الموضوع: صور من مصر ( فضائح مصرية )....؟؟؟؟؟؟؟؟؟؟؟؟؟؟؟

المشاركة الأصلية كتبت بواسطة sab3aawy

"المشاركة السابعة قبل الألف"

المشاركة الأصلية كتبت بواسطة tutankhamoun

سبعاوي باشا ......... أختلف معك في أن معظم الصور مأخوذة و تم تصويرها في مصر

انا متفق معاك فى كل اللى انت قلنه ماعدا هذا الجزء

هذة الصور انا متأكد تماما انها مش مأخوذة من مصر، ومعظمها بالمناسبة متاخد فى سوريا، ويؤكد ذلك لهجة الكلام

هل فيه حد فى مصر بيستعمل كلمة مرطبات على باب محل؟ محصلش ؟ لكن فى سوريا ده العادى

هل فى حد فى مصر بيستعمل كلمة مقهى على باب قهوة او كافية؟ برضه محصلش، لكن ده معتاد فى سوريا

موضوع انكل سام ده لا يشكل اى مادة للتصوير فى مصر لأن التمسح فى امريكا شئ عادى فى مصر لكنه يشكل كارثة فى سورية وهذا ما دفع صاحب الصورة لتصوير المحل

اما الأخ هيثم شيص فأرجو منك قراءة الكلام المكتوب لتعريفه، راوائح اللهجة الشامية باينة فى الجملة

اما محل مادونال، فدى مش غلطة كتابة لكن تقليد على غرار الساعات التى يتم كتابة اسماء يابانية عليها وتغيير حرف واحد على سبيل الغش، وهذا المحل المقلد غير موجود فى مصر لأن الماركة الأصلية موجودة فى مصر ولن تسمح بهذا التقليد لأنها صاحبة نفوذ واسع فى مصر، لكن هذا التقليد موجودة فى بلد غير موجودة فيها الماركة الأصلية

العربية اللى واحد رافعها على خشب وبيصلحها، بص على السور اللى وراها ، تقدر تقول لى السور الأنيق ده موجود فين فى منطقة شعبية فى مصر يمكن ان يتم اصلاح سيارة فيها بهذة الطريقة؟

بص، انا معاك اننا من حقنا ننتقد بلدنا، لكن كون واحد يلم ثصور لملامح التخلف فى العالم كله ويلزقها فى مصر، فأنا آسف جدا ، هذا غير مقبول بالنسبة لى

وعلى فكرة انا برضه عشت كتير برة مصر فى دول الشمال المتقدم ، وبعشق الحضارة الأوروبية العريقة ، لكن رغنم كدة مش شايف الصورة فى بلدى مفرطة فى القتامة ولسة شايف فيها خير

أستاذ سبعاوي
أنا قلت معظم الصور و لم أقول كلها و على فكرة الصورة بتاعة روائح انكل سام
ده محل موجود في الأقصر أو الغردقة مش متذكر بالظبط
على العموم كويس إن حضرتك لسه عندك أمل في البلد و اللي فيها !!!!!