الموضوع: كان في موضوع عن الميكروويف أنا مش لاقيه :(

بص يا باشا

انا بس ردي الاول كان مقتضب عشان كان من الموبايل

انا عندي كينوود بقاله سنتين ماشي اخر حلاوة

باستثناء عطل بسيط في رمضان الماضي (الباب قفل و ما رضيش يفتح بسبب ان اللوك فوت و التوكيل صلحوه في يومين كما وعدوا و دفعت 55 جنيه بس تمن اللوك و المصنعية و الضريبة)

كنت جايبه ب 815

هو 34 لتر و 100 واط و شكله عصري و ظريف


شغال معايا كويس جدا ..... و وكيله محترم

المزايا اللي فيه

واجهته سهلة الاستعمال

ممكن بزر واحد تشغله (دقيقة) و كل ضغطة زيادة بدقيقة زيادة

و ممكن تختار قوة الميكروويف (من 10 لحد 100%) و تختار الوقت

فيه برامج جاهزة للتسييح بالوزن او التسييح بالوقت او طبخ طبخات معينة

سهل ممتنع

الصراحة من غيره كنا تايهين اما كان بيتصلح (غير الربع فرخة اللي اتقفل عليها هههههههههههههههههههههه)

و والدي عنده الموديل اخوه بس اللي بشواية بس نصيحة فكك من الشواية لانه في سنة و نص استعملها مرة واحدة بس !

و برضه ما حصلش عنده غير عطل في الموتور الدوار بتاع الصينية الداخلية و كان ممكن يستعمله من غيره بس برضه صلحه في يوم واحد بس في التوكيل تمن الموتور الدوار + المصنعية 110 جنيه