محمود حفناوي..صباح الخير !! (وائل عطية)

**وائل عطية** · 24-11-2007 09:22 AM

أسعدتني بالأمس محادثة هاتفية مطولة بيني وبين الصديق العزيز والأخ الغالي محمود حفناوي
تطرقنا لمواضيع كثيرة لا مجال لذكرها ..وخلاصة المحادثة أنه سوف يمر علينا (بالمنتدى) اليوم لإلقاء التحية على الجميع ..لأنه طبعا الجميع مُفتقدينه ..وكلنا بنقوله كفاية بقى ..أجازتك طولت ..
هو محمود ياجماعة زعلان وحازز في نفسه قوي الكلام اللي اتقال عليه ..وأنا قولتله إن في كلام الواحد بيسمعه ويصدقه وكلام بنسمعه وكأننا لم نسمعه..والكلام اللي اتقال على محمود من النوع التاني اللي مايدخلش العقل أصلاً
ميمو باشا ..معلش بقى في التدبيسة دي قدام حبايبك كلهم دلوقتي .. بجد منتظرينك
أنا عايز أتكلم كتير بس هاكتفي بالكلمتين دول وأسيب الناس ترد على تحيتك ليهم :?

**TAG_Turbo0** · 24-11-2007 09:58 AM

يااااااااااااااه الراجل ده فين من زمان والله ليه وحشة
سيبك يا عم محمود من كلام الناس دول
انا مستنى أشوف أسمك على المنتدى تانى

**اسلام المصرى** · 24-11-2007 10:06 AM

أحلى خبر على الصبح :-) الحمد لله , أنت على بالنا و الله يا أخ محمود ليك وحشة كبيرة جدا! و حشتنا جدا جدا :-) كان نفسنا نشوفك فى المقابلة اللى فاتت.
ان شاء الله ترجع تشارك معانا مرة تانيه :-)
شكرا جزيلا يا أخ وائل على هذا الخبر الجميل , جزاك الله خيرا.

**PRO-DRIVE** · 24-11-2007 10:50 AM

كفايه عليك كدا اوي :twisted: :twisted:

لازم ترجع تاني ;)

**memo_hefnawy** · 24-11-2007 11:56 AM

يا صباح الفل على أحلى أصحاب و أجمل منتدى سيارات فى الدنيا كلها -- أجمل بأعضائه و بالروح الأسرية إللى بجد الواحد إفتقدها كثير و كان حازز فى نفسى أوى البعد عن الناس إللى الواحد بجد طول ما هو بينهم بيحس إنه فى بيته و وسط أهله --

هى تدبيسه يا وائل يا عطية و لينا كلام بعدين

ده ماكنش إتفاقنا إمبارح و قولتلك هاتيجى فى وقتها إن شاء الرحمن بس إنت أحرجتنى و صحيت الصبح على sms من واحد حبيبى بيقولى على الموضوع ده فدخلت عشان ماكنش ينفع ماردش :)

بس بجد يا جماعه واحشنى جدا والله وحده يعلم و إن شاء الله نتقابل كلنا فى المقابلة القادمة بعون الله بدون مقاطعه

محمد باشا تيربو إسلام حبيبى ربنا يباركلكم و شكرا على شعوركم الطيب و إن شاء الرحمن نتجمع على خير فى المقابلة القادمة

إسلام إنت ليك شكر خاص و إنت عارف ليه :) على قد الوقت البسيط إللى شوفنا بعض فيه بس إنت سألت و بعتلى أكثر من مره بجد إنت من الناس إللى الواحد بيعتز بمعرفتهم

شكرا لكل الناس إللى كلمونى أو سألوا عنى فى الفترة الماضية و شكرا أيضا لكل من تذكرنى بالخير وربنا يديم المعروف

**3mr Farrag** · 24-11-2007 11:58 AM

حبيــــــــــــــــــــــ ـــــــــــــبي ..............ايوا كده اطلع و بان :D
واحشني جدا والله يا حفناوي.........
و اقعد بقي و ماتجريش تاني
و لازم ان شاء الله نشوفك المقابله اللي جايه ;)

**Sharky** · 24-11-2007 12:01 PM

محمود باشا إنت عارف معزتك عندنا أد إيه

كفاية بقى عليك كده و لازم ترجع تانى

**memo_hefnawy** · 24-11-2007 12:06 PM

عمور حبيبى و الله واحشنى إنت كمان و أحمد شاركى من غير ماتقول والله القلوب عند بعضها

ربنا يديم الود و المعروف يا جماعه و إن شاء الله أنا مش رايح فى حته أنا موجود إن شاء الله و شكرا أوى على شعوركم الطيب ده