-
سحب لانسر 2007
ارجوا مساعدتى مش عايز حد يشتغلنى
انا عربيتى لانسر بومة 2007 مانوال 1600 العربية معاى من 6 شهور معملتش اى حاجه فيه سوى انى غيرت بوجهات ونظفت فلتر الهواء وتغير زيت وتيل فرامل بخصوص سحب العربيه
فى السرعات الهادئه السحب تعبان جدا خصوصا بعد اى مطب واخد الغيار التانى بتطلع العربية
ببطىء شديد والار بى ام بيعلى جامد جدا وكمان صوت الموتورعالى جدا ومفيش سحب خالص اما فى السرعات العاليه السحب مش بطال اما فى ملوحظه تانيه جايز تفيدك موضوع عدم السحب ده
مش بيظهر غير فى الجو البرد بيكون باين اوى اما لو الحرارة عاليه فى النهار والجو صيفى مش بتبقى ضعيفة فى السحب زى الشتاء الشديد
والله انا عايز مساعده منكم ياريت حد يفيدنى عداد العربيه عامل 85000 الف ك
ممكن يكون الموضوع ده اسطوانه والا فلتر بنزين مش عارف ارجوا مساعدتى علشان انا مش عارف اعمل ايه
ممكن يكون حد مر بالتجربه ده وكل عام وانت بخير
-
المشاكل الى زى دى نصيحة تروح التوكيل عشان ما تدخلش فى متاهات وتجيب من الأخر ولو تروح قليوب يبقى كويس عند المهندس طارق
-
انا بعض الأحيان بحس إن العربية تقيلة ... وبعض الأحيان بحس إنها بتاكل الأرض أكل
أعتقد نوعية البنزين بتفرق ...
-
-
-
اعتقد انها ممكن تكون اسطوانة
بس هو حضرتك العربية لما بتنقل من 2 ل 3 مثلا تلاقي ال rpm علي و بعدين يرجع طبيعي و السحب يبقى كويس بعدها؟
لو كدة يبقى فيه مشكلة في الاسطوانة
-
وممكن يكون فى فلتر البنزين أو كابل من كبلات البوجيهات فاصل أو طلمبة البنزين أو فلتر الهواء أو من البنزين نفسه
غير البنزينه اللى حضرتك بتمون منها أولا"
-
1- بنزين
2- بوجيهات
3- فلتر هواء + فلتر بنزين
4- تنظيف الحساسات >>>>>>>>> بتتعمل فى التوكيل او مهندس شاطر
5- طقم الدبرياج >>>>>>>>>>>>> وانا مستبعدها عن 85000كم
الاهم بقا بس ملوش علاقه بموضوع السحب هو ان عربيتك عامله 85000كم ياريت تغيير سيور العربيه (هام جداااااااا)
-
السلام عليكم
متشكر للجميع على الرد والمجهود انا حبيت اطمن الجميع الموضوع اتحل والحمد لله ونسيت اصور لكم اسطوانه الدبرياج الموضوع كان اسطوانه فعلا والحمد لله بسيطه كانت الاسطوانه على الحديد وربنا ستر وده محصلش وانا مسافر
الموضوع تكلف حوالى 600 جنيه طقم دبرياج كامل كورى نوعه فاليو ب 390 ج ومصتعيه 200 ج والحمد لله مش مصدق العربيه بقت بتجرى ومش مصدق ان العربيه بالكفاءة ده الحمد لله وده تجربه للافاده
وشكرا وكل عام وانت بخير
-
نفس المشكله ظهرت عند 60 الف لانسر 1600 مانيوب موديل 2007 و غيرت الاسطوانه و العربيه احسن بس برضه حاسس ان الدبرياج واطى قوى...
مع ان محدش كان بيقرص على العربيه و لا يفرك و لا حاجه...
Content Relevant URLs by
vBSEO 3.6.0 PL2