بصراحه معرفش اوى عن اسعار قطع الغيار بس اسمع انها غاليه.. انا لحد دلوقتى مغيرتش غير زيت و فلتر و عامل 9,200 كم او اكتر و مربطش العفشة و كمان بفكر اعمل الصيانة بره و مروحش توكيل.. بس ميزة التوكيل ان قطع الغيار متوفره و تقدر تشتريها و تركب بره براحتك
ان شاء الله حد يفيدك.. بالنسبة لل i10 مقارنة باللانوس انت هتلاقى مميزات فيها و عيوب بالنسبة للانوس علشان تبقى عارف انا امتلكت اللانوس لفتره و كنت جايبها مستعملة عامله 14 ألف و عند ال 50 ألف او اقل بعتها علشان كنت حاسس ان عمرها الافتراضى قرب ينتهى و قلت ارتاح منها
مميزات ال i10 ثبات قريب من اللانوس و موتور يسد معاها على اقل من 100-120 بعد كده اللانوس تكسب فرامل ال i10 احسن بكتييير و احسن من عربيات كتيره.. باور ال i10 كهرباء افضل بكتييييير من اللانوس فى انه انعم و اريح و متماسك حتى على السرعات و بيدى متعه فى السواقة متلاقيهاش فى عربيات كتيير و الحمد لله انقذنى من اكتر من موقف كان فيهم حوادث مؤكده.. استهلاك البنزين افضل بكتيير فى ال i10.. ال i10 عمرها ما بتحك فى مطب حتى لو بكامل حمولتها اللانوس كانت بتحك معايا و ساعات الماتريكس بتحك.. الكنبة فى ال i10 ممكن تتنيها و تشيل اللى انت عايزه فى اللانوس متعرفش
اللانوس تتميز ان عفشتها انعم و اريح شويه فى المطبات و طبعا سيدان و شنطتها اكبر بكتيييير و تكييفها ممكن يكون افضل شويه من ال i10 و الوسع الداخلى بالنسبة للركاب افضل من ال i10 بس بفارق بسيط جدااااا لان ال i10 مميزه جداااا فى الوسع الداخلى.. كمان الكراسى فى اللانوس اريح شويه من ال i10 و دى ترجعلك بردوا ممكن متحسش بفرق اوى.. قطع غيار اللانوس ممكن تلاقيها على الرصف و دى ميزه كبيره
انا فى مواقف عدت على بال i10 صدقنى اللانوس كانت هتلبسنى فيهم بس هى بردوا عربية حلوه اوى بالنسبة لسعرها شوف انت ايه افضلك فى اللى انا قلته
بالتوفيق
المفضلات