الموضوع: التفاصيل الكاملة لأرخص سيارة في مصر

احلى موضوع بصراحه انا عمال اضحك و مش عارف اكتب التعليق
وبعدين دى مش عربيه دى اشتغاله
ومين الى بيقول مصرى هو عربيه بتتجمع فى مصر تبقى صناعه مصريه انتو مش عارفين الفرق بين التجميع المصرى والتصنيع المصرى ولا ايه
طب ماللانوس والشفروليه بتتجمع عندنا
هو كل الفكره ان التجميع هنا بيخفض من تكلفه العربيه (مش من الجمارك لانها حتدفع حتدفع)
وبعدين بيقولك 600 cc والسرعه القسوى 120 واخدن بالكم
دى حتبقى 126 معدله
دا السيات حتسبقها

المشاركة الأصلية كتبت بواسطة Haitham10

ياجماعة هو كل الردود تريقه كدة هي عربيه متليقش بطموحاتنا اه لكن في غيرنا تلزمه يمكن وهي كخطوة كويسة المفروض نكون ايجابيين عشان الناس الي زيهم لما يفكروا ياخدو اي خطوة تانية يكون عندهم امل في انها تمشي فمصر ولا عايزين نفضل مكملين زي مااحنا
كل حاجة مبتجيش بين يوم وليله هنصنع بى ام دبليو ولا بورش ولا حتي هنقلب يابان من تاني يوم

الصبر وياريت نكون ايجابيين شوية عشان نكون ناس مفيدة برأينا..

اتفق معاك
بس السعر بمالغ فيه اوي بصراحة


و بعدين في الاول العربية قالوا انها 200 سي سي و 21 حصان و سلندر واحد
معرفش ازاي كل المعلومات دي اتغيرت فجأة كدة

معلومات على لسان صاحب المشروع لحد ما ربنا يكرمنى واكمل لكم الصوره قريب

العربيه مصروف على تصميمها وتطويرها 2.5 مليون دولار

والعربيه مطابقه للمواصفات القياسيه ( معرفش بتاعت مين !! )

والعربيه اداءها مرضى جدا وفيها تقنيات كتير قوى مش موجوده فى عربيات حديثه زى ان الكاوتش بتاعها لو اتخرم وهى ماشيه بيلحم نفسه وانها ستيب ترونيك وكمان ذات جوده عاليه

لكن حتى الان اللى كمان محدش يعرفه ان العربيه رسميا غير معترف بيها , يعنى لو اشتريتها ورحت بيها المرور هتروح بوصل استلام فقط ومفيش ورق تقدر توثقها من خلاله

و فى حاجات تانيه كتير اوى عرفتها عن العربيه دى هتعجبكم بس الصبر حلو :)

مستنين تقيم حضرتك

العربيه مصروف على تصميمها وتطويرها 2.5 مليون دولار

استحالة

اقطع دراااااااعي

مينفعش

حتجنن

يا راجل دولا كانوا طوروا بيها الموتوسيكل الصيني وخلوه هوندا cbr

المشاركة الأصلية كتبت بواسطة drguevara

استحالة

اقطع دراااااااعي

مينفعش

حتجنن

يا راجل دولا كانوا طوروا بيها الموتوسيكل الصيني وخلوه هوندا cbr

ده كله كان كلام الراجل صاحب المشروع ( قلبى مش مطمن له اساسا وحاسس انه نصبه )

بعد العيد بقا نجرب العربيه فعليا ونشوف لو ليها ورق او ايه اصلها وفصلها وساعتها هتبان كل التفاصيل المختفيه

معلومات على لسان صاحب المشروع لحد ما ربنا يكرمنى واكمل لكم الصوره قريب

العربيه مصروف على تصميمها وتطويرها 2.5 مليون دولار

والعربيه مطابقه للمواصفات القياسيه ( معرفش بتاعت مين !! )

والعربيه اداءها مرضى جدا وفيها تقنيات كتير قوى مش موجوده فى عربيات حديثه زى ان الكاوتش بتاعها لو اتخرم وهى ماشيه بيلحم نفسه وانها ستيب ترونيك وكمان ذات جوده عاليه

لكن حتى الان اللى كمان محدش يعرفه ان العربيه رسميا غير معترف بيها , يعنى لو اشتريتها ورحت بيها المرور هتروح بوصل استلام فقط ومفيش ورق تقدر توثقها من خلاله

و فى حاجات تانيه كتير اوى عرفتها عن العربيه دى هتعجبكم بس الصبر حلو :)

فى انتظار تقريرك احمد باشا
بس انا شايف ان الكلام لحد دلوقتى مش حلو غير موضوع الكاوتش ده كويس