| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 8 1 2 3 4 5 6 ... الأخيرةالأخيرة
النتائج 1 إلى 10 من 72

  1. #1

    الصورة الرمزية Karim_Monir

    رقم العضوية : 32

    تاريخ التسجيل : 17Apr2007

    المشاركات : 26,316

    النوع : ذكر

    الاقامة : جسر السويس-القاهرة

    السيارة: BMW E90

    السيارة[2]: Jeep KK 2009

    دراجة بخارية: لا يوجد

    الحالة : Karim_Monir غير متواجد حالياً

    افتراضي عن عنابر وزارة الصحة وام نسمه اتكلم - Facebook Twitter whatsapp انشر الموضوع فى :

    hasad">

    سلام عليكم
    كل سنة وانتم طيبين
    دبحنا الخروف وعيدنا
    وجبنا هدوم جديدة وانبسطنا
    طب ما تيجو نشوف الجانب الاخر من الحياة
    نقطة ومن اول السطر
    لى صديق منذ سبع سنوات او اكثر اسمه كريم
    كريم عبد الرحمن
    شافه بعضكم ممن حضر افطار الوفاء والامل الاخير في رمضان واتعرفو عليه
    لاء ماكنش معانا في الفطار معزوم
    لاني نسيت اقولكم ان كريم مصاب بشلل رباعي ولا يمكن من تحريك عضلاته سوى اصبعين وعضلات فكه
    حتى رقبته مش بيقدر يحركها
    لكن عنده ارادة غريبة للحياة
    وكان سبب معرفتي بيه من سبع سنين انه عايز يصلي الفجر حاضر في مسجد الجمعية والعمال اللي بيزقوه بيكونو نايمين وكان نفسه في كرسي كهربائى
    وتمن الكرسي من 7 سنين كان ب 8500 جنيه اتلمو في 23 يوم فقط
    المهم
    كريم اصيب بحالة صدرية تسمي بفشل تنفسي من الدرجة الثانية
    واتصل بي احد المرضي في الجمعية واخبرني انه في طريقه لمستشفى الصدر في العباسية في سيارة اسعاف
    ولاني اعرف المستشفيات الحكومية قصدي المدافن الحكومية في مصر كلمت زميلنا احمد كمال وقولتلة يعمل الموضوع ده
    http://www.nilemotors.net/Nile/108557-a.html
    لكن للاسف محدش كلمني ومجرد ما دخلت المستشفى اتاكدت من اني في مدفن
    رائحة زبالة
    اهمال جسيم
    الولد سنه 20 سنة ومعاق رباعي ومحمول في الاسعاف حطوه في غرفة الاشعة ذات تهوية رديئة انا مش قادر اخد نفسي فيها والولد بياخد شهقات عنيفة كمن يحتضر تماما
    نزلت جري للدكتور عشان اقوله هات انبوبة اوكسجين لانه قطع التنفس والولد بطل يتكلم تماما وجحظت عيناه وكان اقرب ما يكون للاحتضار
    بكل برود اخبرني ان الانبوبة ثقيلة ولا يوجد من يحملها ولا داعي فكلها 5 دقائق وينزل الاستقبال
    تنحت من الرد وقولتلة هانزل اشيلها انا
    ماردش عليا وسابني ومشى هو والممرضه
    قولت لرجلي الاسعاف هاتو الانبوبة المحمولة من عربيتكم قالولي ممنوع ندخلها في مستشفي
    دي مستشفي يا فندم يعني الف باء استقبال (قصدي استهبال)انبوبة اوكسجين
    فني الاشعة ضرب الاشعة بسرعة وخدنا الولد ونزلناه بسرعة على غرفة الملاحظة
    قمة الاهمال والتلوث
    وممرضات وممرضين مش عارفين ياخدو عينة دم
    ويجي الدكتور ياخدها
    وتطلع نتيجة التحليل هبوط شنيع في مستوى الاوكسجين في الدم
    الولد اتحط على جهاز الاوكسجين
    وسبتة لان اعصابي تعبت وخرجت برة الاودة
    لتشنف اذناي بحديث ام نسمة الممرضه عن ابنتها نسمة واخيها الشقي وابيهم ابو عين زايغة والراجل مش طمران فيه البتنجان
    بصوت يصل الى ميدان العباسية الواقع على بعد كيلومترين
    ولا من استجابة من توسلاتي لخفض صوتها قليلا ونظام مش عاجبك سد اذناك
    ما منعني عنها اني بدات اتصالاتي بدكاترة المنتدى ليدلوني ماذا افعل
    جزاهم الله كل خير على محاولة المساعدة ولن اذكر اسمائهم ليصل الثواب كاملا

    وتاتي النتيجة النهائية بضرورة وضعه في العناية المركزة ولا غرف لديهم
    اجريت اتصالي من سويتش المستشفي بخدمة طوارئ وزارة الصحة لمعرفة اي مستشفي اخر بها مكان فاضي
    ولا يوجد اي شيئ ويخبرنا الطبيب انه سئل طبيب اخري في منشية البكري (وديا ) واخبرة عن وجود غرفة عناية فاضية
    خدت الولد في عربيتي وخرجت
    وتذكرت ان لي نسيب كان يوما مدير مستشفي الحسين الجامعي
    كلمته وقاللي اطلع على هناك فورا
    وانا فاكر ان مستشفي الحسن نضيفة وجيدة زي ما شوفتها في زياة ايام ما كان نسيبي(دكتور اسماعيل خلف)مدير لمستشفى الحسين الجامعي من كذا سنه
    روحت مستشفى الحسين ودخلت بالولد
    استقبلتني الرائحة القذرة وكانها علامة جودة لمدافن وزارة الصحة
    ولا وجود لاسرة فارغة او كراسي معاقين او تروللي سليم
    حاجة في منتهي القذارة
    بعد الكشف والتوصية من واسطتي
    قامو بالازم وما هو اتي هو مكمن الفرس..
    اخبرني طبيب الاستقبال بصفة ودية جدا وبطريقة دبلوماسية وهو شاب احسبه على خير بحق من اسلوبه
    ان أخذ الولد واعملة رعاية طبية في الجمعية
    ايه ده
    لـيــــــــــــــــــــــ ـــــــه
    لانتشار احد انواع فيروسات الصدر في غرف العناية
    وانها شديدة الفتك تبعا لشدة حدتها وتحورها الجيني واكتساب مناعات جديدة من المضادات الحيوية
    وان المريض كريم لن يتحمل جرعة مضاد حيوي واحدة والا ستكون جرعة الموت بالنسبه له
    صدمت مما سمعته على الرغم انه اخبرني به بصفة ودية للغاية ولي كنوع من التطفيش لان واسطتي كان مدير المستشفى السابق وكلهم يكنون له كل الحب والتقدير
    ولم استكمل بقية اجرائات الكشف وخدت الولد وطلعت اجري برة الوباء ده

    عذرا اني نكدت عليكم
    لكنى صعقت مما رايت وسمعت
    على رغم من كثرة زياراتي لاماكن مرضى

    لكم الله يا غلابة مصر عندما تمرضون
    وانا لله وانا اليه راجعون


    جروب ورشة نايل موتورز علي الفيس بوك


    صفحة ورشة نايل موتورز على الفيس بوك


  2. #2

    الصورة الرمزية MoToRiZeR

    رقم العضوية : 2780

    تاريخ التسجيل : 25Oct2007

    المشاركات : 4,837

    النوع : ذكر

    الاقامة : beneath the sky

    السيارة: Renault Clio 2007

    السيارة[2]: Daihatsu Sirion XL 2008

    الحالة : MoToRiZeR غير متواجد حالياً

    افتراضي -

    و الله يا كريم و غير الغلابة .. انا شفت نفس الكلام ده في مستشفيات خاصة و المفروض محترمة
    كان كل الفرق هو أن المستشفيات الخاصة ريحتها كويسة ! إنما نفس المصايب.

    ولد زي ده في بلاد برة بيستضيفوه في البرامج و يعتبروه رمز للتمسك بالحياة
    هنا بيدفنوه بالحياة

    اللي يمرض في مصر يمرض علي مسئوليته !


    Leadership is based on inspiration, not domination


  3. #3

    الصورة الرمزية Dr Ahmed

    رقم العضوية : 79

    تاريخ التسجيل : 22Apr2007

    المشاركات : 9,737

    النوع : ذكر

    الاقامة : بنــهــا

    السيارة: Perodua Kancil 1998

    السيارة[2]: NIssan Qashqai 2014

    الحالة : Dr Ahmed غير متواجد حالياً

    افتراضي -

    عارف وأنا بقرأ كلامك كنت عايز أعمل إيه يا كريم؟ كنت عايز ألطم
    إنا لله وإنا إليه راجعون على الحالة اللى وصّلنا ليها الإهمال القذر
    حضرتك عارف إنى استشارى فى الجامعة ومفروض إنى لو معايا حالة أشوف معاها كل الواجب.... شفت مع أبويا الله يرحمه كل أنواع الإهمال فى مستشفيات الصحة لولا أن الله كان يسبب وجودى بجانبه فى أوقات كثيرة كانت كافية لإنقاذه منهم عدة مرات قاتلة ...


    المهم سبب الفشل التنفسى إيه؟
    لو ليه علاقة بالشلل الرباعى تبقى الحالة صعبة جدا والأمل دايما عند ربنا.
    وربنا يشفيه ويجزيك خير على لفك وتعبك معاه. (من فرج عن مؤمن كربة من كربات الدنيا فرج الله عنه كربة من كربات يوم القيامة)

    على فكرة مستشفى الحسين مش تبع وزارة الصحة ، دى تبع جامعة الأزهر

    [aldl]http://www.jewelsf.com/up/uploads/542f6eee3a.gif[/aldl]
    وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين
    Dr Ahmed Abdelghany
    ENT,H&N consultant - Benha University
    my website: www.drahmedclinic.com


  4. #4

    الصورة الرمزية Terrible_DaRsH

    رقم العضوية : 17601

    تاريخ التسجيل : 31Aug2008

    المشاركات : 6,564

    النوع : ذكر

    الاقامة : Certainly .. In My House !

    السيارة: NA

    السيارة[2]: Corolla 1.3

    الحالة : Terrible_DaRsH غير متواجد حالياً

    افتراضي -

    بالرغم من اننا بنطلع احسن دكاترة فى العالم و جراحين , الا ان المستوى الطبي فى مصر تحت الصفر ..

    لو عدينا كام واحد توفي بسبب الاهمال فقط هنلاقيهم بالالاف ..

    صدقونى كل مسئول هيتحاسب على الناس دى , ده برنامج الحقيقة بيجيب ناس تقطع القلب من الاهمال !

    بس مين يسمع ؟


  5. #5

    الصورة الرمزية Dr Ahmed

    رقم العضوية : 79

    تاريخ التسجيل : 22Apr2007

    المشاركات : 9,737

    النوع : ذكر

    الاقامة : بنــهــا

    السيارة: Perodua Kancil 1998

    السيارة[2]: NIssan Qashqai 2014

    الحالة : Dr Ahmed غير متواجد حالياً

    افتراضي -

    اقتباس المشاركة الأصلية كتبت بواسطة terrible_darsh مشاهدة المشاركة
    بالرغم من اننا بنطلع احسن دكاترة فى العالم و جراحين , الا ان المستوى الطبي فى مصر تحت الصفر ..
    يافندم إحنا ليه كل حاجة بنتكلم فيها بقت دايما مستواها عند الصفر ؟؟؟؟؟؟؟؟؟
    ليه دايما نماذج النجاح القليلة فردية وكل النماذج الجماعية فااااااااااشلة وصففففففففففففففر
    إنا لله وإنا إليه راجعون
    للأسف الفترة اللى فاتت ولحد الآن تدفعنى قهرا للتفكير فى الهجرة

    [aldl]http://www.jewelsf.com/up/uploads/542f6eee3a.gif[/aldl]
    وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين
    Dr Ahmed Abdelghany
    ENT,H&N consultant - Benha University
    my website: www.drahmedclinic.com


  6. #6

    الصورة الرمزية mahmoud_magdy

    رقم العضوية : 20232

    تاريخ التسجيل : 26Sep2008

    المشاركات : 2,000

    النوع : ذكر

    الاقامة : Ca!ro

    السيارة: So0N

    السيارة[2]: Gen.2

    دراجة بخارية: ........

    الحالة : mahmoud_magdy غير متواجد حالياً

    افتراضي -

    لاحول ولا قوة الا بالله
    لا تعليق على اللي بيحصل ده
    الاهمال من اشد الاخطار اللي موجوده
    ربنا يشفيه من مرضه
    جزاك الله خير ا استاذ كريم

    إلى القمه

    musiccairo سابقا


  7. #7

    الصورة الرمزية Terrible_DaRsH

    رقم العضوية : 17601

    تاريخ التسجيل : 31Aug2008

    المشاركات : 6,564

    النوع : ذكر

    الاقامة : Certainly .. In My House !

    السيارة: NA

    السيارة[2]: Corolla 1.3

    الحالة : Terrible_DaRsH غير متواجد حالياً

    افتراضي -

    اقتباس المشاركة الأصلية كتبت بواسطة dr ahmed abdelghany مشاهدة المشاركة
    يافندم إحنا ليه كل حاجة بنتكلم فيها بقت دايما مستواها عند الصفر ؟؟؟؟؟؟؟؟؟
    ليه دايما نماذج النجاح القليلة فردية وكل النماذج الجماعية فااااااااااشلة وصففففففففففففففر
    إنا لله وإنا إليه راجعون
    للأسف الفترة اللى فاتت ولحد الآن تدفعنى قهرا للتفكير فى الهجرة
    صدقنى و الله العيب فى اللى ماسكين البلد مش الشعب .

    الشعب ده طلع دكاتره على اعلى مستوى و مهندسين و علماء و ادباء و شعراء و نماذج العالم يحلف بيها .

    لكن للاسف يا اما بيختفوا من الوجود يا اما بيروحوا للمكان اللى يستحقهم و على سبيل المثال " امريكا " ..

    دولة تقدر الناس المثقفة مش تقولهم فوتوا علينا بكره و لا معاك واسطة ؟!

    اذا كانت الهجرة هى الحل فربنا يوفق كل مجتهد فى اى مكان يروحوا .


  8. #8

    الصورة الرمزية Samah AbdAllah

    رقم العضوية : 35540

    تاريخ التسجيل : 15Mar2009

    المشاركات : 26,487

    النوع : انثى

    الاقامة : Egypt_Alexandria

    السيارة: لا يوجد

    السيارة[2]: لا يوجد

    دراجة بخارية: -

    الحالة : Samah AbdAllah غير متواجد حالياً

    افتراضي -

    معاك حق يا كريم فى كل اللى قولتله
    انا كنت فى زيارة مريض قبل يوم الوقفة بيوم
    وكان الحال اسوأ ما يكون
    صراصير ماشية عالسراير ورائحة لا تطاق
    اضف الى ذلك انهم كانوا خرجوا كثير من المرضى عشان يعرفوا يعيدوا
    اة خرجوهم وقالولهم روحوا وتعالوا بعد العيد!!!!!!!!!
    هم يبكى وهم يضحك
    لاحول ولا قوة الا بالله
    لو كل واحد يراعى ربنا فى عمله ويعمل اللى عليه كان حالنا بقا احسن من كده بكتير
    جزاك الله خيرا عن كل ما تفعله وجعله فى ميزان حسانتك


  9. #9

    الصورة الرمزية MTAK

    رقم العضوية : 604

    تاريخ التسجيل : 12May2007

    المشاركات : 3,344

    النوع : ذكر

    الاقامة : مصر المحروسة-السويس

    السيارة: لا يوجد

    السيارة[2]: الحمد لله Tiida 07 auto

    دراجة بخارية: لا

    الحالة : MTAK غير متواجد حالياً

    افتراضي -

    مش لاقى كلام اقوله
    غير ان ربنا يشفيه و يعافيه مما اصابه
    اما بخصوص المستشفيات و ما حدث
    لا تعليق سوى
    ان الله يمهل و لا يهمل
    حسبنا الله و نعم الوكيل

    كيميائى / محمد طه
    ------------------
    بسم الله الرحمن الرحيم
    وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ
    صدق الله العظيم
    التوبة 105


  10. #10

    الصورة الرمزية asbeats

    رقم العضوية : 25013

    تاريخ التسجيل : 13Nov2008

    المشاركات : 941

    النوع : ذكر

    الاقامة : Cairo & Sharkia

    السيارة: 2

    السيارة[2]: 1

    دراجة بخارية: لا يوجد

    الحالة : asbeats غير متواجد حالياً

    افتراضي -

    hasad">

    والله العظيم اي طبيب يقصر في حق مريض في استطاعته مساعدته فحسابه سيكون عند الله عسير بإذن الله

    اعرف ان كثير من الأطباء وانا منهم نشكو بكل ما اوتينا من قوة من ضعف الدخل المادي لنا والذي يبدأ من 270 جنيه ويصل مع البعض الى 1000 جنيه كحد اقصى -بعد ماتطلع عينه نبطشيات طول الشهر-وطبعا هذا دخل حقير لمهنة سامية

    ولكن....

    هذا لا يبرر ابدا الإهمال بأي شكل من الأشكال في حق المرضى...فمادمت قد وافقت على العمل بهذا المرتب الزهيد فلابد من العمل بضمير وان كان على كره

    وأشارك الجميع في قول حسبنا الله ونعم الوكيل في كل من يهمل ويتاجر في آلام الناس.

    وحسبنا الله ونعم الوكيل فيمن حول اناس حملها الله امانة وجعلهم من اسباب رحمته في الأرض...فصاروا سيوفا مسلطة على رقاب البسطاء...



 
صفحة 1 من 8 1 2 3 4 5 6 ... الأخيرةالأخيرة

المواضيع المتشابهه

  1. وزارة الصحة
    بواسطة afadl في المنتدى دليل الطرق الداخلية وطرق السفر
    مشاركات: 4
    آخر مشاركة: 23-05-2010, 02:40 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2