الجديد في تراخيص السيارات (مهم للغاية)

**ecybrarian** · 28-11-2009 06:29 PM

الاخوة الأعزاء، إليكم الجديد في تراخيص السيارات في مصر:
لو نمرك جديدة (حروف وأرقام) يبقى المطلوب منك تجيب بيان صرف لوحات مكتوب عليه النمر القديمة!!!. وبعدين تجيب شهادة مخالفات على النمر القديمة الأول، وبعدين تجيب شهادة مخالفات على النمر الجديدة...قشطة؟؟ قشطة!!
طبعا لو انت من المحظوظين هايكون شهادة مخالفاتك للنمر القديمة والجديدة في نفس المرور، لو انت من سيئي الحظ..هاتروح ببيان صرف اللوحات إللي عليه النمر القديمة للمرور إللي تنبعه النمر القديمة وتجيب شهادة مخالفات من هناك، وبعدين ترجع بالشهادة دي لوحدة مرورك...قشطة؟؟ قشطة!!
حدش فاهم حاجة!!!! القرار ده سيستمر لمدة ثلاث سنوات من 2009. ليه بقى؟!!! لأن الحكومة اكتشفت إن في مخالفات لم تكن قد سُجلت بعد، وبالتالي في فلوس لسة مادفعتش...قشطة؟؟ قشطة!!

**MaZaGAngeE** · 28-11-2009 06:49 PM

هوه ايه اللي قشطة دي مرمطة

**kemo0o** · 28-11-2009 06:54 PM

قشطة؟؟ قشطة!!

**gebreel** · 28-11-2009 06:57 PM

للأسف الموضوع ده حقيقي و حصلت معايا في العربيتين الادا و الفورد (اتباعت) كانت في الاول تبع مرور مصر الجديدة لما جيت اجدد الفورد مرمطة و المرور ده يقلك بكرة و كش عارف ايه و هكذا
حصلت في الادا مرة واحد بس و محصلتش تاني و ان شاء الله مش هتحصل لأني جددت 3 سنين
حسبي الله و نعم الوكيل في الناس اللي بتعمل سيستم جديد بدون ما يحسبو خطواتهم رايحة فين

**mahamedaraby** · 28-11-2009 07:03 PM

مش قشطه خالص خالص خالص يعنى

**mohamedbook** · 28-11-2009 07:29 PM

مهو فيه خبرة معيانهم الحكومه في البلد ازي تعرف تستفز وتجيب فلوس من المواطن المصري
وطبعا فيه ناس قاعدة زي العمل الرزي للحجات ديه امال يحرق دمك ايجبلك شلل رباعي ازاي
عن طرق الخبراء الي معيننهم وظفتهم بس ( ازي يخد فلوس منك باي طريقه )
وقشطه بالهبل

**ecybrarian** · 28-11-2009 08:28 PM

المشاركة الأصلية كتبت بواسطة superiorboy

ان شاء الله مش هتحصل لأني جددت 3 سنين
حسبي الله و نعم الوكيل في الناس اللي بتعمل سيستم جديد بدون ما يحسبو خطواتهم رايحة فين

للأسف هاتحصل تاني لأن القرار 3 سنوات من 2009..حكومتنا ذكية ومابتهزرش..وقرش الحكومة مابيضعش ابدا، يتسرق ممكن لكن يضيع لأ
وأخيرا انا متفق معاك تماما "حسبي الله و نعم الوكيل في الناس اللي بتعمل سيستم جديد بدون ما يحسبو خطواتهم رايحة فين"