الحقونى عاوز اروح 6 اكتوبر من الزقازيق كل سنه وانتم طيبين

**nandoli** · 27-11-2009 05:05 PM

السلام عليكم
عندى مشوار مهم جدا جداوعاجل ل 6اكتوبر وانا معرفش طريقها فين طبعا مواصلات لانى معنديش عربيه
انا من الزقازيق

طلب كمان لو ممكن طريق من الزقازيق لشارع صلاح سالم انا روحته مره لكن لفيت لفه جامده جدا فعاوز الطرق المباشر او اقصر مسار ممكن

كل سنه وانتم طيبين وعيد سعيد على الجميع باذن الله

**aymansaad** · 27-11-2009 07:36 PM

لو حتركب قطار حتنزل رمسيس وتاخد مترو لغاية عبد المنعم رياض وبعد كده حتاخد ميكروباص الى 6 اكتوبر

**nandoli** · 28-11-2009 02:32 AM

يعنى الطريق من رمسيس فقط مفيش حاجه مباشر من الزقازيق بنها 6 اكتوبر او طريق صحراوى ؟؟؟

**cheetos_892005** · 28-11-2009 02:37 AM

المشاركة الأصلية كتبت بواسطة aymansaad

لو حتركب قطار حتنزل رمسيس وتاخد مترو لغاية عبد المنعم رياض وبعد كده حتاخد ميكروباص الى 6 اكتوبر

من رمسيس الميكروباصات ل 6 اكتوبر احسن واكتر بكتير و بتروح كل حته
ورا قسم الازبكيه

**WalidAdel** · 28-11-2009 02:45 AM

باشا تقريبا ممكن تركب ميكروباص لموقف العاشر اللي علي الدائري من الزقازيق و لما توصل الموقف تسال علي عربيات ل 6 اكتوبر انا علي فكره مش متاكد بس اكيد اكيد هتلاقي مواصله ل 6 اكتوبر من موقف العاشر اللي علي الدائري لكن المواصله من الزقازيق لموقف العاشر انا متاكد منها
او ممكن موضوع القطر و تنزل رمسيس و تتمشي لحد قسم الازبيكيه هتلاقي ميكروباص ل 6 اكتوبر بردوا
و الله اعلم دي معلوماتي في المواصلات الصارحه

**WalidAdel** · 28-11-2009 07:22 PM

لو حضرتك حضرتك طلعت علي الدائري قبل ماتروح مؤسسه اكيد اكيد هتلاقي كيروباص ل 6 اكتوبر لان موقف العاشر فيه ميكروباص ل 6 اكتوبر و بيمشي في اتجاه طريق اسكندريه زراعي و الزراعه فهايعدي عليه كده كده اي ميكروباص ممكن توقفه و تساله يعني لكن مؤسسه اكيد اكيد مافيهاش و الزراعه بردوا مش متاكد بس الدائري اكيد هتلاقي اي حاجه رايحه 6 اكتوبر و ممكن لما تنزل الزراعه ان شاء الله او دائري تسال اي سواق ميكروباص تروح 6 اكتوبر ازاي هما فاهمين اكتر من اي حد اصلا