السلام عليكم يا جماعة انا قريت في المنتى هنا موطوع عن ملئ الاطارات بالهيدورجين بس مقدرتش اعرف هل الموضوع ده مفيد ولا مش مفيد هل هوا يستاهل يعني الواحد لما بيعملو بيحس بفرق فعلا ولا مش قوي
ومين احسن ناس بتعملو في مصر والف شكر ليكو على التعاون :)
عرض للطباعة
السلام عليكم يا جماعة انا قريت في المنتى هنا موطوع عن ملئ الاطارات بالهيدورجين بس مقدرتش اعرف هل الموضوع ده مفيد ولا مش مفيد هل هوا يستاهل يعني الواحد لما بيعملو بيحس بفرق فعلا ولا مش قوي
ومين احسن ناس بتعملو في مصر والف شكر ليكو على التعاون :)
اهلا وسهلا بيك واولا هو بيتملى نيتروجين مش هيدروجين وهو افضل من الهواء العادى انا جربته هو احسن من الهواء العادى مش فارق اووووى يعنى بس افضل وخصا فى شوارع مصر واممكن تعملى فى بريجستون فى بنزينه كالتكس عباس العقاد
شوف هو أهميته فى حاجة أساسية ألا وهى الحفاظ على الإطار و إطالة عمره و تقليل إحتمالات إنفجار الإطار و بالتالى سلامتك على الطريق
ليه ؟
لأن النيتروجين خامل لا يتمدد بالحرارة و لا ينكمش بالبرودة يعنى لو إنت الإطار بتاعك سليم و ظبطه على الرقم المظبوط الخاص بعربيتك مش هاتبص تلاقى مع الحر و السفر أو الجرى العجلة بقت من 28 مثلا 40 ذى ما بيحصل مع الهواء العادى
طبعا إنكماش و تمدد الهواء العادى فى الإطار بيعرضه للإنفجار لو حالته مش كويسه أو إتمدد بزيادة ده غير إن العفشة بتدب معاك لأن الهواء حجمه أزيد عن الطبيعى و طبعا أى حاجة بتتمدد و تنكمش كثير ده بيقلل من عمرها الإفتراضى
ده بالإضافة إلى أنه العداد بتاع النيتروجين بيكون مضمون عن بتوع الكاوتش العاديين إللى ممكن يقولك إنه ظبط على 28 و عداده مخرف و عاملها 36 و ده بيحصل كثير
نسيت أقولك أماكن النيتروجين فين :
عندك درش فى المطرية
مدينة نصر :
أشرفكوم فى الحى السادس
أرابكوم أمام سيتى ستارز
بريدجستون فى محطة كالتكس إللى على ناصية عباس مع النحاس
شكرا يا شباب على تعاونكم وافادكم الله
نسيت اضيف ان سعر ملاء الاطارات بالنيتروجين 5 جنيه للفرده الواحده
وحشتنا المعلومات دي يامحمود..الله ينوراقتباس:
المشاركة الأصلية كتبت بواسطة memo_hefnawy
thanks so much :D
الحلو مايكملشاقتباس:
المشاركة الأصلية كتبت بواسطة mazgangy
أول مرة بس مش كل مرة ب 5 جنيهاقتباس:
المشاركة الأصلية كتبت بواسطة hamedo0
مشكورين ...........
إى فرع من بريدج ستون والفردة ب 5 جنية اول مرة وبعد كدة ب 2 جنية - ومعلومة غاز النيتروجين مش خامل (دية معلومة غلط وانتشرت جدا بين الناس) ولكن هوة بيتصرف كالغازات الخامل فى درجات الحرارة العادية وأكرر درجات الحرارة العادية - لكن غير كدة بيقى غاز عادى وبيتمدد وبيعمل كل حاجة زى إى غاز
سؤال صغير جدا
هو النيتروجين ينفع لاي اطارات ولا لازملها اطار معين وشكرا
وهل بيفرق في سحب العربية وسرعتها وعلى الثبات في السرعات العالية ولا زيه زي الهواء
ايه هو مفيش حد عارف عن الموضوع ده ولا ايه؟؟؟
ولا مفيش حد جرب لحد دلوقتي
النيتروجين بينفع لأي اطار
وهل بيفرق في سحب العربية مش عارف الصراحه
ام الثبات فبيفرق لأنه بيبقى مرن اكتر من الهواء في المطبات
بمعنى انه بيمتص الصدمات اكتر من الهواء العادي
طيب ولما تيجي تزوده او تزبطه تعمل ايه بأه كل شويه تروح مدينه نصر تزبط النيتروجين ؟؟
ولا ينفع نحط عليه هوا ؟ ولا كده يبقي سلطه ؟
أولا: طلما الكوتش سليم فموضوع التشيك ده ممكن يكون كل شهرين
ثانياً :ينفع طبعاً تزود هوا لأن النيتروجين أحد مكونات الهواء
الف شكر لك وننتظر منك كل جديد ومميز
يا اخوانا انا مهندس طيران و احنا بنذود كاوتش الطائرات بالنيتروجين لسبب واحد انه غير قابل للاشتعال بس لكن بينقص و يذيد بالحراره عادي جدا و ملوش تاثير علي اي حاجه غير كده بدليل انه لو متوفرش النيتروجين للطائره وانت برده البيز بتاعتك ممكن جدا تملا هواء عادي و بعدين لما توصل للبيز تغير الهوا يالنيتروجين
انا هجرب الموضوع ده وربنا يسهل
اوبقى بلغنا حسيت باختلاف إيه؟؟؟
موضوع ممتاز يا جماعة و انا نفسي اجربه على 127 هل ينفع ؟؟
وانا من اسكندية لو ينفع املى نيتروجين املاه فين من اسكندرية لو كان حد جربه من اهالى اسكندرية يقولى
وان كان عندى قطع فى الكاوتش من الجانب الداخلى من ناحية العربية وعملتو عند واحد بالحام ألمانى من الداخل ووقالى انه 100 100 هل املا هذا الاطار بيه ولا اغير الكاوتش ده بواحد جديد ؟؟
واسف على الاطاله يا جماعه يا اجمل منتدى بجد و اجمد معلومات مفيدة
موضوع ممتاز شكرا ليك
شباب طيب حط فى اعتبارك ان لو حصل حاجه لاقدر الله فى عجله وملقتش حد يملاها هيدروجين هتمشى بواحده هوا والباقى هيدروجين :d
انته كددددددددددددددددددددددده
ودلوقتى ياجماعة فى محطة بنزين وطنية ـ شيراتون ـ طريق المطار ودى أشهر من نار على علم
موضوع التنيتروجين ملوش لازمة
طب يعني هو موجود في كل بنزينات وطنية ؟
انا مجرب النيتروجين من 4 شهور فوق الممتاز وشيكت عليه بعد مرور 2 شهرين كان زى ما هو ولا تحس بمطبات ولا شئ كانك مركب مساعدين فوق المساعين وانه لا يتمدد بالحرارة
انا مجرب النيتروجين , هو فى فرق بسيط انك تحس العربية مستريحة فى المطبات والعفشة مش بتدب معاك غير مزاياها فى حالة إنفجار الإطارات لا قدر الله زى ما الاخوة الأفاضل شرحو قبا كدة , بس المهم لو بنعمل صيانة فى مركز خدمة تنبه عليهم ما يضبوطوش الهواء لان عندى عملوا كدة لقيت كل فردة على مقاس شكل والعربية زى المرجيحة فى المطبات.
(لأن النيتروجين خامل لا يتمدد بالحرارة و لا ينكمش بالبرودة) شكرا على الكلام اللى مش صح كل الغازات تتمدد و يزداد ضغطها بنفس القيمة عند رفع درجة حرارتها بنفس المقدار واضح إنك كنت أدبى أو نسيت
Nitrogen in tires is becoming a popular replacement for standard air. Nitrogen is all around us... the air we breathe is 78% nitrogen, 21% oxygen and the rest is small amounts of other gasses. When it comes to tire inflation, nitrogen has many advantages over oxygen. With nitrogen tire inflation, improvements can be noted in a vehicle's handling, fuel efficiency and tire life through better tire pressure retention, improved fuel economy and cooler running tire temperatures. Here at the Get Nitrogen Institute our goal is to provide consumers, over-the-road truckers, fleet managers and others information about the benefits of using nitrogen in tires.
اخ
bondjames
Inert gas
An inert gas is a non-reactive gas used during chemical synthesis, chemical analysis, or preservation of reactive materials. Inert gases are selected for specific settings for which they are functionally inert since the cost of the gas and the cost of purifying the gas are usually a consideration. Nitrogen and argon are the most common inert gases for use in chemistry and archival settings.
المصدر
Inert gas - Wikipedia, the free encyclopedia