بتغيروا تيل فرامل البومه الامامى كل كام كليو ؟

**limo** · 28-11-2009 03:36 PM

السلام عليكم ورحمه الله وبركاته
عيد سعيد عليكم جميعا
العربيه دلوقتى داخله على 15 الف كليو ومن حوالى 2000 كليو التيل عندى ابتدى يصفر واداء الفرامل مبقاش زى الاول
لما بصيت على سمك التيل من الجنط الاسبورلقيته كويس مش وحش
بس لما لمست الطانبير والجنط بايدى لقيته مولع نار علما بانى مشيت امبارح بالعربيه حوالى 80 متواصل
فانتوا ايه رايكو اغير التيل دلوقتى بواحد اصلى زى الى موجود ولا استنى شويه عليه لحد ما يقرب يخلص
وملعش فيه طلب صغير كنت عايز اعرف التيل الاصلى بيعد معاكم اد ايه انا عارف انه بيفرق على حسب ظروف السواقه بس انا عايز احدد الحد الادنى والاقصى ليه

وعيييييييييييييد سعيييييييييييييييييييد علييييييييييييييييييييكم

**mada121977** · 28-11-2009 03:52 PM

كل سنه وحضرتك طيب وعيد سعيد على الجميع
التيل الاصلى بيقعد عندى 20 الف الى 25 الف كم وده بغيره على طول من التوكيل خلال الصيانه الدوريه .. فاذا كنت حضرتك بتعمل الصيانه فى التوكيل يبقى استنى لغايه صيانه ال20 الف وغيره مع باقى اعمال الصيانه .. اما اذا كنت بتعمل الصيانه بره التوكيل فخلى الميكانيكى يكشفلك عليه ويشوف هل يستاهل التغيير فعلا ولا ممكن يقعد شويه كمان.. ونصيحه مادام هاتغير التيل يبقى تغيره بالاصلى حتى لو مش هاتعمل صيانه فى التوكيل يعنى تشتريه من مركز الخدمه او اى محل تابع للتوكيل وتركبه بره علشان انواع التيل الاخرى ليست مضمونه

**Ahmed Hassan** · 28-11-2009 03:56 PM

المشاركة الأصلية كتبت بواسطة limo

السلام عليكم ورحمه الله وبركاته
عيد سعيد عليكم جميعا
العربيه دلوقتى داخله على 15 الف كليو ومن حوالى 2000 كليو التيل عندى ابتدى يصفر واداء الفرامل مبقاش زى الاول
لما بصيت على سمك التيل من الجنط الاسبورلقيته كويس مش وحش
بس لما لمست الطانبير والجنط بايدى لقيته مولع نار علما بانى مشيت امبارح بالعربيه حوالى 80 متواصل
فانتوا ايه رايكو اغير التيل دلوقتى بواحد اصلى زى الى موجود ولا استنى شويه عليه لحد ما يقرب يخلص
وملعش فيه طلب صغير كنت عايز اعرف التيل الاصلى بيعد معاكم اد ايه انا عارف انه بيفرق على حسب ظروف السواقه بس انا عايز احدد الحد الادنى والاقصى ليه

وعيييييييييييييد سعيييييييييييييييييييد علييييييييييييييييييييكم

خلي بالك ان سخونية الطنابير شيء طبيعي و هيحصل حتى لو التيل جديد

**mohamedway** · 28-11-2009 04:17 PM

التيل أصلى و لسه ما خلصش و سخونية الطنابير طبيعيه و التصفير طبيعى و معندكش أى مشكله و كبر دماغك و ما تقلقش و لما التيل يخلص ركب Sumitomo الأخضر مش الرمادى وده نصيحتى الشخصيه ليك عن تجارب عديده و نوعين التيل موجودين فى التوكيل و متجيبش تيل من برة التوكيل أبدا.

**Ahmed Nouh** · 28-11-2009 10:14 PM

انا تيل الفابريكا بتاع العربيه عندى متغيرش غير فى صيانه ال 40

انا اول مره اعرف ان فى ناس غيرته على 20 , ولا انا اللى حاله شاذه ؟

**tmedhat** · 29-11-2009 01:23 PM

انا غيرتةوالعربيةعاملة 25 الف

**مصراوي جدا** · 29-11-2009 11:42 PM

استهلاك التيل بيرجع الى حد كبير لطبيعة سائق العربية يعني فيه ناس بتستخدم الفرامل كتير اكتر من اللازم وخاصة في الاوتوماتيك بيفضل مثلا دايس فرامل طول ما العربية واقفة في الاشارات كل ده بيخلص التيل بسرعة وفيه ناس استخدامها معقول وعلشان كده تيل الفرامل من المستهلكات وغير مغطى بالضمان

الاستهلاك بيختلف من 20 ألف كيلو الى 40 ألف (طبعا 20 ألف في الاوتوماتيك واستخدام عالي للفرامل و40 ألف في المانوال واستهلاك معقول للفرامل)

**salehgharib** · 30-11-2009 11:52 AM

المشاركة الأصلية كتبت بواسطة limo

السلام عليكم ورحمه الله وبركاته
عيد سعيد عليكم جميعا
العربيه دلوقتى داخله على 15 الف كليو ومن حوالى 2000 كليو التيل عندى ابتدى يصفر واداء الفرامل مبقاش زى الاول
لما بصيت على سمك التيل من الجنط الاسبورلقيته كويس مش وحش
بس لما لمست الطانبير والجنط بايدى لقيته مولع نار علما بانى مشيت امبارح بالعربيه حوالى 80 متواصل
فانتوا ايه رايكو اغير التيل دلوقتى بواحد اصلى زى الى موجود ولا استنى شويه عليه لحد ما يقرب يخلص
وملعش فيه طلب صغير كنت عايز اعرف التيل الاصلى بيعد معاكم اد ايه انا عارف انه بيفرق على حسب ظروف السواقه بس انا عايز احدد الحد الادنى والاقصى ليه

وعيييييييييييييد سعيييييييييييييييييييد علييييييييييييييييييييكم

ممكن تدخل على الينك ده وتشوف تجربة تيل فرامل يبانى بسعر أقل وأداء أعلى

وعن تجربة
http://www.nilemotors.net/Nile/101822-a.html

**ahmed-moga** · 04-12-2009 08:27 PM

المشاركة الأصلية كتبت بواسطة مصراوي جدا

استهلاك التيل بيرجع الى حد كبير لطبيعة سائق العربية يعني فيه ناس بتستخدم الفرامل كتير اكتر من اللازم وخاصة في الاوتوماتيك بيفضل مثلا دايس فرامل طول ما العربية واقفة في الاشارات كل ده بيخلص التيل بسرعة وفيه ناس استخدامها معقول وعلشان كده تيل الفرامل من المستهلكات وغير مغطى بالضمان

الاستهلاك بيختلف من 20 ألف كيلو الى 40 ألف (طبعا 20 ألف في الاوتوماتيك واستخدام عالي للفرامل و40 ألف في المانوال واستهلاك معقول للفرامل)

طيب اية رأيك يا بشمهندس انا التيل بتاعي خلص عند 11 الف كيلو وجبت تيل اسباني بس ساعات اسمع صفارة في اول ماركبتة وبعدين لما طبع احيانا اسمعها واحيانا مش بسمعها علي الرغم انا كنت في التوكيل في صيانة العشرة الاف ومقلوليش اي ملاحظة علي التيل القديم انة قرب يخلص ولا لأ