هل من مساعد؟ حالة شلل من التفكير والتردد (سيراتو)- عيوب ام مزايا؟ مع المنافسيين؟

**VAN_XP** · 28-11-2009 10:29 PM

السلام عليكم ورحمة الله ,
معاكم اخوكم احمد الفقى (دكتور اسنان)بمستشفى الدلتا بطنطا و دى اول مشاركة ليا .. وارجو انى الاقى المساعدة الحقيقية فى المنتدى اللى بشترك فية لاول مرة بهذا الموضوع....

انا بعت العربية بتاعتى وكانت فيات 131 وقررت ان شاء الله اجيب عربية جديدة لوازم الاسرة والاولاد.
وكنت ناوى ان شاء الله اجيب الالنترا الاتوماتيك خصوصاً انى جربتها واجرتها لمدة شهر وحسيت انها كويسة ومناسبة. ولانى حشترى بالتقسيط .. طلعت على معرض عربيات اسمة (اتو رضا حمزة)... وهناك وانا بتكلم مع المبيعات لقيتة بيقولى على الكياسيراتو.
ومش حقولكم .. فضلنا ساعتين كنت انا والمدام .. والراجل فضل يحكى ويتحاكى عن فرق السما من الارض بين العربيتين ..
واستقر الحال على ان الالنترا 2010 اتوماتيك كاملة الاوبشن انا كنت حاخدها بــ 10000 مأفولة.
اما السيراتوا الخليجى الأتوماتيك الهاى لاين فول اوبشن قالى 137 الف جنية ولما سألتة عن المصرى منها قالى 138 الف جنية
===============
رجعت البيت ودخلت الانترنت وبدأت اعمل بحث على الانترنت وفى كل المواقع العربية والاجنبية .. عشان اختار واشوف حعمل اية..
وكانت النتيجة كالتالى:-
اولاً: لقيت فى كل المواقع ان الأفضل انى اجيب العربية توكيل مصرى مش خليجى وده كان واضح فى كل المواقع.
ثانياً: انى لاقيت ان افخم فئة فى السيراتو 2010 عاملة 126 الف اللى فيها كل حاجة فى كل حاجة .. وانا مستغرب ازاى الراجل قالى 137 الف جنية. فهل ده نصب ولا سرقة ولا اية بالظبط مع العلم انة قالى ده سعر الكاش بتاعها.
ثالثاً: قرأت عن موضوع سخونة الكونسول فى اكثر من منتدى وعن ان العفشة ناشفة وخصوصاً ان فئة السيراتو sx اللى انا ناوى اجيبها الجنوط بتاعتها 17 وبيقولوا العفشة بتكون ناشفة جداً وفية سخونة فى الكونسول وتحت الكراسى.
رابعاً: فى ناس كثيرة بتقولى ابعد عن الكورى وخليك فى اليابانى وطالما ناوى تجيب عربية بـ 137 الف يبقى يا تجيب ميتسوبيشى او تزود المبلغ وتجيب تويوتا كورولاً. وناس بتقولى حتندم واليابانى مافيش احسن منة .. وبيوتنا كلها مليانة اجهزة يابانى.
خامساً:ارجو النصيحة ايهما افضل (الالنترا - السيراتو - الكرولا - الكروز - اللانسر) علماً بأنى ان شاء الله حجيب قسط فى جميع الاحوال يعنى حدفع مقدم والباقى تقسيط. ومع العلم ان احنا اسرة تتعامل مع السيارات بشكل جيد بمعنى ان المشاوير معقولة ومافيش سفر كثير قوى. والقيادة بتكون على سرعة هادية.
سادساً: انا عايز اجيب اعلى فئة فى العربية اللى حجيبها اللى هى كاملة فى كل حاجة من الالف للياء وتكون اتوماتيك .. بحيث انها تكون عربية العمر ان شاء الله. لذلك ارجو توضيح الفئة الاعلى فى السيراتو.. وسعرها الحقيقى.
سابعاً: اى المعارض افضل للشراء؟ وخصوصاً اللى يقبل التقسيط للمحافظات مع العلم انى حدفع مقدم 35% من سعر العربية والباقى تقسيط على ثلاثة او خمسة او سبع سنوات.
اخيراً: برجاء وضع اسم ورقم تليفون وكيل كيا فى مصر. وما هو افضل مركز صيانة لكيا فى مصر وعنوانة ورقم هواتفة ... (انا من طنطا يا اخوة).
- سؤال اخير: هل تنصحونى بالتعامل مع المصرية للسيارات؟

**dr.amr** · 28-11-2009 10:53 PM

اولا بسم الله
انا هجاوب لحضرتك علي الحاجات اللي اعرفها بمنتهي الامانه
انا يمكن من القليلين اللي كان معايا نيو النترا وبعتها وجبت سيراتو
انا هبدأ بأخر سؤال
ابعد عن اي حاجه اسمها المصريه للسيارات يعني لو حضرتك شفت اعلانتها في الجرنال انصحك ترميه
افضل حاجه في اللي قولتها الكرولا بس تكون اوتوماتيك
بس هي ب 145 والفئه التانيه ب 160
انا بس هقول لحضرتك علي حاجه بمجرد ماتركب زيرو هتحس ان ايدك بتاكلك انك تغير العربيه كل 3 او 4 او 5 سنين
هتشوف تكنولوجيا جديده كل يوم واشكال وهم وصدقني هتغير
اما السيراتو فهو فعلا الهاي لاين الخليجي اغلي من المصري مش عارف ليه بصراحه
اما للأمانه السيراتو احسن
بس انا الحمد لله ماعنديش سخونه في الكونسول
هي حاجه دافيه كدا وانا مااخدتش بالي منها غير لما الناس اتكلمت علي المنتدي
مع ان بصراحه موجوده في الالنترا وفي الياريس كنت بحس بهبو سخن طالع عليا من الماتور في الشتاء
ده مقارنه عملتها بين العربيتين حضرتك ممكن تقراها بس هتشيل منها بند التكييف لأنه واضح انه كان في مشكله عندي في التكييف مشكله فرديه http://www.nilemotors.net/Nile/78792-a.html
اي سؤال في العربيتين دول انا تحت امرك
انا لو مكان حضرتك وهفكر اجيب وهقدر اعدي 150 الف هفكر مابين السيفيك والكورولا
ولكن النترا او سيراتو هيقومو بالغرض مع حضرتك طالما استهلاكك عادي وهي عربيات ممتازه بس السيفيك احسن
وربنا يوفقك

**ozobezo** · 28-11-2009 11:59 PM

حجاوبك عن سعر الخليجى

الهاى لاين فى اونو سمير ريان ب 130 الف و فى ب 133 الف 10 ايرباج زياده عن الهاى لاين العاديه

**M.Mosaad** · 29-11-2009 12:01 AM

السيراتو جميله و كويسة بس واضح ان الراجل واخد منك over price كتير و دة لان العربيه مش موجودة هو نصب بس العمليه عرض و طلب علشان كدة حاول معاك و اقنعك لنه هيكسب جامد
بما انك عايز اتوماتيك
ممكن تضيف للخيارات ال سوزوكي ال SX4 ب 106 الف و عربيه واسعةةةةةةةةة جداااااا و عاليه ((( انا مش هتكلم في حته ياباني و كوري هتكلم في مميزات )))) و فيها اوبشنز كتير برضة
و الديهاتسوا ماتيرا لو حبيت شكلها ب 110000
و لكيا سووول شكلها شيك جداااا بس انا مجربتهاش
و السيات قرطبة بس خامتها من جوة مش حلوة

بس نصيحه اخويه اتعامل مع التوكيل احسن و سيبك من المعارض طبعا مش مع السيراتو لانها مش موجودة في التوكيل استلام فوري قصدي الحاجات التانيه اللي قلتلك عليها
و نصيحه تانيه في شركه تبع صاحب توكيل ديهاتسوا ممكن يقسطلك اي عربيه تقسيط مباشر بعيد عن البنوك

**VAN_XP** · 29-11-2009 01:00 AM

لى عدة اسأله:-
اولاً: ماهو اسم اعلى فئة فى النيو سيراتو 2010 اتوماتيك؟
ثانياً: ماهو السعر الرسمى؟
ثالثاً: ماهو اسم وكيل كيا فى مصر وارقام هاتفة؟
رابعاً: ماهى مميزات السيراتو وماهى العيوب؟

تحياتى واشكر كل من قام بالرد على موضوعى .. ومازلت فى انتظار الاجوبة

**ldsaklf** · 29-11-2009 02:33 AM

1-اسمها sx هاي لاين
2- سعرها 126000
3-الوكيل شركة eit ورقمها المختصر 19542
4- اهم مميزات السيراتو الشكل الجميل الكماليات المتميزة قوة المحرك سلاسة القيادة اعادة البيع ممتازة للغاية العيب الوحيد في العربية الي مضايقني جدا اولا اول تعامل ليا في الصيانة متعاملوش معايا معاملة كويسة لدرجة ان الي غير الزيت نقط زيت علي وش الموتور ومستنضفش يمسحو العيب التاني هو اني عشان بحبها جدا بخاف عليها جدا وبمشي بيها وانا عنيا في نص راسي اتوكل علي الله ولو لقيت اي حاجة sx هاتها وانتا مغمض لان الفرق بين ال sx والهاي لاين فتحة السقف ومفتاح البصمة ودي حاجات حلوة طبعا لكن فرق الفلوس بردو كويس فرق حوالي 10000 جنية ارجو اني اكون افدتك وربنا يهديك للقرار الي فيه مصلحتك

**VAN_XP** · 29-11-2009 11:13 AM

المشاركة الأصلية كتبت بواسطة ldsaklf

1-اسمها sx هاي لاين
2- سعرها 126000
3-الوكيل شركة eit ورقمها المختصر 19542
4- اهم مميزات السيراتو الشكل الجميل الكماليات المتميزة قوة المحرك سلاسة القيادة اعادة البيع ممتازة للغاية العيب الوحيد في العربية الي مضايقني جدا اولا اول تعامل ليا في الصيانة متعاملوش معايا معاملة كويسة لدرجة ان الي غير الزيت نقط زيت علي وش الموتور ومستنضفش يمسحو العيب التاني هو اني عشان بحبها جدا بخاف عليها جدا وبمشي بيها وانا عنيا في نص راسي اتوكل علي الله ولو لقيت اي حاجة sx هاتها وانتا مغمض لان الفرق بين ال sx والهاي لاين فتحة السقف ومفتاح البصمة ودي حاجات حلوة طبعا لكن فرق الفلوس بردو كويس فرق حوالي 10000 جنية ارجو اني اكون افدتك وربنا يهديك للقرار الي فيه مصلحتك

اشكرك جزيل الشكر على الاجابة الوافية.. ومازلت فى انتظار باقى الرودود والنصائح.

**nonopopo** · 29-11-2009 01:52 PM

يا جماعه اليراتو من الوكيل تسليم فوري بدون اوفر بريس انا مش عارف انتوا فمصر المعارض بتنصب كده ليه احنا في الزقازيق عندنا المسلمي تبع توكيل كيا بيسلم فوري اي فئه او لون ده كمان انا لما رحت استفسر علي العربيه الي ان فيها كل حاجا معادا فتحه السقف والمفتاح الزكي وتمنها 116 بود كده بقت 115.5 وعليه ضمان خمس سنين والراجل كان هيبوس ايدي عشان اشتري اي فئه فانا مش عارف ليه فمصر مش في تسليم فوري

**dr_k** · 29-11-2009 02:46 PM

اخى فى الله انا كنت زيك كده لحد من اسبوعين فاتوا خايف من السيراتو وجه عليا وقت كنت كرهتها بمعنى الكلمة لحد ما نزلت اتفرج ورجعت احبها تانى
عموما بالنسبة للاختيارات اللى انت حاططها الكورولا ممتازة ده عن تجربة.
بالنسبة للاسعار انا من المنوفية وعندنا فرع لرضا حمزة قالى ع الهاى لاين الخليجى 135 بس نصيحة عايز خليجى بسعر ممتاز عند جابر عبد الشهيد انا سالتوا قيل العيد كلام تليفونات الهاى لاين 127 ومعارض كتير قالوا 128 و129
انا بقى حجزت من عندكز فى طنطا اوتوجروب الفئة اللى اقل من الهاى لاين الفرق فرش الجلد (وده انا هعملوا عند خالد مشعل عندكو فى طنطا انضف واحد شفتوا)والسمارت كى والفرق فى السعر من 9 ل11 الف جنيه ده فى الكاش طبعا مالوش لازمة انا حاجز العربية على 122 وده طبعا سعر مشفتوش عند حد تانى ده لانها كانت بيعة العيد اخر واحد قبل ما يقفل لاجازة العيد بس لو تقسيط هيديهالك ب 124 ووكيل والاستلام من يوم 15 ديسمبر انصحك تروحلهم
هما فى شلرع حسان بن ثابت مع عمر بن عبد العزيز انا بقه هستلم انشاء الله الاربع لان العربية واقفة عنده وربنا يوفقك

**m_s_h_a** · 29-11-2009 08:20 PM

التويوتا تقفيل جنوب افريقى مش يابانى التقفيل انما تويوتا والسيراتو كورى الصنع والتقفيل يعنى التويوتا ملهاش ميزه قوى غير اسم تويوتا وتكنولوجيا تويوتا انا جبت السيراتو ولا عندى سخونه ولا غيره العفشه ناشفه شويه بس ركب وحمل اللى انت عاوزه ورا وفى الشنطه انسى وعدى على اى مطب واتحدى انك تلمسه حتى السيراتو حالىا هو الحصان الرابح فى عالم السيارات السيدان حاليا فى هذه الفئه لكن لازم من وجهة نظرى تجيب وكيل دى ضمان 5 سنين مع وكيل جيد
وفى النهايه استخير ربنا اكتر من مره