هام جدا.....انخفاض أسعار السيارات في يناير 2008؟؟؟؟!!!!!!!!

**Eng.Osama.Afifi** · 25-11-2007 04:06 AM

المشاركة الأصلية كتبت بواسطة etch007

انخفاض

تصدق الكلمة دي وحشتني اووووووووووووووووووي

إنخفاض أسعار العربيات ... وإرتفاع أسعار البنزين :D :D :D

للأسف فرحتك ما تمت :D :D :D :D

والله العظيم تلاتة أنا مش عارف أفرح ولا أزعل !!

بس بجد كفاية أوي ... يعني الواحد قرف من الأسعار

أنا كل 5 أيام بفول العربية ببتاع 55 جنيه !!

يعني بحوالي 220 جنيه في الشهر !

ده من غير ما أسافر وغير مصاريف العربية أصلا !!

بجد هيا الناس ديه مش بترحم ؟؟

الناس بجد بقيت بتغلي من جوا !

إحنا وصلنا لمرحلة ال critical situation

**ibrahimsaad** · 25-11-2007 06:20 AM

حسب معلوماتى ان الجات هتطبق فى 2111 وليس 2008

لكن من الممكن يحدث انخفاض تدريجى بالنسبه للجمارك حتى لايكون التطبيق مفاجئ للجات يعنى يطبقوها شويه شويه

فمن المنطقى ان يتم تهيئه السوق العام للانخفاض الذى سيحدث تدريجيا حتى لاينعكس على اقتصاد الحراميه

وعموما مش فارقه حاجه لان اكيد الحراميه ورانا ورانا

**Dr Ahmed** · 25-11-2007 07:10 AM

كلمة (انخفاض) تم منعها من سبق كلمة (الأسعار) بقرارات وفرامانات، وبقى استخدام هذه الكلمة (انخفاض) قبل كلمات أخرى كثيرة مثل: الجودة ، الهمم ، مستوى المعيشة.. كما تم منع استخدام أى كلمة قبل كلمة (الأسعار) غير: إرتفاع!!

**cpt_shawky** · 25-11-2007 07:11 AM

يا جماعة احنا ليه قاعدين نتكهن باللى هيحصل....هى مش اتفاقية الجات دى اتفاقية عالمية واكيد لها موقع عالنت واكيد كل بنود الاتفاقية وادق التفاصيل منشورة عليه...حد يساعدنا يجيب الموقع ونعرف ايه اللى بيحصل بالزبط :lol: :lol: :lol: :lol:

**ibrahimsaad** · 25-11-2007 08:11 AM

المشاركة الأصلية كتبت بواسطة cpt_shawky

يا جماعة احنا ليه قاعدين نتكهن باللى هيحصل....هى مش اتفاقية الجات دى اتفاقية عالمية واكيد لها موقع عالنت واكيد كل بنود الاتفاقية وادق التفاصيل منشورة عليه...حد يساعدنا يجيب الموقع ونعرف ايه اللى بيحصل بالزبط :lol: :lol: :lol: :lol:

الموضوع مش اتفاقيه وخلاص هناك مصالح اخرى وقواعد للعبه السياسيه لانعلمها نحن

فمثلا لما لم تطبق الجات على مصر وقت موعدها المحدد من كام سنه فاتت ؟

هل ذلك لاجل عيون مصر ؟ ام لمصالح اخرى تحصل عليها امريكا من مصر نظير ارجاء التطبيق ؟

وهل مصر اصلا دوله صناعيه علشان تخاف من تطبيق الجات هو احنا اصلا عندنا اى صناعه ؟

اذن العمليه نفعنى وانفعك

انت مطلوب منك شويه حاجات نظير انى أرجئ تطبيق الاتفاقيه

هذا مافى الموضوع وادى احنا شايفين مصر ماشيه فى ديل امريكا

**memo_hefnawy** · 25-11-2007 08:18 AM

يا جماعه معلش مضطر أصحيكم من الحلم الجميل ده

محدش يعقد آمال حلوة على الجات و تطبيقها لأسباب عديدة :

إنت هنا عشان تخفض الجمارك مش هاتكون مضطر إنك تخفض الضرائب بل على العكس ممكن تفرض نوع جديد من الضرائب على السيارات ذات ال 2000 سى سى وطالع بأى حجة

دلوقت لو جينا نحسب حسبة صغيرة أوى كده إحنا حاليا بيترخص سنويا فى القاهرة بس حوالى 60 -70 ألف سيارة ده فى قاهرة المعز بس طب دوول بيمشوا فيين ؟
ياترى فى شوارع بتتوسع ؟ فى طرق بتتمد ؟ فيه أنفاق بتتعمل ؟ كبارى بتتعلق؟ لأ بيمشوا على نفس الطرق إللى إحنا محشورين فيها دلوقت

طب لو الجمارك نزلت ؟ إللى مش قادر يجيب عربية هايجيب و إللى عنده واحده هايجيب 2 و بدل ال 60 70 ألف هايبقى 100 ألف فى السنه

طب هو إحنا عندنا مقابر سيارات ؟ لأ

تعرفوا بحسبة زمان عملتها إكتشفت إنى بروح بيتنا يوميا من المهندسين لمدينة نصر بمتوسط سرعة 20 كم فى الساعه !!!

و فى حسبة تانية لدراسة يابانية أثبتت إن لو بقى الوضع على ما هو عليه هايكون متوسط السرعة سنة 2011 على ما أذكر فى المحروسة 0 كم فى الساعه يعنى إختناق تام و شلل فى المرور ...............

من جانب آخر البنزين الحكومة مشكورة بتقولنا إنه لازم يغلى عشان بيغلى على مستوى العالم (فى الوقت إللى إحنا بنصدر البترول ب 18 دولار$ للبرميل و العالم كله بيبيعه ب 100 $$ ) فالحكومة الرشيدة بارك الله فيها عايزة ترفع الدعم الداخلى من على البنزين و تحط دعم للمستوردين و بدل ما نصدرلهم ب 100$ للبرميل لأ نصدره ب 18 $$ و يابلاش

فى الوقت نفسه السوق المصرى مفيش ليه ظابط ولا رابط يعنى لو ال 2000 سىسى نزلت هاتلاقى ال 1300 غليت مع غلو البنزين و سعرها يتعدى ال 1600 بتاعت دلوقت عشان موفرة فى البنزين إللى واحد صاحبنا الله يكرمه كان صرح إن سعر اللتر من البنزبن المفروض يوصل ل 9 جنيه :?

لك أن تتخيل إن خلال سنتين من دلوقت هاتفول تانكك بدل 50 جنيه هاتفوله 120 جنيه على أقل تقدير

بقولكم إيه خلينت ساكتين أحسن

**Meedo** · 25-11-2007 08:46 AM

(فى الوقت إللى إحنا بنصدر البترول ب 18 دولار$ للبرميل و العالم كله بيبيعه ب 100 $$ )

R U Kidding How Come?????????????

**memo_hefnawy** · 25-11-2007 09:01 AM

Sure I'm not kidding my dear

أنا حاولت أشوفلك دليل يؤكد المعلومة وده إللى لقيته دلوقت

http://www.masrawy.com/News/2007/Egy...22/petrol.aspx

على فكرة الكلام ده إتقال كثير من زمان

بالظبط ذى عقود الغاز الطبيعى إللى 25 سنه قدام بسعر ثابت :) عمار يا مصر

**tutankhamoun** · 25-11-2007 09:10 AM

أنا مش مع تخفيض الجمارك على العربيات أكثر من 1600 سم مكعب
لدواعي الحفاظ على الثروة البترولية و الحفاظ على البيئة من التلوث
و أقترح أن ترفع الحكومة الضرائب على السيارات الأكبر من 1400 سم مكعب علشان الناس تركب عربيات أصغر و توفر في البنزين و تحافظ على البيئة

**noble911** · 25-11-2007 09:44 AM

السلام عليكم
انا بحثت في موضوع الجات علي الانترنت و وجدت الاتي
( لكن محدش يعلق عليه اي امل انت عارفين البلد دي ماشية بدماغها و ممكن بكره الاسعار تغلي او ترخص)
اتفاقية الجات علي السيارات معاد تطبيقها 2005
لكن في 2004 تقدمت مصر بالتماس لتاجيل التطبيق لحماية الصناعة الوطنية و اظن ده الالتماس التاني و تم قبول الالتماس و اعتباره الاخير
و علي ذلك يكون تطبيق الجات علي العربيات 2010 بالظبط اول السنه او مع اخر شهر 2009
لكن لازم نعرف ان التخفيض حيوصل بالجمارك لحوالي 30-40% يعني 1300-1600 مش حيتاثروا كتير و الانخفاض مش حيكون ملحوظ
و كان التعليق علي الخبر ان من حق البلد فرض ضربية مبيعات لتعويض الناقص من الجمارك للحفاظ علي الاسعار
الخبر الي فات ده كان في اواخر 2004

السنة دي و من حوالي شهر تقربيا زار مصر واحد من البنك الدولي و عزموه علي شوية اكلات شعبية زي الجمبري الكبيري المشوي و كباب و كفتة و كده يعني كلها شعبيات
و في نهاية الزيارة قال انهم اتفقوا مع المصرينن علي خطوات بداية تطبيق الجات من 2010 و بشكل تدريجي حتي 2020
و انتهي الخبر علي كده

انا ماليش دعوة انا نقلت كلام ده من الجرنان و النت انما مصر ماشية براحتها و هذه ليست دعوي شراء او بيع

و انا اتفق مع الرجالة اللي طرحت فكرة رفع سعر البنزين قريبا و تحريك بسيط في اسعار الجمارك

و لنا الله و ربنا يوفقني و اهاجر الخليج هجرة دايمة شاملة كاملة

الموضوع: هام جدا.....انخفاض أسعار السيارات في يناير 2008؟؟؟؟!!!!!!!!

LinkBack

أدوات الموضوع

عرض

-

-

-

-

-

-

المواضيع المتشابهه

أزمة تويوتا تؤدى إلى انخفاض أسعار السيارات المستعملة

مصلحة الجمارك : انخفاض سعر السيارات الأوروبية أول يناير

مصلحة الجمارك : انخفاض سعر السيارات الأوروبية أول يناير

رشيد : نفى انخفاض أسعار السيارات عالمياً

الكلمات الدلالية لهذا الموضوع

المفضلات

المفضلات

ضوابط المشاركة