الموضوع: العفشة وسنينها

انا كنت عند العفشجى النهاردة بكشف على العفشة فى الحرفين المهم انة بعد ما جربنا العربية قاللى ان الجلب بتاعت المقصات عاوزة تتغير وان الدريكسيون خفيف جدا و انا بصراحة لسة جايب العربية من 5 شهوروهى بونتو 94 ما بفهمش اى حاجة فى اى حاجة يعنى لسة بقول يا هادى
المهم العفشجى قاللىاحتمال ما تلقيش الجلب دى بتتباع فلو كدة يبقى هات المقصات كاملة رغم انا المقص سليم وفعلا مالقيتش الجلب روحت شارى المقصات وركبها وفك الاسكترا بص على الحشوة لاقها سليمة راح مظبط فيها شوية وبعدين ركبها والحوار دة كلفنى 450 جنية منهم 80 جنية مصنعية وظبط زاوايا عند العفشجى
انا حاسس بتحسن فى العربية بس انا ملاحظ ان الدريكسيون بقى تقييييييييييل بالنسبة لقبل كدة لانة فى الاول كان خفيييييييف وهو العفشجى قالى انة هيبقى تقيل من قبل ما يعمل حا جة فى العربية لان الدريكسيون الخفيف بيخلى العربية تعوم فى السرعات

انا محتاج رايكم كناس خبرة ديما بستفيد من كلامهم فهل اللى عملتة بتغير المقصات دة احسن للعربية ولا انا كدة اتسعت وكان المفروض ادور على الجلب مع العلم انا الجلب تمنهم حوالى 150 جنية لوحدهم والمقصات كاملة عاملة 375 جنية

وهل موضوع تقل الدريكسيون دة طبيعى ؟