كل سنة وحضراتكم بالف خير وصحة وسادة معلش اخوكم مزنزق فى مشوار مهم بكرة السبت تانى ايام العيد فى مشوار فى شارع الطيران مدينة نصر انا ساكن فى الهرم من فضلكم ايه انسب الطرق بالتفصيل وشكرا
عرض للطباعة
كل سنة وحضراتكم بالف خير وصحة وسادة معلش اخوكم مزنزق فى مشوار مهم بكرة السبت تانى ايام العيد فى مشوار فى شارع الطيران مدينة نصر انا ساكن فى الهرم من فضلكم ايه انسب الطرق بالتفصيل وشكرا
دائري و تنزل مخرج 9 و هتلاقي نفسك لازم تلف يو ترن من هناك بعد المخرج مجرد ماهتلف هتلاقي صنية على الشمال و في نفق هتدخل النفق و تمشي طوالي هتلاقي محمد زكي وكيل رينو و كيا قدام و الطريق فيه يمين و شمال تدخل شمال هتلاقي على ايدك اليمين البافرية بتاعة bmw افضل ماشي من جنبها طوالي في الطريق اللي فيه بنزينة اويلليبيا هتلمحها مجرد ماتدخل شمال و افضل ماشي في الشارع ده طوالي لا يمين ولا شمال لغاية ماتلاقي بنزينة التعاون على ايدك اليمين تدخل معاها يمين هتبقى في الحي السابع هتلاقي نافورة تدخل من جنبها شمال و طوالي بقيت في شارع الطيران من عند الشبراوي و الرجوع نفس الطريق فيما عدا النفق لما تلمحو هتلاقي مطلع على ايدك اليمين تاخدو
و اي استفسار انا تحت امرك و عارف المنطقة دي كويس
ممكن كمان تاخد كوبري اكتوبر و تنزل منزل قاعة المؤتمرات و تفضل ماشي طوالي لحد رابعة العدوية تدخل يمين بعد الاشارة هتبقى بردو في الطيران
و لو عاوز تعرف طريق مصل اكثر قولي انت رايح فين في الطيران و انا افيدك
ربنايخليك كدة طريقين كويس جدا انا فىالحقيقة لسه معرفتش المكان بالظبط بينى وبينك انا رايح اجيب حماتى من عند اختها واول مرة ازورها فى مدينة نصر لسة هعرف العنوان بالظبط النهاردة متشكر جدا مرة تانية وكل سنة ونت طيب