الموضوع: رأيك ايه فى حزام الامان ؟

لكل الاخوه اللي بيستعملوا الحزام و اللي لا يستخدموه كلمه يحاسبني عليها ربنا لان ده صميم مجال شغلي

حزام احسن اختراع امان اتعمل في اي حاجه بتمشي و الدليل علي كده كل الدول المحترمه المتقدمه بتلزم كل الناس بدون اي استثناء باستخدامه و هو مهم جو البلد اكتر من بره لسببين الاول سبب احصائي و هو ان اكتر الحوادث بتحصل داخل المدينه و علي بعد 5 دقائق من مكان الوصول او الانطلاق و السبب الثاني ان جوه البلاد انت معرض اكثر مش للاصتدام ولكن للفرمله الفوجائيه و جرب واحد صحبك يكون قاعد جنبك و انت ماشي علي 20\30 و من غير متقلوه دوس فرامل للاخر و ياريت الموضوع ده يكون جنب مستشفي كويسه و محل بتاع زجاج

انا مش يهزر انا بتكلم جد الحزام مسئلت حياه او موت و ربنا جعله سبب للنجاه من الموت .

علي مستوي العالم الحزام الامامي بيمنع من 75 الي 80% من حوادث الموت و الخلفي يتوصل النسبه الي 94% .
YouTube - Shocking seat belt video ad

و مصر من اسواء عشر دول علي مستوي العالم في معدل الحوادث .
لاقدر الله في حالت الحادث والراكب الخلفي مش رابط الحزام هيخيط في الراكب الامامي و تكون النتيجه موت او شلل الراكب الامامي .

YouTube - Rear Passenger Seatbelt - Second Video

الرجاء الرجاء حافظوا علي ارواحكم و ارواح من نحبوا ربنه هيسئلكم عنهم .

و رجاء خاص بالنسبه للاطفال اللي بتركب ادام حرام و انا عارف معني كلمة حرام انتم بالظبط بتدوهم موس يلعبوا بيه , المكان الطبيعي للاطفال في كرسي الاطفال المثبة في العربيه و يكونوا بالحزام بتعهم .

اللهم اني بلغت و لزم كل واحد منكم يبلغ اللي يعرفهم....

المشاركة الأصلية كتبت بواسطة m.osama

حزام الامان جوا البلد ملوش اي لازمه اطلاقا وعمري ما لبسته

لاني جوا البلد مش بزيد عن سرعه 40 او 50 وكل شويه اقف وانزل اجيب حاجه او اسلم علي حد او كدا والمشاوير مش طويله

اول ما اجي طالع علي الطريق السريع الحزام ده حاجه اساسيه ومعرفش امشي من غيره اطلاقا وكإن اللي سايق بره ده غير اللي بيسوق جوه البلد

وبلبسه عالطريق سواء انا اللي سايق او قاعد جنب اللي سايق وساعات بربطه لو قاعد في الكنبه الخلفيه كمان

أنا واحد صاحبي كان ماشي 50 - 60 وبيفرمل فجأة العربية لفت واتقلبت ... ولولا الحزام بعد ستر ربنا كان اتبهدل

بس فيه ملحوظة ... كنت قرأت في مرة إنه المفروض متلبسش حزام الأمان لو انت ماشي جنب مجرى مائي ... عشان لو لا قدر الله وقعت فيه تقدر تطلع من العربية ... وأنا بنفذ الموضوع ده لأني مقتنع بيه جداً

المشاركة الأصلية كتبت بواسطة abdo_eldesokey

أنا واحد صاحبي كان ماشي 50 - 60 وبيفرمل فجأة العربية لفت واتقلبت ... ولولا الحزام بعد ستر ربنا كان اتبهدل

بس فيه ملحوظة ... كنت قرأت في مرة إنه المفروض متلبسش حزام الأمان لو انت ماشي جنب مجرى مائي ... عشان لو لا قدر الله وقعت فيه تقدر تطلع من العربية ... وأنا بنفذ الموضوع ده لأني مقتنع بيه جداً

هقول لحضرتك حاجه ترد بيها علي الموضوع ده

لو بعد الخبطه قديرة تفتح الباب او تكسر الزجاج هيبقي سهل انك تفك الحزام او تطلع منه (و يا رب متكتبها علي حد)

السيارات الجديده الفارهه من امكانيات السلامه ان القفل بتاع الحزام بيفك بعد 30 ثانيه من الاصدام

المشاركة الأصلية كتبت بواسطة bedo13

انا عن نفسي باربط الحزام اول ما باركب عشان سببين:
الاول اني مقتنع تماما انه مفيد جدا لو حصل حاجة لا قدر الله والا ما كانش اتعمل (الناس دي مش بتهذر)
الثاني ان العربية بتقعد تصفر لغاية ما يتربط
ده جوة البلد اما على الطريق كل العربية لازم تربط الحزام 2 قدام و 3 ورا

ههههههههههههههههههههه
انت كمان زيى ..
مهو الفيكترا الله يكرمها عندى كده ..
عشان كده بربط فيها الحزام و انا فى وسط البلد انما اى عربيه تانيه بربطه على الطريق بس !!
بس بعد قراءه الموضوع ده..
هربطه اول ما ادور العربيه

المشاركة الأصلية كتبت بواسطة yse

إحنا هنفضل طول عمرنا كده شعب وحكومة يبقى الحل موجود بس نستنى المصيبة تحصل الأول وبعد كده نطبق الحل

هو بقى ده نفس الحال مع اللي الحزام بيبقى جنبه ولما يعمل حادثة وربنا يقدر ويطلع منها بكسور أو رضوض جامدة شوية يبتدي بقى يستعمل الحزام

لا ولله يا استاذ yse لو كل واحد فعلا التزم و خلي اللي معه يلتزم و يحاول لوصل المعلومه اكيد الدنيه هتتغير