فوائد النيتروجين فى الإطارات
:N_no[1]:
تعرف على النيتروجين الخاص بملء الإطارات
السلام عليكم و رحمة الله وبركاته ,,,,
قد يكون هذا الموضوع جديدا على البعض و قديما على البعض الآخر
و لكنى سأحاول أن أتناول الموضوع بطريقة أكثر بساطة و تخصصية فى نفس الوقت
لأول وهلة عند سماعك النيتروجين و إنه هيتملى بيه إطارات عربيتك ممكن تعترض داخليا و لكن فى نفس الوقت هيثيرك الفضول لمعرفة فائدته
أولا نشأت فكرة التزويد بالنيتروجين أولا فى سيارات السباق ذات المضمار الطويل و التى تحتاج لضبط الضغط كل فترة و بصورة سريعة بدون تعطيل السباق
لذلك يكون معبأ فى إسطوانات إحتياطية تحت ضغط مناسب يمكنك بواسطتها تزويد الإطارات المملوءة أصلا نيتروجين نسبة نقاوة 98% بصورة سريعة و مثالية طب ليه لم يتم تعبئة هواء عادى فى هذه الإسطوانات ؟؟؟؟
و الإجابة هى حتى لا نفقد ميزة التزويد بالنيتروجين :
هنا ممكن نقول الأول إيه هى المميزات و بعدين نقول إيه هو النيتروجين
المميزات:
1- النيتروجين جاف فى حين الهواء الجوى فيه نسبة رطوبة
2- أخف من الهواء الجوى
3- معدل تسريبه أقل من الهواء الجوى
4- لا يتأثر بسهولة بتغير درجة حرارة الجو صبح و ليل .... صيف وشتا
5- يقلل الإحتكاك بين الأسفلت و سطح الكاوتش بالتالى يوفر فى إستهلاك الوقود نسبيا
6- يطيل من عمر الكاوتش بالإضافة لوظيفته كمبرد
7- معامل التصادم للنيتروجين عالى و لذلك يقلل إحساسك بالمطبات
خلاص دلوقتى بقى نقدر نقول إيه هو النيتروجين
و بكل بساطة ممكن نقول إن الهواء العادى هو نيتروجين لكن منزوع الرطوبة و الشوائب و الأكسجين و هو ده بالظبط النيتروجين بتاع السباق
و لكن لغلو عملية فصل الأكسجين و تعقيدها فبيتم تخلص الهوا العادى من الرطوبة و الشوائب فقط فيتبقى نيتروجين و أكسجين و هو ده النيتروجين المتاح فى الأسواق
ويسمى نيتروجين لأن نسبة النيتروجين فيه أعلى من نسبته فى الهواء العادى و الجدير بالذكر أن 80% من الهواء العادى نيتروجين و بعد إزالة الرطوبة و الشوائب تصبح 87% فى حين النيتروجين الخاص بسيارات السباق نسبته 98% لذلك فهو يسمى مجازا نيتروجين
و عدم و جود رطوبة أو شوائب يحقق المزايا السابق ذكرها كالتالى :
1- الرطوبة مع الحرارة تكون بخار ماء و فى البرد تتحول لنقط مياه فيقل حجمها بصورة كبيرة جدا و بالتالى يقل الضغط فتحتاج تزود
2- عندما تتحول الرطوبة إلى مية بسبب البرودة نلاحظ ذوبان الكربون الأسود على هيئة بودرة سوداء نلاحظها عند تغيير الإطارات القديمة فيقل العمر الإفتراضى للكاوتش لأن هذا الكربون هو المسئول عن تحسين خواص الكاوتش الميكانيكية
3- الحرارة النوعية للنيتروجين أعلى من الهواء بالتالى يعمل كمبرد للجنط و يقلل من الإحتكاك
4- عدم وجود أتربة يحافظ على السطح الداخلى للكاوتش من التلف
أنا بقى شايف إن أهم ميزة نظافته و جفافه و عدم تأثره بالحرارة للمحافظة على الإطارات أهم عنصر فى السفر و الجرى