-
رولمان بلي عجل الاسكورت.
السلام عليكم اخواني الاعزاء وكل عيد وانتم بخير
كنت عايز اغير رولمان بلي العجل للعربية ادام وورا فسالت من فترة حد قالي ممكن تشحمة احسن قلت اسئل علي الجديد طقم بلي للعجلة الواحدة بيتكون من بليتين خارجي وداخلي واويل سيل لقيت اكتر من نوع الاصلي متوركرافت -skf -اسباني-الماني - ايطالي فعايز اعرف انهو احسنهم في مقابل سعرة لان المتوركرافت حاسس انو غالي اوي فيريت لو حد جرب نوع معين يقولي جابو منين وبكام وعايز اركبو عند حد يكون عندو مكبس علشان يركب صح لان الدق علية بيبوظو وهيتكلف مصنعية كام .
العربية فورد أسكورت 1600
وشكرا ليكم مقدما وعيد سعيد.
-
البلي مش بيتغير ألا لو كان ليه صوت وررر خشن لاكن لو مافيش فيه مشكلة مش بيتغير كإجراء روتيني يعني
لكن لو لية صوت خشن يبقى لازم يتغير وموضوع التشحيم مش هينفع معاه لأن لو فيه خشونة يبقى هيسخن ويسيح الشحم وينزل منة وممكن البلي يقفش لاقدر الله ساعتها العربية مش هتتحرك من مكانها
وأما موضوع الأنواع والسعر إنشاء الله حد يكون معاه إسكورت وجرب نوع كويس يقولك عليه أن موضوع الماني وأسباني دة بقى كلة كلام فاضي لأن كلة صيني وبيتكتب عليه أي نوع وأي بلد زي مالمستورد بيطلب منهم
-
شكرا اخي reamoz علي الرد واتمني يكون حد جرب يغير الرولمان بلي يقدر يفدني
-
تامر البلي عموما بيتصنف الماني ثم ايطالى ثم ما يليهم متساوى
ده الي اعرفة و الله اعلم
بالنسبة ليك اعتقد انت محتاج تستشير ميكانيكي مش احنا
انا انصحك بالاصلي بس انا عارف ام اكيد تمنة غالي جدا انا البدائل محتاج مجرب
ممكن تسال رمضان او حمدي
و حمدي عنده مصنعيات العفشة مش عالية زي رمضان و بيعرف يتصرف في خامات و بدائل للاصلي
و موضوع التشحيم ده سيبك منه خالص بطلوه من موديلات 70 في كل العالم عدا المحروسة
-
يا عم aYaBooY الواحد مش عارف يقولك اية انتا المفروض شركة فورد تديك نسبة علي مجهودك في القسم.
المشكلة ان كل مكلم حد من الصنيعية بيقولي غير الاربعة احسن ويحسسني ان الاربعة لو متغيروش حالا احتمال ان العربية تنفجر وهيا ماشية وبقولي الكلمة الرخمة (مش هتبوظ الطبخة علشان بقرش ملح) علشان كدة انا بسئل علي البدائل لان اكيد فورد مش بتنتج كل اجزاء العربية لا دي بتروح لشركة زي SKF وتخليها تعملها البلي وتحط اسم فورد علية وهكذا فانا اختصر واجيب SKF علي طول واوفر 200 جنية احسن ولا انتا اية رئيك
-
السلام عليكم كل عام وانتم بخير
لى تجربه فى موضوع بلى العجل
عندى اسكورت بلى العجل الخلفى خاصه يمين بدأ يعمل صوت عند المشى صوت ونه يعلى مع السرعه اى ميكانيكى يعرف يحددها فك بلى العجل الخلفى وكانوا عدد 2 بلى بلحه مع اويل سيل وكان الاطار الخارجى متاكل وقال لى اى حد بتاع رولمان بلى هات منه زى دول بالرقم المطبوع عليه اشتريت جوز نفس الرقم و الشكل يابانى skf ولكن كلها معدن مفهاش الاطار الخزف البنى زى الاصليه وكان سعرهم يابلاش 45 ج فقط بدون اويل سيل طبعا ركبوا ولكن مكملوش سنه ورجع نفس الصوت المكانيكى فكهم وقارنتهم بالاصلى القديم طلع فى فرق بسيط فى السمك الداخلى اشتريت طقم كامل عدد 2 بالاويل سيل بسعر 100 ج من عند جمال الدين انيس الشركه المتحده ش معروف
ت 0123337791 0101577293 5745342 5760765
وشغالين من سنه كويس حتى الان
-
شكرا ahassanazzam علي الرد انا سئلت علي طقم البلي للعجلة ادام او ورا SKF لقيتة بحوالي 130 جنية عند معظم الناس وفي واحد في المعادي عندو المتوكرافت الاصلي الطقم ب150 بس المشكلة اني مش متاكد انو الاصلي لان ناس كتير قالتلي ان دة مضروب لان الاصلي بحوالي 350 فياريت تقولي الي انتا جبتو نوعو اية وصناعتة لاني ناوي اجيبو بكرة باذن الله وتقولي ركبتو عند مين وازاي وبكام وشكرا ليك مقدما
-
جبته من عند جمال الدين انيس 7 ش معروف بالممر امام جراج اوديون ت: 5760765 0101577293 0123337791
نوعه مش فاكر
ركبته عند رمضان الحرفيين
رمضان جابر الحرفيين ش الامام مالك بجوار الدبيكى ت : 0123615673 0114255123
-
اقراء هذا الكلم ده جيد يااخي الفاضل والكلم للكل احزر قطع الغيارالمضروبه خصوصن في البلي لن البياعين كثير والمستورد واحد فاكونو حازرين ولا تفرحو برخص القطع مرسلكم ورشة الظاهر قطب رجب
-
ازيك ياقطب باشا
بس بعد ازنك ازاي اعرف الاصلي من المضروب انتا عارف ان احنا مش متخصصين فمش هنعرف نميزهم صح لان كل العلب مكتوب عليها انها صناعة المانية والخامة الصراحة انا مش هعرفها فانتا اية رئيك في حد معين اطمن اني اجيب منو واريح دماغي
وشكرا ليك مقدما
Content Relevant URLs by
vBSEO 3.6.0 PL2