الموضوع: بعيداً عن جدال الأسبرينزا نريد تقييماً لتوكيلها و مراكز خدمتها

الملاحظ أن مواضيع عديدة كانت كلها تتحدث عن الاسبرينزا كعربية صينى و هل أشترى الصينى أم أبعد عنه و الجميع أغفل أهم نقطة مع أنها هى الفيصل فى الموضوع ألا و هى هل توكيل الاسبرينزا و مراكز الخدمة التابعة له سواء الصيانة أو قطع الغيار على مستوى المسئولية و هل خدمة ما بعد البيع جيدة و هل تشعر أنهم ناس محترمة على قدر المسئولية لأنه مش طبيعى أن العربية تكون زيرو و لسه فى الضمان و أروح بيها لميكانيكى شاطر علشان توكيلها سيىء مع العلم أنه لسه ما فيش ميكانيكية شطار فهموا الاسبرينزا يمكن بعد سنتين نلاقى .
ياما بنلاقى عربيات محترمة جداً و ناس كتير متأكدة من ذلك و لكن ماحدش بيشتريها علشان عارفين المعانة اللى يعانوها بعد اتمام عمليات الشراء نتيجة التوكيل السيىء و مراكز الخدمات السيئة التى تضر اكثر بكتير من أن تنفع و تفيد و عليه ارجو من المشاركين معنا فى هذا الموضوع أن يبعد عن موضوع الصينى الذى قتل بحثاً فى مواضيع عديدة من قبل و لكن المناقشة هنا عن تقييم التوكيل و مراكز خدمته و ياريت كل من اشترى اسبرينزا و تعامل يقولنا لعلهم يفيدوا الجميع