الموضوع: هام جدا.....انخفاض أسعار السيارات في يناير 2008؟؟؟؟!!!!!!!!

المشاركة الأصلية كتبت بواسطة khalid_adel

يا استاذ توت عنخ انت بتقول يرفعو جمارك على العربيات اللي اعلى من 1400 سي سي
على اساس ان الكل يكون معاه عربيات صغيره ومفيش ولا عربيه عائليه ولا استيشن ولا عربيه للرحلات مثلا ؟؟ بالذمة ده اسمو كلام يعني لما احب اروح مطروح ولا شارم ولا لفصر لازم اركن بتاع 4 مرات عشان العربيه 1300 سي سي ولا امشي واطلع سفريتين وبعدها الاقي الموتور ساح
ياباشا 1600 او 2000 دي حد ادني لعربيه عائليه او ممكن تسافر بيها مسافه معقوله اما ال 1000 لحد 1600 دي عربيات مدينه اللي اخري اروح بيها الشغل وارجع وكام مشوار بليل
مش كده ولا ايه؟؟؟

متزعلش قوي يا أستا خالد نخليها لغاية 1600 سم مكعب طيب ما أنا عربيتي 1600

بس على فكرة مين اللي قالك أنك بتقف 4 مرات علشان تريح
أنا ركبت عربيات كتير جدا 1300 و كانت بتسافر زي الفل
طيب أنا مرة سافرت بفورد كا 1300 سم مكعب مسافة لا تقل عن 650 كم صد رد و مريحتش غير ربع ساعة أشرب حاجة ساقعة بس
تخيل 650 كيلو صد رد
و سافرت برضه بعربية هيونداي اكسل بورسعيد صد رد من غير مريح خالص و العربية كانت 1300
و عربيتي البونتو رحت بيها أسكندرية و قعدت ألف ييجي ساعة و رجعت على طول برضة صد رد
يعني بتعتمد على نوع العربية يا باشا و برضه متقلش عن 1300
و مين اللي قال إن ال 1300 و 1400 مش بتوع سفر ؟؟؟؟؟؟؟؟؟؟؟؟؟؟ و عن تجربة بتوع سفر و عائليين كمان
و بعدين معظم الناس اللي معاها عربيات 2000 سم مكعب ........... مش بتسافر كل يوم و إن سافرت مرة أو مرتين في السنة يبقى تمام و برضه العائلة مش بتبقى معاه كل يوم
و في كل الدنيا العربيات الكبيرة أكبر من 1600 بتدخل في نطاق ضريبة عالي و نطاق تأمين عالي
و أختلاف الرأي لا يفسد للود قضية
و أنا بتكلم على معظم الناس و مش كل الناس

المشاركة الأصلية كتبت بواسطة أبو عبدالله

ده مش محتاج تاكيد لن هو فعلا هيحصل ان شاء الله علشان الجات خلاص هتتطبق غصب عنا مش بمزاجنا
بس المهم ان الموضوع مش هيأثر على العربيات اللي تحت الــ 2000 سي سي لن سعرهم مظبوط ولما الــ 2000 سي سي ترخص هترخص بمعدل برضه هتبقى اعلى من 1600 سي سي
وخد بالك ان 2000 سي سي عندنا في بلدنا بتبتدي من 300 الف جنيه يعني قول مثلا هتوصل لــ 200 الف
واحد هيقولي طيب ما في 1600 سي سي بنفس الثمن
ما حضرتك هيلعبوا لعبه حلوه قوي
لالا وهيا ان البنزين هيغلى وحضرتك هتفكر الف مره انك تشتري 1600 سي سي فضلا عن انك تتجرأ وتشتري 2000 سي سي
وتدفعلك اد كده في كل تفويله
يعني ممكن التفويله تعدي الــ 100 جنيه براحه لما يغلو البنزين
وبصراحه ده سيناريو طبيعي لو الجمارك ترخص على العربيات دي 2000 سي سي
لازم يغلى البنزين علشان الناس متعرفشي تشتريه لن الناس هيبقى عندها سعاس على الشراء وساعتها كل واحد حتلاقيه شاريله كابرس وفور باي فور و4000 سي سي وكل يشد والرجاله تفحط الأسفلت اللي بايظ بالتفحيط اللي هما هيعملوه
ده البلد هتولع

وزي ما انا قولت هما هيغلو البنزين بحيث انك تيجي تحسبها حتى لو 1600 سي سي بسعر 2000 سي سي هتشتري 1600 سي سي علشان البنزين وساعتها هتلاقي سوق 1300 سي سي ولع والناس هتجري على العربيات اللي موفره للبنزين واللي السي سي بتاعها قليل وطبعا ده غالب الناس وليس كلها اجمع

والله المستعان

nice ;)

المشاركة الأصلية كتبت بواسطة Ashraf A.Kader

ممكن ترخص 10% وبعدين يزودوا ضريبة المبيعات 30% ;) ;) ;)

:D :D :D :D