الموضوع: حسام حسن مديرا فنيا للزمالك

المشاركة الأصلية كتبت بواسطة motorizer

انا أهلاوي بس حزين للزمالك و الله .. منظر شيكا و حازم و هم بيعيطوا إنهاردة يبين قد إيه الفريق إنهار و محتاج يتصلح .

انا متفائلهم بحسام حسن مش عشان هو مدرب معجزة و جامد لأ عشان حسام حسن عايز يكسب و شخصيته قوية و قليل الأدب و الزمالك مليان لعيبة عايزة تتربي و شايفة نفسها و مينفعش معاهم غير حسام و إبراهيم يلطشولهم و يقفوا يسبولهم في التمرين و عالخط

+111111111111111111:b4_388:

النهاردة في الأهرام خبر بيقول ان الليلة مباراة الزمالك مع حرس الحدود و أول إختبار لحسام حسن.

إختبار لإيه بالظبط؟ واحد ماسك الفريق بقاله يومين، ازاي يكون ماتش زي ده اختبار ليه؟

بس انا عجبني النهاردة تشجيعه للعيبة بعد الماتش برغم الهزيمة و محاولة الرفع من روحهم المعنوية

اكبر دليل على ضعف مستوى هذا الشخص الهاااوى , انه صرح بانه هيعمل مباراة قوية جدا جدا امام الاهلى ..

اولا الشخص ده لا يمتلك مهارات كمدرب , ثانيا لم يتعرف على حالة اللاعيبة الموجودة و لا حتى لسه عرف الدنيا ماشية ازاى فى نادى الزمالك ..

هو شاف ممدوح عباس جيبه مفتوح و لاعيبة عندها حماس يبقي خلاص بكره الصبح هياخد كاس العالم ..

و حتى لو كسب الاهلى و كسب كام مباراة فحسام حسن اقل من انه يوقف نادى الزمالك على رجله و يجيب له بطولات ...

مرة اخيرة : حسن شحاتة فى ايده الحل .

شكرا يا استاذه علا ودرش باشا انا كنت داخل ارد على الموضوع ده
الجون الى جه ف الاخر جون كاذب بس كان نفسى ييجى اهه يرفع اى حاجه من معنوياتهم و الحرس كان بيلعب على الواقف
الاعيبه تعبانه اوووووووووى ولا حسام ولا غيره هيقدر يعمل حاجه

يا جماعة متزعلوش
المفروض نكون خدنا حصانة خلاص
ده لو الزمالك نزل درجة تانية برده مش هزعل وهفضل اشجعه ليه انتماء ليه معرفش
وبعدين الفريق في حاجة غلط بجد حاجة غريبة اوي اكبر حاجة ناقصة الزمالك هي اهم حاجة التوفيق من عند ربنا
ده لاول مرة الاقي الاهلاوية متعاطفين معانا لدرجة ان الماتش الجاي مش هيبقي فيه تعصب لان ببساطة الزمالكاوية فقدوا الامل والاهلاوية صعبنا عليهم
الحمد لله علي كل حال