بريليانس جالينا وخسارة عند البيع

**Mohamed.Ramah** · 30-11-2009 05:26 AM

السلام عليكم ورحمة الله

الموضوع دايقنى بجد وحبيت احذر كل واحد ناوى يشترى البرليانس جالينا الموضوع كان ان صاحبى اشترى بريليانس جالينا اتوماتيك فول اوبشن اول ما نزلت العربية اول لما جابها استمتع بيها جدا وكانت فيها كل اللى بيتمناة بس كان سعرها غالى جدا 141.000 على مااعتقد اول لما نزلت وهو اشتراها انبهر بصالونها الواسع وكماليتها بعد ذلك ابتدت تحصل معاة مشكلات اولا العربية وهو ماشى بيها على كوبرى ماشى على 70 جت عربية فيرنا بياخد غرز جمبة صاحب الفيرنا بيحدف يمين راح جة فى جمب البريليانس من الامام العربية لفت بصاحبى 3 مرات وراحت دخلت فى الحاجز بتاع الكوبر وكانت خلاص حتنزل ولا فيها اى امان ولا اى ايرباج اتفتح والعربية كانك كنت ماسك ورقة وطبقتها الاهم راح يصلحها ملاقاش ليها اى قطع غيار المهم راح دفع مبلغ محترم فى التوكيل بعد عناء الانتظار استلمها جديدة طبعا بعد وجود بعض العيوب من الامام فى العفشة زهق منها وحب يبيعها العربية كانت لسة جديدة واتغير فيها الجانب الامامى والفانوس اليمين كان فى عرض تبديل العربيات عملاة كيا رحنا شفنا الكيا سيراتو كوبية هاى لاين وهو كان عاوز يجيبها كابورلية بس مش موجودة حاليا اللى حصل قلهم على طلبة وهما وافقوا وقالولهة زى ماحضرتك تحب ونطلبها من برة جة معانا المهندس وشاف العربية وكشف عليها لاقاها جديدة وقال العربية مفيهاش حاجة المهم قال لو انا حستبدل حتخدوا البريليانس على كام قالولة وكانت الصدمة الكبرى مبلغ خلانا مش قادرين نتكلم كان 50.000 جنية فقط وهو شاريها ب 141.000محسناش بنفسنا غير واحنا راكبين البريليانس وبرة التوكيل فورا معلش طولت عليكم لاكن حبيت افضفض معاكم ا
العربية سعرها فى الارض كدة لية دى نزلت اقل من النص +ان الامان فى العربية 0/5
دى الفيرنا مستعملة بتتباع اغلى من كدة

**dodino2006** · 30-11-2009 09:34 AM

بالرغم اني عدو للصيني، لكن للامانة الموضوع ده في ظلم شوية لسعر اعادة البيع لعدة اسباب:

١- ان العربية عاملة حادثة.
٢- ان السعر المذكور هو من توكيل ضمن سياسة استبدال، و للاسف سياسة الاستبدال في اي مكان في العالم و خصوصاً مصر و لأي سلعة بيبقي زفت و بيخسفوا بسعر الحاجة الارض.
٣- حتي لو صاحبك عرضها للبيع بره و جابتله سعر اعلي، برضه مش هيكون مرجعية لسعر اعادة البيع لان اللي هياخدها هيكون عارف انها عاملة حادثة (انا مش عارف مين مجنون هيشتري عربية صيني و عاملة حادثة، ده لازم يكون مغامر درجة اولي)

و اتفق معاك ان الامان بتاعها و اغلب الصيني صفر

**dodino2006** · 30-11-2009 09:35 AM

بس سؤال يا باشا، هو توكيل كيا قاله سعر السيراتو الكابورليه كام ؟؟

**NaderNabil** · 30-11-2009 09:38 AM

يا جماعة مافيش سيراتو كابورليه أصلاً!!!!

و مافيش أي عربية كيا كابورليه

يمكن تقصدوا كوبيه؟

و بالنسبة للبريليانس...سعرها مش هايزيد عن 85000 في أفضل الظروف

**karimzein4444** · 24-05-2010 01:58 AM

ربنا يعوض عليك
انا ممكن اشترى موبايل صينى أو كاسيت صينى أو فانوس صينى
انما عربية تبقى شايلانى على أربع عجلات مهما كان شكلها لكن الأمان الأمان الأمان دى عربية يابا هيا لعبه وشكرا

**Romeo26222** · 24-05-2010 08:25 AM

مبدئيا خبطة العربية في الجنب وخصوصا من عربية تانية تكون واطية زي الفيرنا دا معناة 70% المقص بيتعوج هو والمساعد وبارة الدركسيون ودا بيحصل من اول اللادا ولغاية البي ام وبتجيلي حوادث زي دي كتير وساعتها حتي لو كانت عربيتك من الفضاء مش من الصين مش هتقدر تتحكم فيها ولازم هتحدف علي جنب علي طول..الامان ساعتها بيكون في ان العربية ما تقلبش علي الجنب ودا واضح ماحصلش مع العربية دي ودا شيء كويس..
موضوع ان كلة خايف من الصيني وبيقارن بالموبايل الصيني هاقولهم حاجة بسيطة
ال Iphone اللي هو افضل موبايل في العالم حاليا واكثرهم انتشارا مكتوب علي الاتي
Designed in California
Made in china
تفتكر حد هناك او في العالم كلة بيقولك لا اجيب الصناعة الالماني او الكوري
الفكرة مش في التقفيل فين..الفكرة في التكنولوجيا والتصميم
وكلنا عارفين ان 80% من العربيات البريليانس تكنولوجيا ميتسوبيشي وتويوتا في المحركات واللي ممكن ناس كتير ماتعرفوش ان العفشة مثلا بتاعة ال FRV كلها اوكتافيا وكمان مختوم علي الركبة والطنبورة والمساعد اللوجو بتاع الاسكودا والاودي...

انك تكون معترض علي الصيني دي حاجة تخصك ورأيك ولازم يحترم طبعا لكن لازم نكون معارضين علي اسس صح مش كل شوية نقول لا ياعم دي صيني ب 3 قروش سيبك منها...

اتمني تكون وجهة نظري وصلت...

**nimo.mimo** · 24-05-2010 11:48 AM

الفيرنا خبطت الرفرف على سرعة 70 لفت 3 مرات و كانت حتقع من على الكوبرى , أمال لو عربية أتقل منها شوية زى اللادا كان طيرها أكيد من فوق الكوبرى.

على حد علمى البريليانس 1,420 كيلو جرام
Brilliance BS6 - Wikipedia, the free encyclopedia
.

**ameros** · 24-05-2010 05:01 PM

علي كلامك دا نقدر نقارن البريليانس بالاوبل فيكترا بقا يلا مهي بقت سيرك
اعتقد ان كلامك مش صحيح اما بالنسبه للاي فون فدا مجرد موبايل مش محتاجيين فيه عنصر امان وبعدين مكتوب عليهassembled in china وليس made in china واللي حضرتك متعرفوش ان الاي فون مشتملاته كلها من مصنع ابل يعني امريكي والمصنع اللي فالصيج مجرد عماله تحت اداره امريكيه ؤرلا كانت الصين نجحت فتصنيع اي فون زيه مش الزباله اللي عملاها
ارجو من الاخ المحترم وضع معلومات صحيحه وعاوز اضيف ان اصلا فالصين الماركات دي غير متواجده لديهم وكلنا عارفين
وفين اصلا الموديلات دي من السوق الاوروبي او الياباني
يا راجل بقي

**odaoda** · 24-05-2010 06:07 PM

مش هقول غير خشو على النت وشوفا الصين ادت مصر كام غواصة السنين الى فاتت

وانا بكررها غواصة
غواصة عسكرية وكمية الاسلحة الى بتستوردها مصر من هناك
بدأ من الصواريخ والغواصات والبوارج البحرية وكل شئ
للناس الى بتهاجم وبتكلم على الامان
معتقدش ان لما يحصل حرب ونيجى نضرب صاروخ بمنطقكوا دة يبقى الصاروخ هيفرقع فينا
يا استاذنا الفاضل احنا بمبنقارنش الصينى بالالمانى والاوبل ولا حاجة
وانا شخصييا لو معايا 150 الف اكيد مش هجيب صينى
لكن متظلمش العربية لان الجالينا فعلا عربية ممتازة وواخدة فاختبار الامان صفر فعلا لكن بعد 90 يوم دخلوا الاختبار تانى وخدو 3 نجوم والعربية نفسها فعلا غالية
وكل الى بيشترى صينى عارف ان سعر اعادة بيعة فالارض وبيبقى عارف كدة من اول ما جابة
وهو حر فميلومش نفسة بعد كدة
انتو لية بتقولوا الى ليكوا ومبتقلوش الى عليكوا!!!
عموما دى حرية شخصية حضرتك معتقد ان العربية الصينى ب 5 الاف جنية متركبهاش ابدا يا استاذى الفاضل
ولما تركب تاكسى متركبش صينى
ولما تشترى حاجة متشتريش صينى
سيب الصينى للناس الغلابة واركب حضرتك الالمانى ربنا يباركلك فيها يارب
وكل واحد على قد فلوسة

-

الموضوع: بريليانس جالينا وخسارة عند البيع

LinkBack

أدوات الموضوع

عرض

بريليانس جالينا وخسارة عند البيع - انشر الموضوع فى :

-

-

-

المواضيع المتشابهه

فين اماكن صيانة بريليانس جالينا؟

مساعده فى بريليانس جالينا

بريليانس جالينا 2007

سعر بريليانس جالينا 2007

للبيع بريليانس جالينا 2000 سى سى

الكلمات الدلالية لهذا الموضوع

المفضلات

المفضلات

ضوابط المشاركة