الموضوع: عن عنابر وزارة الصحة وام نسمه اتكلم

المشاركة الأصلية كتبت بواسطة islamislam

طب لو ينفع يروح مستشفى خاصة واعضاء المنتدى يتبرعو بالتكاليف ويا استاذ كريم ممكن لو تشوف طريقة لجمع الاموال ممكن يبقى هناك رعاية افضل للحالة الى هو فيها.

على فكرة يا أستاذ إسلام من خبرتى بمستفيات خاصة كثيرة جدا: مستوى الرعاية الطبية فى العناية المركزة بالمستشفيات الخاصة لا يختلف إلا فى "الأبهة" وبالتالى التكاليف الأكثر ، غير هذا فنفس الطبيب والممرضة والعامل وغالبا نفس الأجهزة.

اساذ كريم، من امبارح و انا مستنيك تطمنا و نعرف ايه اللي حصل، ربنا يجازيك خير علي مجهودك، بجد موقف يحزن فعلاً علي اللي وصلناله من اهمال حتي في الاماكن التي تمس حياتنا بشكل مباشر... يا ريت تطمنا علي الولد عامل ايه دلوقت، و لو في اي حاجة اي حد فينا يقدر يعملهاله باي شكل....
و في نفس الوقت يا ريت لو تجرب تبعت شكوي بمضمون اللي حصل لوزير الصحة، بصراحة الراجل عامل مجهود كويس، و لو انه مش قادر يكافح كمية الفساد المعششة دي لوحده...

لا حول ولا قوه الا بالله

انا فى يوم من الايام اتكتب على الف بواحد صاحبى عمل حادثه على مستشفيات القاهره الفجر ولولا الواسطه برده كان مات مننا

ربنا يرحمه برحمته الواسعه ويكتب له الشفاء ويجعل مرضه ده تكفير عن ذنوبه

الواحد بقى يتمنى يموت من غير ما يشوف المرض ولا يدخل فى دوامه المستشفيات دى ابدا من اللى شافه

ربنا معاه و يسهله أموره و يوقفله الى زيك يا أستاذ كريم أتمنى إنى أساعدك بأى حاجة على قد مقدرتى
و الإهمال الى بتقول عليه دا فعلا انا تعايشت معاه فى المستشفى التعليمى الى بيعمل فيها والدى "و الى هو حاليا شغال فى ليبيا و مش عايز يرجع عشان النظام بتاعنا المقرف" المهم جدى كان تعب شوية و أصر يروح المستشفى مفكر إنه هيتدلع شويتين بس طبعا فى الإستقبال معاملة زبالة لحد لما الكارنيه طلع تعظيم سلام و كله خلص بسرعة و مع شوية توصيات من زملاء لوالدى كانوا طنشوا جدوا بالليل
و كذلك لما تعب خالى و عمل عملية قصطرة قلب فى نفس المستشفى ما مشيوش تمام غير بالفلوس و الكارنيهات و دا الى كان بيخلينى أعامل الممرضات معاملة زبالة مش عشان أنا معايا كارنيه والدى و لأنما إنى إستحقرتهم فعلا لإستهتارهم بحياة الناس بالمنظر القذر دا