عرض للطباعة
مساء الفل وزكل سنه وانتو طيبين انا عندى صوت فوق العجله الخلفيه عكس منا سايق بحس ان فى صوت تزيق او طقطقه والله ما عارف احدد بس هو اقرب للتزيق كنت عايز اعرف الاحتمالات ممكن تكون ايه والصوت ده مبيظهرش الا مع الحموله لو لوحدى مبسمعوش والف شكر لكل الاعضاء وكل عام وانت بخير مره تانيه العربيه جوليت 99
كل سنه وأنت طيب
بالنسبه لوصفك للحاله
ياريت تحاول تخللى الحموله تبقى مركزه فى الجنب اللى وراك
وشوف الوضع أختفى كده ولا لا
فى الجانب المعاكس
لو الصوت راح فعلا
يبقى ده عيب فى سوستة الجنب الخلفى يمين بنسبه كبيره
هجرب وان شاء الله اوصل بس بقول لحضرتك هو العيب طلع فى السوسته دى شغل مين يا باشا معلش اخوك خام ميكانيكى ولا عفشجى ولا ايه واعمل فيها ايه علشان ابقى علرف اغيرها ولا ليها ظبط ولا ايه وشكر وكل سنه وانت طيب
هو اللى بيعمل الشغل ده بيكون العفشجيه
بس نصيحه لو طلع تخيلنا مظبوط
ياريت تبقى تغير الأثنين اللى ورا
ده أفضل
علشان التحميل يبقى متوزع صح على السوست وهى جديده
وأنا متابع
بعد تجربتك دى
وياريت لو تعرف تكشف برضه بنفسك على جلد السوست للجانبين من تحت العربيه
أطمن بس أن كله راكب
بيبقى فيه طبق جلد (أسفل وأعلى كل سوسته ) لمنع ظاهرة التزييق أو التخبيط
أنا بأقول
أحتمال بتوع الجنب الشمال يكونوا عاوزين يتغيروا مثلا أو فيه جلد مش راكب وداب
والسوست فعلا كويسه