هى السرقة وصلت للدرجة دى؟؟؟

**Eng_Mostafa_89** · 27-11-2009 03:14 AM

النهاردة نزلت رايح مشوار عادى
لقيت صوت جى من ورا حاجة عملة تدب وترزع
قولت يا واد يمكن عجلة نامت انزل شوف
ركنت ونزلت ابص ملقتش حاجة
ركبت العربية وطلعت برضة نفس الصوت قلت اية دة من الوضح انى فى شريطة من السوستة اللى ورا اتكسرت
المهم بطلع دماغى من الشباك وابص على العجلة اللى ورا لقيتها عمالة ترف
قلت اركن وانزل اشوفها
نزلت وكانت المفاجئة العجلة اللى ورا مربوطة بمسمارين نعم انا سايبهم اربعة اية اللى حصل قلت الف على الباقى لقيت مسمار من كل عجلة ناقص ما عدا العجلة اللى ورا شمال مربوطة بمسمارين بس وكمان جنب بعض
افتح الشنطة وهات مفتاح العجل كان معايا 2 ولا واحد منهم موجود
الله كملت
رحت اشتريت مفتاح عجل و مسامير وركب لقيت المسمرين اللى مسكين العجلة سنهم باظ يلا هى جت عليكم اشريت 2غيرهم وغيرتهم وركبتهم
اللى مضايقنى هو اخد مفتاحين العجل قلنا مش مشكلة انما مسامير العجل هيعمل بيهم اييييييييييييييية
نفسي افهم
هنقول اية حسبنا الله ونعمة الوكيل

**AhmedGen2** · 27-11-2009 03:18 AM

أخوك وكان مزنوق فى مسمارين يعنى مش مشكلة أكيد لو كان جيه طلبهم منك مكنتش هتتأخر فهو قصر يمكن كان مستعجل :)

**Eng_Mostafa_89** · 27-11-2009 03:20 AM

المشاركة الأصلية كتبت بواسطة ahmedgen2

أخوك وكان مزنوق فى مسمارين يعنى مش مشكلة أكيد لو كان جيه طلبهم منك مكنتش هتتأخر فهو قصر يمكن كان مستعجل :)

انت عارف انا كنت واقف اضحك
هم يضحك وهم يبكى
بس انا زعلان منة جدا لانه ساب المسمارين اللى جنب بعض
المفوض كان ساب الاتنين اللى قدام بعض

**yyy** · 27-11-2009 03:43 AM

للى مضايقنى هو اخد مفتاحين العجل قلنا مش مشكلة انما مسامير العجل هيعمل بيهم اييييييييييييييية

اكيد كان بيجرب المفتاح بيشوفه شغال ولا لأ

**Eng_Mostafa_89** · 27-11-2009 03:57 AM

المشاركة الأصلية كتبت بواسطة yyy

اكيد كان بيجرب المفتاح بيشوفه شغال ولا لأ:c_laugh[1]:

هههههههههههه
ماشي ياعم شكرا

**شريف** · 27-11-2009 09:15 AM

احمد ربنا انة مخدش الاربعة

**heragy** · 27-11-2009 10:23 AM

حسبى الله ونعم الوكيل

**bassem.naguib** · 27-11-2009 11:15 AM

لا يا باشا هو مكنش مزنوق في مسمارين ولا حاجة .. ده كان مزنوق في فردة الكاوتش كلها .. كان حيفكها ..وياخدها ويمشي .. بس الظاهر ان الوقت ما أسعفوش .. أو حس بقلق فمشي وسابها .

أنا الموضوع ده حصل معايا من سنتين .. كنت راكن في مصر الجديدة قدام مستشفى (والدي كان بيعمل عملية فيها) المهم نازل ومروح البيت بجيب حاجة .. ومشيت عادي مفيش أي مشكلة .. المهم وأنا في صلاح سالم وفاتح على الخامس .. حسيت أني ماشي على فلنكات قطار .. قلت يمكن في حاجة في العفشة .. وهديت السرعة ومنزلتش أشوف فيه أيه علشان كنت مستعجل .. وكل ما أمشي أحسن أن العملية بتزيد .. لحد ما وأنا على كوبري الفردوس لاقيت واحد عمال يزمر ويقلب نور لحد ما جه جنبي .. وقالي الحق فردة الكاوتش بترف جامد وحتطلع من مكانها .. نزلت من على الكوبري لاقيت الفردة على مسمارين فقط .. وكمان ملخلخين جداً .. يعني هو فك مسمارين .. وهوى الاتنين التانيين علشان يشلهم خالص ويشيل العجلة ويمشي .. ولولا القدر كان زماني عامل حادثة .. وحسبي الله نعم الوكيل في اللي عمل كدة .

والحمد لله يا باشا أن العجلة مفكتش منك وأنت ماشي بسرعة .. وإلا كانت حتبقى مصيبة .

**viper911s** · 27-11-2009 12:52 PM

قدر الله وما شاء فعل
احمد ربنا
انا لسا عميل كان عندى يوم الاربعاء
بيحلفلى ان الاربع جنوط اتسرقوا
صحى الصبح لقا العربية واقفة على طوب
وكان جايلى يشوف الجنوط سعرها كام

-

الموضوع: هى السرقة وصلت للدرجة دى؟؟؟

LinkBack

أدوات الموضوع

عرض

هى السرقة وصلت للدرجة دى؟؟؟ - انشر الموضوع فى :

-

-

-

المواضيع المتشابهه

هي النفسنة و الشلللية من بعض الاعضاء وصلت للدرجة دي !!!؟؟

هو للدرجة دي هتفرق ؟!!

هو صعب للدرجة دي

الناس بقت للدرجة دى

مش للدرجة دية

الكلمات الدلالية لهذا الموضوع

المفضلات

المفضلات

ضوابط المشاركة