كليو تقول عليها زيرو بامانه ربنا

كنت عايز اعرف لو فكرت ابيع عربيتى الرينو كليو تعمل كام مع العلم ان العربيه

موديل 2002
رخصه باسمى فاضلها سنه
فبريكه بره وجوه ووالله والا خربوش وفرش الفابريه مركب فوقه فرش من الزيرو يعنى مش اتلمس
عداد 38 الف وكلهم لجامعه مودرن القاطميه بس يعنى على الدائرى اللى جمب كارفور
اللون فيرانى ميتالك واكيد مشهوره اوى باللون ده
موتور 1200 و16 صباب
الاستبن بالبرشام بتاعه لسه منزلش
كاسيت كينود امبثرى اصلى + سماعتين بايونير 400 وات تايلاندى + سماعتين قدام كينود اصلى
حاله المصنع ممتازه ما شاء الله وللعلم من الزيرو لحد الان القطع المتغيره فقط هى
كلاكس وجايبه فرنساوى خرطوم هواء حرارى و تيل فرامل لسه مغيره من اسبوعين بس شكله مش اصلى واضحك عاليا فيه على انه فرنساوى بس طلع مضروب وفلتر زيت وبنزين وبحط بنزين 92 وبستخدم زيت موتور موبيل اللى بيتغير كل 5 بس انا بغير كل 3 وشكرا وديه موصفات العربيه بالكامل بامانه ربنا وكنت عايز اعرف تعمل كام انا مش حبيع الان بس بفكر لانى عامل كام عمليه كده فى رجلى وبقى المانيول بيتعبنى جدا وانا عندى الانترا 2007 اوتوماتيك انا كنت بركب ده اكتر بس بعد العمليه الاخيره فى رجلى بفكر اودع المانيول للابد مع انى بعشقوا واكره الاتوماتيك بس اعمل ايه بقى وكنت عايز اعرف تعمل كام سعر وشكرا لاجمل منتدى سيارات

الارخ الفاضل ارجو توضيح هل سعة الموتور 1200 ولا 1300 والسعر قد ايه

اهلا بيك يا اخ انور اولا الرينو كليو مفيش منها موتور 1300 اللى موجود منها 1200 و16 صباب لاما 1400 و8 صباب وانا موضح ان العربيه بتاعتى 1200 و16 صباب وحتلاقيها مكتوبه فى الموضوع انشاء الله

نفسي فكليو اتوماتيك

اقتباس:

---

المشاركة الأصلية كتبت بواسطة cpt_shawky

نفسي فكليو اتوماتيك

---

ان شاء الله تلاقى
بس انا ليه رأى وهو ان الكليو الاتوماتيك كانت نازله فى 2005 و2006 بس فمش هتلاقى من العربيه ديه كتير
كمان مع عدم الانتشار اعتقد انك هتجد صعوبه فى العثور على قطع الغيار الخاصه بالفتيس

الف سلامه عليك يا باشا
انت زعلتنى بجد خلاص هبيع الكليو :cry:

اعتقد تعمل 50 ده لو كانت تكيف +باور +كاسيت +اير باج وفابريكه بالكامل

على فكره اللون الرماضى احلى لون فى الكليو 2003هوه والنبيتى
انا معايا الازرق الزهرى

اهلا بيك يا ليمو باشا اه انا جديد فى المنتدى وانت اللى بصراحه كنت بتفيدنى باى حاجه مش عارفها بخصوص الكليو والله يسلمك وما يوريك التعب اللى فى رجلى الاتنين ابدا لا انت والا اى حد من الاعضاء او اى انسان وعلى فكره ده عيب خلقى مش من حادثه والا حاجه بس الحمد لله على كل شيئ وانا مش حبيع دلوقتى يعنى لان العربيه دى بجد انا عشقتها بس من بعد اخر عمليه وانا بقيت بركبها قليل ومستريح فى الالنترا لانها اتوماتيك وطبعا كل شوارع مصر زحمه وانا رجلى فيها اللى مكفيها فمركونه وبطلع بيها بس كل فين وفين ويكون مشوار مش زحمه ففكرت فبيعها لكن قلبى مش مطواعنى خالص والله لانى بجد عشقتها ومش عارف اعمل ايه :cry:

أنا مهتم بالشراء بس فى نقطتين:

- هى الشكل القديم ولا الجديد
- حضرتك بتقول مش هبيع دلوقت يعنى امتى؟ لو حبيت أشترى أمتى

اهلا وسهلا بيم ماجد باشا لو انت تقصد الشكل القديم اللى هو الفانوس بتاعه الامامى صغير ده وشطله غبى لا هى الشكل الجديد اللى مش فارق عن 2007 الا فى الفانوس الخلفى الاشارات عندى لونه اصفر وفى الجديد لونه ابيض وعندى بكتات الجمب لونه اسود والمريات سوداء فى الجديد لون العربيه وفى الجديد علامه رينو مدمجه فى فتح الشنطه عندى لا ده كل الاختلاف عن الجديد 2007 لكن بالنسبه لاختلاف عن الشكل القديم بتاع 2001 الفانوس الامامى متغير جا وشكله غبى القديم لكن عندى هو هو 2007 يعنى الشكل الجديد وبالنسبه للبيع حضرتك ممكن تشترى امتى وممكن تدفع فيها كام؟

ياريت الاخ مزجانجي يحدد بالظبط اذا كانت نيه البيع متوفرة جديا ولا لأ ويذكر السعر المطلوب اللي هو شايف أنه مناسب
وشكرا

ممكن صوره للعربيه
و ايه اخبار اسعار قطع الغيار هل هي فعلا غاليه جدا
و شكرا
صحيح انت طالب كام و هل هي بالكمالات كلها :neutral:

الف سلامة على حضرتك
انا معجب بالسيارة دى جدا و لو حضرتك نويت البيع يريت تعرفنى
بس عندى سؤال انا طولى 185 سم و جربت ركبت مرة واحة فى معرض حسيت انها ديئة شوية هل حضرتك شايف انها مش مناسبة لطولى

شكرا لردودكم يا اعضاء احسن منتدى نيه البيع موجوده وحبيع غصب عنى والله لكن الكماليات تكيف وباور وكاسيت وسماعات زى اللى ذكرتهم فى الموضوع وياريت كل واحد يقول يقدر يدفع فيها كام او يقول تسوى كام وانشاء الله انا حنزل صور ليها النهارده

اقتباس:

---

المشاركة الأصلية كتبت بواسطة Sherif Khalifa

الف سلامة على حضرتك
انا معجب بالسيارة دى جدا و لو حضرتك نويت البيع يريت تعرفنى
بس عندى سؤال انا طولى 185 سم و جربت ركبت مرة واحة فى معرض حسيت انها ديئة شوية هل حضرتك شايف انها مش مناسبة لطولى

---

حضرتك انا شايف ان معاك لانوس ودى مش فارقه من جوه عنها كتير وعلى العموم انا طولى 182 وعادى مفيش اى مشكله

اقتباس:

---

المشاركة الأصلية كتبت بواسطة achrafhendawy71

ممكن صوره للعربيه
و ايه اخبار اسعار قطع الغيار هل هي فعلا غاليه جدا
و شكرا
صحيح انت طالب كام و هل هي بالكمالات كلها :neutral:

---

صور العربيه حضعها النهارده انشاء الله وبالنسبه لقطع الغيار متوفره الفرنساوى وغاليا نسبيا لكن مش لدرجه الناس مبتقول وفى قطع غيار برضوا متوفره ليها بسعر اليابانى تقريبا والله اعلم موضوع قطع الغيار التانيه دى انا مجربتوش انا كنت سمعت عنه قبل كده هنا فى المنتدى وشكرا

ممكن تليفونك المحمول بعد أذنك

دى صور العربيه يا جماعه
انا عايز اعرف كل واحد فيكم حيتمنها بكام عايز اعرف ردود اسعار

http://www.m5zn.com/uploads/49829145e2.jpg

http://www.m5zn.com/uploads/429bbc90d1.jpg

http://www.m5zn.com/uploads/ae4090e873.jpg

http://www.m5zn.com/uploads/07eb775ced.jpg

http://www.m5zn.com/uploads/9ce0e8ce08.jpg

http://www.m5zn.com/uploads/d894983918.jpg

46 :-?

46 ايه؟؟؟؟؟؟؟؟هيه مقلوبة ولارشة دواخل؟؟؟؟
مش أقل من 52 و أنت طالع

عفوا أقصد 50

اقتباس:

---

المشاركة الأصلية كتبت بواسطة NaderNabil

46 ايه؟؟؟؟؟؟؟؟هيه مقلوبة ولارشة دواخل؟؟؟؟
مش أقل من 52 و أنت طالع

---

:!: :!: :!: :!: :!: :!: :!: :!: :!: :!:

حضرتك ممكن تشوف رينج العربيات المطلوبه مثلا في كونتاكت نفس المواصفات مطلوب فيها كام


يا ريت صاحب العربيه يسأل كويس بحيث لا يظلم نفسه و لا يظلم احد و يشوف هوا عايز كام تحديدا و يقول

شكرا يا جماعه على الردود بس ازاى 46 يعنى والله حراااااام على حاله العربيه دى وانا مش حبيع اقل من 55 هو انا بفكر فى البيع لكن لسه مش واخد قرار االيبيع بس على الاسعار اللى بسمعها دى مش حفكر اصلا ومش حبيع اقل من 55 وياريت تقولوا كل واحد يتمنها بكام بس بلاش كلام الحاجه واربعين ده علشان بيضايقنى شويه والا انتو ايه رائيكم

48 L.E

هو دة اعلان لبيع عربية ولا علشان تعرف سعرها في السوق؟؟!

+1

من غير ما حضرتك تزعل
الرينو بيخسر كتير من سعر الزيرو ساعت البيع
و لازم تعمل حسابك انك لو ها تبيع العربية ها تنزل مبلغ محترم
فنصيحة لو العربية ليها عندك عوزة يبقى خليها استخدمها عشان مش ها تجيب السعر اللى يرضيك
و فى الاخر البيع و الشراء تساهيل و رزق و ربنا يكرم الجميع
بس يا ريت توضح لينا و للناس اذا كان فى نيه للبيع واللا السؤال للمعرفة
عشان اللى عايز يشترى ياخد الموضوع باهتمام

انا شايف ان سعرها المعقول من 50 الى 52 حسب السوق
الرينو اينعم بتخسر فى اعاده البيع بس مش للدرجه ده

45 الى 48 ممكن يجبوا كليو رشه بره او ماشيه فوق ال80 الف او حالتها متوسطه
وهنروح بعيد ليه ان شاء الله لما تنوى تبيع العربيه انزل ثمنها وشوف هتجيب كام واكتب هنا فى المنتدى السعر الى جابته وانت ناوى تبيع بيه وشوف لو كان حد من الساده الاعضاء عايز يخلص على الاقل هوه اولى من الغريب بعربيه نظيفه

شكرا للردود يا جماعه وانا العربيه النهارده جابتلى 52 وواحده بنت واول مره تركب عربيه يعنى العربيه حتتبهدل معاها اخر بهدله وبصراحه مش السعر اللى كان فى دماغى انا كان فى دماغى 55 بس كده خليها لان فعلا العربيه دى غاليه عندى اووووووى والله يا جماعه وشكرا لردودكم فى الموضوع

الاخ الكريم سيارتك تساوي فوق 55 الف جنيه

اقتباس:

---

المشاركة الأصلية كتبت بواسطة mohamed_rhem

الاخ الكريم سيارتك تساوي فوق 55 الف جنيه

---

ربنا يخليك يا محمد باشا ويباركلك فى عربيتك كمان انا بحب الشاريد دى لانى بركبها كتير مع شخص عزيز عاليا اوى باختصار كده خطيبتى ههههه