سرقة العلامة "الشعار" ؟

**magedtiti** · 30-11-2009 06:07 PM

انا اتخنقت من موضوع سرقه العلامات ده واخر مره الى سرق العلامه خربش الكبوت وهو بيفكه . ربنا يستر ويقف الموضوع عند سرقه العلامه بس متوصل لسرقه العربيه بالكامل

**Angel_wolf** · 30-11-2009 07:48 PM

انا معايا هيوانداى اكسل
تم بحمد لله سرقة علامة هيوانداى و كلمة اكسل و كلمة هيوانداى و الكرترتين الى وراء

كرتيرة اكسل هيعملوا بيها ايه

وصحبى معاه لانسر بومة كسروا العلامة الى ورا خلو منها علامة واحدة
جبتلة واحدة معدن فى اللذيذ كان شكلها ابن ناس وتم بحمد لله سرقتها بعد يومين
جبتلة واحدة (بلاستك يا تمورة ) هى الى عايشة لسبب واحد ان شكلها يقرف

**Ralliart** · 01-12-2009 12:49 PM

المشاركة الأصلية كتبت بواسطة zAzU

فين الواحد اللى عنده ب 15 جنيه ده انا من المنصوره برده بس على فكره الاصليه اصلا بلاستيك

الاصليه معدن نيكل وتمنها في التوكيل 101.25

بالضريبه
اللي ب15 جنيه مش فاكر اسم المحل لاني مش عايش في المنصوره بس هو في الحته بتاعت الميكانيكيه الكتير اللي بتخشلها من السكه الجديده والراجل ده معندوش غير علامات واكسسوارات بلاستيك ولو سألت هناك اكيد هتلاقي عند حد تاني لان هي بضاعه واحده

**Ralliart** · 01-12-2009 12:51 PM

المشاركة الأصلية كتبت بواسطة angel_wolf

انا معايا هيوانداى اكسل
تم بحمد لله سرقة علامة هيوانداى و كلمة اكسل و كلمة هيوانداى و الكرترتين الى وراء

كرتيرة اكسل هيعملوا بيها ايه

وصحبى معاه لانسر بومة كسروا العلامة الى ورا خلو منها علامة واحدة
جبتلة واحدة معدن فى اللذيذ كان شكلها ابن ناس وتم بحمد لله سرقتها بعد يومين
جبتلة واحدة (بلاستك يا تمورة ) هى الى عايشة لسبب واحد ان شكلها يقرف

يا ريت يا باشا تقولنا جبت المعدن منين وبكام؟؟

**mensho** · 01-12-2009 01:35 PM

لاء انا تقبلت الموضوع زى ماهو و بعد ماجبت العربية بأسبوع اتاخدت العلامة قولت احسن
بس و هوة بياخد علامة اللانسر معرفش ياخدها اخد الحتة اللى فوق بس
فانا سايبها كدة عشان احرقلو دمة لما يشوفها
عشان يعرف انو حرامى تعبان ومش عارف يسرقها

**mahfouz1983** · 01-12-2009 02:45 PM

والله يا جماعه انا لسا العلامات مسوروقه مني في العربيه بتاعي علامه الدايو من قدام ومن ورا ونفسي اشتري علامات اوريجنال

**أشرف العدوي** · 01-12-2009 03:13 PM

انا بقى الحمد لله العلامات ما اتسرقتش
الي بيتسرق الحروف الي مكتوب بيها الماركة و الموديل
يعني كلمة افيو بقت حرفين بس و شيفروليه خلاص خلصت
كل يوم الاقي حرف ناقص و حرف الـ h الي في كلمة شيفروليه اتكسر و هو بيتسرق راح ساايبة مدلل زي ما هو
مشكلة الحروف دي انها بتتلزق مش زي العلامات
يعني سرقتها اسهل من العلامات

**goofy_in_love** · 01-12-2009 06:45 PM

اتسرقت مني العلامه اللي ورا و تقريبا اللي قدام معرفش يسرقها فكسرمنها حته و هوا بيحاول و كلمه اوبل و فيكترا العربيه بقت قرعه خالص و الكلام دا حصل 3 مرات لدرجه اني في المره التالته نمت في البلكونه علشان اشوف ايه اللي بيحصل و مين اللي بيسرقها و مسرقهاش في اليوم دا و سرقها تاني يوم و انا نايم علي السرير
:(

**wasta** · 06-12-2009 11:14 AM

إليكم الحل الأمثل ياسيدى لما تتسرق منك العلامه إبقى إشترى علامتين واحده ليك وواحده للحرامى وحطهالوه على الكابوت وإكتب جمبها علشان منتعبكش فى الشيل وتبوظلنا بوهية العربيه جبتلك واحده هديه