الموضوع: استهلاك البنزين والسحب فى كيا بيكانتو

انا معايا i10 مانيوال نفس موتور البيكانتو

كانت بتعمل معايا فى الاول بالميت 500 كيلو فى التفويلة و ساعات 600

ركبت كاوتش عريض بقت تعمل الطبيعى 400 او 460 و لو طريق سفر و طلعت جدعه بتوصل 500 او 520 بالعافيه

و اتأكد لى ان مفيش حاجه اسمها الاستهلاك يتحسن بعد 1000 كم او 5000 كم لانى عامل حاليا 9100 كم و مش بتتحسن!!!

انا كمان لاحظت ان لمبة البنزين بتنور دايما ما بين 390 و 400 كم

انت متأكد انك بتعمل 300 كم فى التفويلة؟؟؟؟ و لا تقصد مثلا فى 25 لتر

الاحسن تقيس على لمبة البنزين

او تفول العربية على الاخر و تشوف مشيت كام كيلو و فولت قد ايه؟؟؟ المرة اللى بعدها

انا اوحش استهلاك عندى بالحسابات هو 7.6 لتر لكل 100 كم لكن 10 كتييير اوى دى ممكن لو 1600 كنت تنفع لكن 1100 سى سى مينفعش.. طيب عربيتك مانيوال ولا اوتو؟؟؟؟

انا لاحظت حاليا ان فى بنزينة وحيدة لما بفول منها العربية بتعمل اعلى استهلاك فى الفترة دى.. بنزينة توتال اللى على الطريق الدائرى 2 اللى رايح مدينة نصر و المعادى من بعد مظلع الماظة

جرب تغير المحطة يمكن تفرق.. بس على العموم فى كام ملحوظة ممكن تكون مش واخد بالك منهم:

موتور العربية على سرعات اعلى من 100 مثلا 120 او اكتر بيستهلك بنزين جامد زى ما يكون مكنة 1600 زى الماتريكس و انا حسبت للاتنين

ضغط رجلك على دواسة البنزين بيأثر على الاستهلاك و كذلك الضغط المفاجىء لعمل تعجيل بيزود الاستهلاك

لو معاك اوزان فى العربية و ناس راكبين هتستهلك اكتر

التكييف بيفرق (بس اكيد احنا مش فى الصيف فهو مستبعد)

اتأكد من ضغط الكاوتش على 30 او 31 او 33 زى ما الكتالوج بيقول علشان بيفرق جداااااااااا فى الاستهلاك

السحب الطبيعى للعربية على التالت و الرابع ضعيف بطبيعته لان المكنة صغيره فطبيعى لما تدوس بنزين العربية متسحبش لان فى الوقت ده الحرق مش هيكون طبيعى و هتلاحظ وجود تسقيف و الافضل تصبر على المكنة فى التسارع.. او احتمال انك مش بتديها الغيار المناسب للسرعة فبالتالى بتحتاج تضغط جامد على البنزين

اتأكد ان فلتر الهواء نظيف و مستوى مياه التبريد عند max اثناء تشغيل المكنة و الرشاشات (بس ازاى عربية جديدة يظهر فيها مشكلة فى رشاشات)


فى حاجه احب اسألها للناس هنا بقى.. انا عندى و العربية دايره ما شاء الله تكاد تكون بدون صوت مسموع لكن لو قافل الصالون و واقف فى الجراج و العربية دايره بسمع صوت غريب زى صوت مياه.. لما قريت و دورت على النت لقيت ناس بيقولوا ان ده لاحتمالية وجود هواء داخل خزان الوقود و فى قال انها مياه مخلوطة بالبنزين.. هل حد فيكم ركز و سمع الصوت ده فى البيكانتو؟؟؟

يا يسلام يا جماعة هى دى روح البيكانتو :)
جميل لو نتقابل فعلا هناك بس هيكون الساعة كام علشان عندى شغل
هل هينفع اخد اذن مثلا ساعتين ونرجع على الشغل ولا ايه ؟

المشاركة الأصلية كتبت بواسطة monmonmon

انت متأكد انك بتعمل 300 كم فى التفويلة؟؟؟؟ و لا تقصد مثلا فى 25 لتر

الاحسن تقيس على لمبة البنزين

او تفول العربية على الاخر و تشوف مشيت كام كيلو و فولت قد ايه؟؟؟ المرة اللى بعدها

انا اوحش استهلاك عندى بالحسابات هو 7.6 لتر لكل 100 كم لكن 10 كتييير اوى دى ممكن لو 1600 كنت تنفع لكن 1100 سى سى مينفعش.. طيب عربيتك مانيوال ولا اوتو؟؟؟؟

شكرا على الرد يا فندم
بالنسبة للاستهلاك العربيه لما لمبة البنزين تنور وافول بتاخد بالظبط 29 لتر وبالكتير بيمشونى 300 كيلو فى المدينة مع العلم ان طريقى هو صلاح سالم يوميا وفى مواعيد مفيهاش زحمة يعنى متوسط السرعة بيكون 60 كيلو فى الساعة

انا عامل 2000 كيلو تقريبا لحد دلوقت لسه العربيه جديده وهى مانيوال

وبالنسبة لنقل السرعات بنقل عند ار بى ام 3

انما بالنسبة للسحب انا مش حاسس ان دا طبيعى يعنى انى لازم ادوس جامد على البنزين علشان تمشى ولما اخف رجلى تهدى بسرعة اوى

الحقيقه مش مبسوط بتوكيل روكسى خالص دا بالإضافة انهم مرضيوش يركبولى كاسيت شاريه وقالوا لازم تشترى من عندنا علشان اى كاسيت من بره لازم نقص فى ضفيرة الكهرباء طبعا كلام غريب جدا اكيد علشان يكسبو من وراه

على فكرة انا فولت النهارده وصفرت عداد الرحلات قبل ما اخرج من البنزينه وهشوف هتعمل كام لغاية ما اللمبه تنور تانى وبحاول اتبع كل التعليمات .. لا أوزان والعجل ضغطه مظبوط ولا تكييف وبدوس على البنزين بحكمه ومش بزود ار بى ام عن 3
وهنشوف :)

ياسر باشا هشوف موضوع الخميس لو ممكن اتأخر عن الشغل لانها فعلا فرصه ما تتعوضش انى اقابل حد من اعضاء المنتدى الكرام

صحيح يا جماعة البيكانتو
عملتو ايه فى موضوع الكاسيت ؟؟؟؟؟
انا اشتريت واحد ورفضو يركبوه هناك قالولى لازم تشترى من عندنا علشان الوصلات وحركات انا مش فاهم فيها
الكلام دا حقيقى ولا ايه ؟؟
وانتو عملتو ايه فى الكاسيت ؟