سرقة العلامة "الشعار" ؟

**moussaa** · 03-05-2010 01:30 PM

واللة المفروض اخونا بتوع المرور يمنعوا اي حد لازق اي علامة او ملصقات علي السيارة او التوكتوك علشان كل ال يفكر يسرق علامة هيعرف انة مش هيستفيد بها خالص بس تقول لمين هما بس فاضين للبياكل سندوتش وهو سايق او معلق اي سبحة في المراية ............ وعجبي!!!!!!!!!

**ahmed31031** · 03-05-2010 03:17 PM

بصراحة موضوع ينرفز شعار الدايو الي ورا وكلمة نوبيرا كله راح
بجد حسبي الله ونعم الوكيل

**Medo.Malek** · 03-05-2010 04:29 PM

فعلا انا كنت بعانى من سرقة علامة المرسيدس و رغم انها ب 15 !!
و الحل الوحيد للموضوع ده ان المرور لما يشوف اى عربية او موتوسيكل او توكتوك او مكروباص او اى حد حاطط علامة مش بتاعت العربية يوقفه و يسحب الرخص و مخالفة متينة كده تقطم وسطه عشان يحرم يجيبها

**YHYAKOTB** · 03-05-2010 05:15 PM

لاحول ولا قوة الا بالله معلش يارجالة ربنا يسترها الحمد لله متسرقتش منى

**mahmoud19** · 03-05-2010 05:26 PM

اتسرقت علامه الكيا قدام وورا بس ساب كلمه سيفيا مش عارف ليه!!
واتسرق بردو قبل كده 3 غطاء نيكل للبلف كانو متركبين قبليها بيومين يعنى من الآخر الحرامى الى بيسرق ده حرامى محترم بدل ما يكسر زجاج العربيه ويخش يسرق اى حاجه من جوه فهو بيسرق ماركات العربيه يعنى بعد كده لو اى حد فينا شاف واحد بسرق ماركه عربيته يسلم عليه ويشكره

**emarco** · 09-05-2010 10:21 PM

سرقة العلامات منتشر جدا اتسرق علامات سيارتي النيسان 3 مرات بمصر الجديدة في عز الظهر والحل الوحيد في مادتين لاصق جامدين جدا عاملين زي السليكون بيتلخبطوا علي بعض تلزقوا بيهم العلامات بدل الضبل فيس لانهم لما بينشفوا بيكونوا زي الحديد واكيد مش هيسترقوا تاني

**I.S.L.A.M** · 10-05-2010 03:37 AM

خلى بالك ياباشا كده ممكن يخش معاك فى عند ويروح خالعها بمفك ويخربشلك الصاج علشان يخلع العلامة

**amooooor_s** · 10-05-2010 10:29 AM

ياجماعة سرقة العلامات دي بتزعل اوي انا شوفت حوالي 15 عربية فولكس مش موجود عليها العلامات وبيسرقوها بشكل بشع بيخلي منظر العربية غريب حسبي الله ونعم الوكيل في اللى بيأذي الناس

**ahmedamr** · 10-05-2010 03:13 PM

انا تعبت من سرقة علامة المرسيدس اللى على الكبوت كل شوية انزل الاقيها مكسورة او مسروقة مش عارف العيال الصغيرين بيحبوها اوى كدة لية
انا بعد كدة هجيب شوية علامات ارميها حوالين العربية واللى عايز ياخد انا قرفت