انا ليه واحد صاحبي مبيسقوش عربيات كتير بس لما بيجي يسوق رجليه اليمين بتترعش فهل ده سببه ايه هل يكون خوف علي العربيه ولا ايه بالظبط
عرض للطباعة
انا ليه واحد صاحبي مبيسقوش عربيات كتير بس لما بيجي يسوق رجليه اليمين بتترعش فهل ده سببه ايه هل يكون خوف علي العربيه ولا ايه بالظبط
خلية يجرب يحرك رجلة فى نفس الوضع بتاع السواقة وهو قاعد عادى يعني ، يمكن لا قدر الله يكون عندة مشكلة صحية فى رجلة وبتظهر مع الوضع دة
لو مكانش يبقي حاجة نفسية بقي
انا اعتقد انها حالة نفسية، بسبب توتر او خوف زائد عن اللزوم، علي العموم مش لام يقلق، كلنا كنا كده في اول السواقة، و خصوصاً اللي ابتدي يسوق علي مانيوال
اعتقد خوف من السواقة وتوتر
انا كنت كدة في بداية ممارسة السواقة ودلوقت لو اتعرضت لحادثة او اي مشكله كبيرو وانا سايقه بتحصلي الحالة دي
كان بيحصلى نفس الموضوع فى بداية السواقة بس كانت رجلى الشمال
هتلاقية بس في الأول علشان هو مش واخد على الوضع على طول
أول ما هياخد على السواقة بمعدل اكبر هتلاقي رجله لا بتترعش ده مش بعيد تلاقي بيطبخ بيها بعد كده
ولو صاحبك أشول لازم اليمين تترعش لغاية ماتلاقي الجهاز العصبي المركزي هيظبط عنده الحوار ده وهو ده اللي بيحصل لما يكون اللي بيسوق أيمن ...
هى عشان اول مرة وكمان ممكن يكون مكسوف لو العربية نطط منه يعنى معرفش يحكم الدبرايج كويس انا كنت اكتر من كده مش رجلى بس اللى كانت بتترعش لا دا انا كلى كنت بترعش لما كنت باجى اسوق المانيوال زكان ابويا على طول يقولى بطل الرعب ده مش هينفع تسوق وانت خايف كده وعلى كده بقى لو الكوتش فرقع منك هتعمل ايه ؟ هتقلب العربية صح!!!!!
هى اكيد عشان لسه متعودش على المانيوال
اخوكم يوسف
لو اعصاب رجله سليمه يبقى هو الى بيتوتر لما يجى يسوق
متشكر ياجماعه اوي علي الردود الجامده دي