الموضوع: عاوز اغير اويلسيل الموبينه و العقربه بنفسى ... مين يعرف ازاى ...

بشكل عام
تغيير أويل سيل البوبينا فى الانوس
سهل جدا وممكن تعمله بسهوله وأنت واقف من غير ماتتعب نفسك
يعنى عمليه عاديه جدا
وخللى خطوات التركيب بترتيب عكسى لخطوات الحل والنظافه

ولكن كنصيحه بوجه عام
أجل أويل سيل عقربة الفتيس
وخللى صنايعى يعملهالك وأنت واقف جنبه
لأن فيها حل وصلات النقل ومرهقه شويه
دا غير أن كونك بتشوف الصنايعى بيشتغل وأنت واقف
وعارف كويس هو بيعمل أيه وبيأمن شغله أزاى
بيديك ثقه وأنت سايق العربيه

ودايما أنا مقنع بالمثل اللى بيقول
أسأل مجرب ولا تسأل طبيب

(مع كامل أعتذارنا لأخينا الدكتور : ياسر ) والأخوه الأطباء بوجه عام
فالهدف هو عدم أهمال الخبره ...ولكن الطب حاجه ثانيه
الخبره برضه عليها عامل كبير
فى التعامل مع الأشياء على أرض الواقع
وفعلا التحاور عبر النت (ككلام نظرى )
ليس كافى فى الأقدام على تنفيذ أى شغل فى العربيه
ففيه حاجات تتعمل بسهوله وبدون خبره
والصراحه فيه حاجات تتطلب خبره
وليها ترتيب فى خطوات عملى
ممكن أنت تعملها وتتعبك وتقف عندها
وفى الحاله دى حتستعين بصنايعى
وهنا بأه بقت فرصته للأمر والنهى
لأن فيه فرق لما تروح للدكتور العياده
وفرق لما تجيبه للحاله عندك
ده رأيى الصراحه
وبكل أمانه
وكل سنه وأنت طيب

على فكره كلامى ده .....ليس بهدف التعجيز والضعف
ولكنه كلام العقل (على الأقل من وجهة نظرى )

بعد اذن الاساتذة الكبار ---
هشرحلة طريقة تغيير اويل سيل الموبينة----
الادوات المطلوبة:زاوية عشرة --فوطة نظيفة--حاجة مدببة--مفتاح عادة---شوية بنزين----
الطريقة :
1-فك 3 صامولة للموبينة وارفعها بعيد شوية وفك فيشتها ودة طبعا بعد فك كابل البطارية وانت اللى معلمنا كدة
2-فك 3 مسمار للوش
3-طلع الوش بالمفك العادة
4-هتلاقى الاويل سيل جوة الوش --طلعة بالحاجة المدببة
5-هاتك يا نظافة فى الوش وجوة الموتور كمان بالفوطة والبنزين
6-ركب الاويل سيل الجديد وحط علية نقطة زيت
7-ركب الوش مكانة وركب كل حاجة تانى
8-متنساش تاخد معاك مية للشرب وحاجة تسمعها ----اما--------- الحاجة التانية ----اعمل حسابك قبل ما تنزل من البيت ---زى ماقولت وانت بتنظف البوابة

انا اسف هرد مكانة لان انت رحت بعيد
السيليكون انبوبة ب7 جنية بتتحط على الجوانات علشان تعمل احكام و عدم نزول زيت و عاملة زى معجون الاسنان
واللى بتقول علية دة اسمة شحم

بس انا مؤمن ان اى واحد فينا بيفهم احسن من اتخن صنايعى

أنت كلامك صح
كفايه أنك بتشتغل عن علم

ارجو من حضرتك لو تعرف الخطوات تقولى

فى الحقيقه أنا محلتهوش قبل كده .....ولكن
لو تتبعت الرسم الهندسى لمجموعة الوصلات وبدأت من عند آخر وصله رايحه لبيت العقربه
حتنفذها أن شاء الله
طالما أنت بتقول

لانى عازم ان شاء الله انى اعملها بنفسى ..

وأهم شىء تدرس الحاله كويس قبل الأقدام على التنفيذ
مع أقتناعك التام بقدرتك على التنفيذ
ومتنساش الساقع معاك
من أجل تلطيف الجو
ههههههههههه