عايز اشترى كارت ميمورى و محتار اجيب ايه ؟؟؟؟

السلام عليكم ورحمة الله وبركاته
كل عام و انتم بخير جميعا
كنت عاز اجيب كارت ميمورى Micro SD للموبايل Nokia N95
انا ناوى ان شاء الله اجيب الـ 4 جيجا بس مش عارف اجيب ايه نوع كويس و مايسببش مشاكل من بطء و مشاكل فى تصوير الفيديو
فى كذا ماركة بس مش عارف احسنهم ايه
Kingston اعتقد هايكون كويس مش عارف فى احسن منه ولا لاء
Sandisk معرفهاش اوى لكن بشوف فلاشات كتير بالاسم دة
Union مجربه قبل كدة بس مش لاقيه فى السوق
Transcend مش عارفها
mircrosim جربته قبل كدة و معجبنيش

ياريت يا جماعة اللى ليه تجربه مع كروت كويسة يقولى لانى خايف اشترى حاجة و تطلع مش تمام

Sandisk

وعن تجربة وكمان نوكيا بتستخدم النوع دة فى كل اجهزتها
واسمو micro SD

بالنسبة لkingston فهى افضل للفلاشات ولم ار منها كروت ميمورى ممكن للكاميرات الديجيتل فقط

وابعد عن الباقى

بالترتيب
Transcend
Kingston
Sandisk بس معظم اللى موجود مش أصلي.

sandisk طبعا

انا مسمعتش قبل كده عن كارت ميموري باظ بصراحة

بس...انا جربت kingston وكان ومازال شغال معايا كويس جدا رغم اني عملتله format كتير جدا

بالمناسبة...اكتر حاجة تخلي كارت الميموري بطئ....
كثرة ال folders و ال subfolders
بتخلي كارت الميموري يموووووووت

Kingston
Sandisk

أفضل الموجود في السوق المصري

اشكركم يا جماعة انا سألت على اسعارهم
سان ديسك 60 جنيه
كينج ستون 70 جنيه و ناس بتبيعه بـ75 جنيه
ترانسكيند 76 جنيه

سان ديسك ارخص واحد فيهم و دة اللى قالقنى
يعنى اجيب السان ديسك ولا لاء يا جماعة

انا بقولك كل اجهزة نوكيا بنستخدمة ومش فكرة ان الميمورى ارخص ب10 جنية فيكون وحش وممكن تشترية من مركز معتمد من نوكيا او من الضمان رينج او i2

اقتباس:

---

المشاركة الأصلية كتبت بواسطة mazagangee

kingston
sandisk

أفضل الموجود في السوق المصري

---

+1
بس السانديسك أفضل ومفيش منة مضروب لحد دلوقتي بس جيب من مكان مضمون والسانديسك بينزل رسمي في موبيلات السوني إريكسون والنوكيا عندي منها ٨ كلهم متركبين في سوني إركسون وشغالين زي الفل

اقتباس:

---

المشاركة الأصلية كتبت بواسطة hacker5

اشكركم يا جماعة انا سألت على اسعارهم
سان ديسك 60 جنيه
كينج ستون 70 جنيه و ناس بتبيعه بـ75 جنيه
ترانسكيند 76 جنيه

سان ديسك ارخص واحد فيهم و دة اللى قالقنى
يعنى اجيب السان ديسك ولا لاء يا جماعة

---

لو هتشتري سان ديسك (مع إني لا أفضله على الإطلاق) يبقى تتأكد من السيريال نامبر بتاعه
وتخلي البائع يجيبلك كارتين أو أكتر وتتأكد بنفسك إن السيريلات بتاعتهم مختلفة مش متشابهة، طبعا لو لقيت السيريلات بتاعتهم متشابهة يبقى دول مضروبين، الترانسيند والكينجستون هما الأفضل على الأطلاق خاصة الترانسيند وكمان ضمانها مدى الحياة. السان ديسك المضروب منه كتير جدا حتى لو هتجيبه من مكان معروف. أنا بقول لحضرتك كده بناءًا عن تجربتي وتجربة غيري في مصر وخارج مصر.

الحمد لله اشتريت الـ Sandisk
كارت ممتاز فعلا
سرعة ممتازة فى الـ Read و Wirte
استجابة سريعة
الموبايل بحالة طبيعية و مافيش بطء او تقل خالص
متشكر جدا يا جماعة و كل عام و انتم بخير

اقتباس:

---

المشاركة الأصلية كتبت بواسطة hacker5

الحمد لله اشتريت الـ sandisk
كارت ممتاز فعلا
سرعة ممتازة فى الـ read و wirte
استجابة سريعة
الموبايل بحالة طبيعية و مافيش بطء او تقل خالص
متشكر جدا يا جماعة و كل عام و انتم بخير

---

مبروك وأنا الميموري الي جايه مع موبيلي السوني إكس١ سانديسك ٨ جيجا وشغاله زي الفل وعندي واحدة تانيه في الجهاز التاني ٤ جيجا بقالها أكتر من سنتين وزي الفل