كلمة ونص 14-مايو-2007

**sab3aawy** · 14-05-2007 09:17 AM

عندى اعتقاد ان المدرسة التى يتخرج منها البوابين فى مصر فيها مدرس جغرافيا معتوه يقوم بتعليم شباب البوابين ان مصر تقع فى منطقة بحيرة فيكتوريا او سهول نهر الامازون، جاء لى هذا الإعتقال وانا أشاهد كميات المياه التى تتعدى حدود العقل بآفاق بعيدة والتى يهدرها سلاح البوابين كل صباح على غسيل السيارات حتى تتجمع فى منابع صغيرة على اسفلت الشارع تنتهى بنهر كبير فى نهايته يجعلك تعتقد ان الدنيا مطرت او ان فيه ماسورة ضاربة

فبينما اننى بطبيعة عملى اشاهد المشقة اللازمة لأنتاج لتر واحد من مياه الشرب-حتى لو لم تكن افضل مياه شرب فى العالم-إللا اننى اصاب بالضغط والسكر والقولون العصبى حينما اشاهد بوابا يقف بكل بلاهة الدنيا فاتحا خرطومه فوق سيارة ليهدر عليها كمية من المياه-ناهيك عن انها تكفى استهلاك بيت كامل لمدة يوم-فإنها تصيب السيارة بالبارومة وتتسرب الى الصالون والمحرك-خصوصا فى السيارات القديمة-لتتلف الموكيت والاجزاء الكهربية

**PAYOO** · 14-05-2007 09:33 AM

والله يا باشمهندس سبعاوي أنت بتتكلم في موضوع في منتهى الأهميه

وعاوز أقول لكم إن أنا عدو لدود لكل شخص يهدر المياه التي وهبنا إياها رب العالمين

والحمد للـ لله تعالى في منطقتي التي أسكن فيها حاليا لا يوجد بواب ولا حتى اي ساكن يستطيع أن يقوم برش وأهدار الماء على الفاضي (والموضوع ده أخد مني مجهود جبار جدا)"وكمان مافيش أي طفل من أبناء البوابين يقدر يمشي حافي من غير شبشب"

وفي منطقتي القديمه الحمد للـ لله أستطعت أن أنشر فكر المحافظه على المياه وعدم اهدارها على أكثر المتعقلين في المنطقه وفشلت فشل زريع مع البوابين (مش عارف ليه في فرق بين بوابين الحي القديم والحي الجديد ؟؟)

**mbluethunder** · 14-05-2007 09:58 AM

المشاركة الأصلية كتبت بواسطة PAYOO

والله يا باشمهندس سبعاوي أنت بتتكلم في موضوع في منتهى الأهميه

وعاوز أقول لكم إن أنا عدو لدود لكل شخص يهدر المياه التي وهبنا إياها رب العالمين

والحمد للـ لله تعالى في منطقتي التي أسكن فيها حاليا لا يوجد بواب ولا حتى اي ساكن يستطيع أن يقوم برش وأهدار الماء على الفاضي (والموضوع ده أخد مني مجهود جبار جدا)"وكمان مافيش أي طفل من أبناء البوابين يقدر يمشي حافي من غير شبشب"

وفي منطقتي القديمه الحمد للـ لله أستطعت أن أنشر فكر المحافظه على المياه وعدم اهدارها على أكثر المتعقلين في المنطقه وفشلت فشل زريع مع البوابين (مش عارف ليه في فرق بين بوابين الحي القديم والحي الجديد ؟؟)

لو تقدر ياهاني تقولنا عملت أيه وما هو المجهود الذي بذلته لكي تحد من هذه المشكله وتمنع تكرارها حتى يستفيد الآخرين من خبرتك

وذي ما م/خالد ذكر أن الموضوع ده في كل حته في مصر وعاجبني ردك في الموضوع :D علشان كده أنا حابب أعرف عملت أيه

( واضح يا هني أنك ليك بصمة قويه للغايه ومؤثره في المحيط الذي تتواجد فيه :arrow: )

وشكرا

**PAYOO** · 17-05-2007 01:24 AM

المشاركة الأصلية كتبت بواسطة mbluethunder7000

[size=7][font=Arial][b]والله يا باشمهندس سبعاوي أنت بتتكلم
لو تقدر ياهاني تقولنا عملت أيه وما هو المجهود الذي بذلته لكي تحد من هذه المشكله وتمنع تكرارها حتى يستفيد الآخرين من خبرتك

وذي ما م/خالد ذكر أن الموضوع ده في كل حته في مصر وعاجبني ردك في الموضوع :D علشان كده أنا حابب أعرف عملت أيه

( واضح يا هني أنك ليك بصمة قويه للغايه ومؤثره في المحيط الذي تتواجد فيه :arrow: )

وشكرا

شوف يا محمد باشا أنا اول لما بلاقي واحد متخلف ماسك خرطوم وبيرش الأرض وبيطين الدنيا بحس إنه ماسكني من زوري أنا (مش عارف ليه) فبلاقي نفسي على طول وقفت (سواء ماشي على رجلي أو بالعربيه) وتوجهت له فورا عشان اكلمه وبيبقى في طريقتين في الكلام (على حسب الشخص إللي قدامك) يعني لو بواب غلبان وباين عليه علامات الجهل والتخلف بكلمه بالعقل وبدون أنفعال واقول له ‘ن في ناس بتموت من العطش في دول تانيه كتير ومش لاقيين ربع نقطة ميه من إللي أنت بترشها دي على الأرض
ودايما بيبقى ردهم انه بيرش عشان الطراوه أو عشان التراب ينام ومايطرش عليهم
أضطر أني أوضح له أنه كده مش هايجيب طراوه بالعكس كده هايزود الرطوبه في الجو حوالين البيت إللي بيرش قدامه
وموضوع التراب إللي بينيمه ده غلط أكتر لأن هوه بينيم التراب وبيعمل طينه حوالين البيت يبقى أي واحد داخل للبيت هاياخد الطينه في رجليه ويوزعهاله على السلم

اما بقى لو لقيت شخص باين من ملامحه أنه واعي وفاهم بتبقى لهجتي معاه شديده شويه لكن من غير غلط وأغلبهم بيقدر أني فعلا بكلمه في الصح وأني لا ناقة لي ولا جمل في مسألة رشه أمام بيته أما بقى لو لقيت حد من إللي نصحتهم دول بيكرر الغلطه دي تاني اضطر أني أفهمه أنه كده غلطان قوي بس بطريقتي ..... أول حاجه لو ماشي بالعربيه أزود جامد قوي عشان اطرطش له الدنيا وأعمله قلق وبعدها أركن وأنزل اقوله شوفت بقى الميه إللي أنت مغرقها حوالين البيت عملت أيه أهي وسخت العربيات إللي انت لسه منضفها
ولو انا ماشي على رجليه ألم كل الطينه إللي أقدر عليها وأطلع البيت أخبط على أي حد من معارفي أو أصحابي وأنا طالع أكون وزعت له الطينه على السلم صح (وممكن كمان اطلع وانزل مرتين تلاته) بعدين أنزل أطلع عبنه على الطينه إللي بقت في الجزمه ومش عارف أخرجها منها

ولو حد من الجيران هوه إللي بيرش اعدي عليه وأبص له بصه في ها قرف من إللي بعملوا وماسلمش عليه

وهابقى أكملك عملت أيه في حينا القديم الشعبي إللي كنت ساكن فيه وكل محاولاتي بائت بالفشل الزريع