الموضوع: اين توجد المواتير الجديدة

المشاركة الأصلية كتبت بواسطة omar91119

طيب اوك بس الواحد يعرف منين اى معلومه على الموتور الى قدامه يعنى مهو مش معقوله هخليه يركبه فى عربيه قدامى واجربه هو اكيد مش جهاز احطه فى الفيشه يشتغل يعنى منين نعرف ازا كان مهلوك او استعمال كويس او سنه الصنع او بتاع عربيه ايه
كده يعنى

ياسيدى الفاضل بيكون على الماتور كود ومن الكود ده تقدر تعرف معلومات عن الماتور زى الهورس باور كام والعزم كام و نسب انضغاط المحرك كام وممكن تجيب منه تقريبياً صنع سنة كام وده لما تعرف هو كان نازل في موديلات سنه كام تحديداً ... الحالة السيئة أو الجيدة للماتور دى بيبقى صعب التكهن بيها قبل الشراء والتجربة خير دليل هو انت في المواتير الأنجكشن ممكن تفك بوجيه وتشوف عليه زيت ولا لأ بس برضه ده مش مقياس للحالة الجيدة لازم تجربه بعد التسقيط وتكبس الماتور (بتتفق مع الراجل على مدة التجربه من أسبوعين لى شهر حسب الأتفاق) .. وطبعاً الماتور ده ماشى قد اية مش هتقدر تعرف غير في حالة واحدة لو انت جايب ماتور كان راكب في عربية كاملة جايه نصين ساعتها تشوف العداد ماشى كام ألف كم أو ميل بس دى بتكون صعبه عشان الراجل ساعتها هيقولك خد النص كامل على بعضه ومش هيوافق تاخد الماتور لوحدة، أرجو أكون قربت الفكرة شوية.