الموضوع: عاوز اغير اويلسيل الموبينه و العقربه بنفسى ... مين يعرف ازاى ...

المشاركة الأصلية كتبت بواسطة shiref_mohamed

شوف يا باشا
فك العقربه سهل بس المشكله هو تركيبها لآن ممكن الأتياش بتاعت النقل الى جوه الفتيس تخلف منك وانت بتفك ومتعرفش تظبطها حصلت معايا وانا بعملها عندي وبعد ماركبت كل حاجه وجيت اجرب لافيت العربية وهيا مموره بترجع لورا وانا بدور الكونتاكت ولو مصمم على فكها هتعمل الأتي :-
اولاُ هتلاقي بين زراع النقل الى طالع من العقربة ومجموعه وصلات النقل بنز فك البنز ده هتتفصل العقربة عن الوصلات وخلى بالك ممكن متلاقيش البنز ده وتلاقي مكانه مسمار 10 بصاموله
ثانياً :- هتحتاج بيبه 11 عشان تفك الأربع مسامير 11 الى رابطين جسم العقربة بالفتيس وبعد ما تفكهم هتلاقي العقربة تتطلع معاك (خلى بالك من الجوان بتعها وكمان اوعي حاجه تقع منك في الفتيس )

ثالثاُ :- لما تقلب العقربة من تحت هتلاقي الدراع بتاع النقل في ضفضعه كده راكبه فيه من جوه وفيه بنز مثبتهم ببعض هات حاجه رفيعه وشاكوش خفيف واضرب على النز هتلاقيه خرج من تحت وبكده تقدر تشد الدراع كله وتخرجه بره جسم العقربة وهيبقى عندك الأويلسيل باين اضرف فيه مفك عادي وطلعه وروح اشتري واحد زيه وركب عكس ما فكيت

ياريت اكون قدرت اوضحلك ( بس خلى بالك مرة تانيه الموضوع مش سهل بالنسبة لأول مرة)

يا باشا بعد اذن حضرتك :

1- طب ايه هى الاحتياطات اللى الواحد يعملها علشان الأتياش بتاعت النقل الى جوه الفتيس ماتخلفش اثناء الفك وهل بتبدأ شغل والعربية ممورة ولا واخدة غيار معين

2- هل بنحط جمالكة اثناء شحط الاويل سيل ولا مش مهم

3- هل فى طريقة سهلة نعرف بيها ان التسريب من الاورسيل بس ولا من الاورسيل والجوان انا نشفت الزيت المتسرب كذا مرة وفى كل مرة بلاقى العيون كلها الموجودة فى نهاية الجزء المايل فى الفتيس بدأت تتملى بالزيت

المشاركة الأصلية كتبت بواسطة mohsen

يا باشا بعد اذن حضرتك :

1- طب ايه هى الاحتياطات اللى الواحد يعملها علشان الأتياش بتاعت النقل الى جوه الفتيس ماتخلفش اثناء الفك وهل بتبدأ شغل والعربية ممورة ولا واخدة غيار معين

]بالنسبة للأحتياطات اهم حاجه يكون الفتيس في وضع المور... وكمان اوعى اى حاجه تقع منك جوه الفتيس

2

المشاركة الأصلية كتبت بواسطة mohsen

- هل بنحط جمالكة اثناء شحط الاويل سيل ولا مش مهم

اعتقد مش مهم الجملكه

3

المشاركة الأصلية كتبت بواسطة mohsen

- هل فى طريقة سهلة نعرف بيها ان التسريب من الاورسيل بس ولا من الاورسيل والجوان انا نشفت الزيت المتسرب كذا مرة وفى كل مرة بلاقى العيون كلها الموجودة فى نهاية الجزء المايل فى الفتيس بدأت تتملى بالزيت

]لما تنضف العيون كويس وبعدين تلاقي فيها زيت ده معناه ان الأويلسيل بيسرب زيت

السلام عليكم وكل سنه وانتم طيبين
بصراحه انا شايف ان الناس قالو كل الكلام اللي ممكن يتقال في الموضوع بس انا هحاول اتكلم عن تجربتي الشخصيه يمكن تفيد حد باذن الله
اولا بالنسبه لجوان المبينه
انا بدل الجوان ال (او رنج) حطيت فتله امينت مع شحم ولفيت الامينت كذا لفه علي الزور بتاع الموبينه اللي بيخش في جسم الموتور لان المنطقه دي معرضه لحراره عاليه والجوان بيبوظ بسرعه انما الامينت بيستحمل حرارات عاليه والحمد لله عملت الموضوع ده من 3 شهور وحتي الان لا توجد مشاكل او تسريب زيت والحمد لله
ثانيا بالنسبه لاويل سيل العقربه
الاويل سيل ده مكانه صعب شويه في الفك بس لما تستعين بربنا مفيش حاجه هتبقي صعبه بس لازم يكون عندك اللي بيقولو عليه ذكاء صناعي او مهاره الفك والتركيب
انا فكيت وغيرت الاويل سيل وهو كان مقاسه 7*26*13 بس اللي لقيته في محلات السيلات وهو اللي ركبته كان 8*26*12 ومفيش مشكله ركب عادي بس للاسف بعد كده لقيت في تسريب زيت من نفس المنطقه فقولت اكيد الزيت ده من جوان العقربه وانا اتوقعت كده لاني لما فكيت الاويل سيل لقيته مش بايظ بس غيرته لاني كنت فكيت خلاص
المهم لما لقيت تسريب زيت من الجوان فكيت الجوان وحطيت فوقه وتحته سيليكون حراري بتاع الجوانات وجمعت العقربه والحمد لله منعت الزيت برده من حوالي شهرين ونصف
اما بالنسبه لوضع الفتيس وانت بتفك العقربه ممكن تخليه علي المور وتجرب تفك العقربه بعد فك المساميرطبعا لو طلعت سهله ماشي لومطلعتش غير وضع الفيس علي الغيار الرابع وجرب بس المهم ان الوضع اللي هتفك عليه هو اللي هتجمع عليه يعني لو فكيت علي وضع المور يبقي تجمع علي وضع الموروانا بقصد انك هتشوف العصايه اللي خارجه من العقربه وتحفظ وضعها ويبقي هو ده وضع التجميع الصح لان العقربه راكب فيها من جوه كامه وهي اللي بتنقل الغيارات فلازم وضعها يكون مظبوط المهم بعد ما تقفل العقربه اربطها بمسمارين باليد وجرب غيارات الفتيس لازم يكونو بييجو كلهم وهي دي اصعب حاله في الموضوع لان لو الفتيس مخدش الغيارات كلها يبقي هتفك تاني وتغير وضع الكامه اللي جوا الفتيس
ارجو اني اكون افدتك واسف للاطاله
والسلام عليكم ورحمه الله وبركاته

السلام عليكم
اه نسيت اقولك لو عايز تعرف اذا كان تسريب الزيت من الاويل سيل ولا من الجوان
الاول هتنشف العصايه اللي خارجه من العقربه كويس اوي وبعدين
هتحرك عصايه الفيس علي كل الغيارات وهي العربيه دايره اونت ماشي بالعربيه وبعدين هتنزل تبص علي العصايه اللي خارجه من العقربه وتمشي ايدك عليها لو حسيت بتنشيع زيت يبقي المشكله في الاويل سيل وانا لا اعتقد ذلك لان الاويل سيل انا غيرته بعد 450 الف كم وكان لسه سليم