على البارد

انا مش عارف الميكانيكي (هو الميكانيكي تابع لشركة التأمين وكل الشركة بتتعامل معاه وبتشكر فيه) مش عارف هيعملوا ازاي بس احتمال كبير يتعمل على البارد

**devilishtigers** · 26-11-2009 06:49 PM

هو ما حدش يقدر يفدني ويقولي على الاسعار او استعدال الصدر يعتبر حاجة جامدة ولا عادية ولا ايه..؟؟ وهل اركب الرداتير ياباني ولا التايواني كويس...؟؟؟ ارجو المساعدة

**مصراوي جدا** · 26-11-2009 06:49 PM

حمد لله على سلامتك اولا

لو العربية متأمن عليها فهاتها التوكيل هتتعمل صح يعني كل قطعة اتأثرت هيتم تغييرها وترجع العربية لحالتها الأصلية وفرصة كمان ان اليومين دول مفيش زحمة (بعد العيد طبعا ابتداء من يوم الاثنين) يعني ممكن تخلص خلال 3 - 4 أيام

**مصراوي جدا** · 29-11-2009 11:47 PM

بشكل مبدئي سعر الأصلي من التوكيل تقريبا كالتالي (يوم الثلاثاء الصبح باذن الله اجيب لك السعر بالظبط من الكمبيوتر في التوكيل) : سعر الردياتير حوالي 3000 - سعر الفانوس الأمامي حوالي 900 جنيه - الكابوت حوالي 1600 جنيه - الشبكة مش متذكر - انما فيه كمان قطع في الصدر اذا كانت هتتغير مش هتتسمكر والأفضل انها تتغير علشان تبقى جديدة