مساعده من كل اللى فى كليه الهلوسه

السلام عليكم وكل عام وانتم بخير

العيد خلص خلاص وداخلين على امتحانات الميد تيرم وماحدش فاهم حاجه وااااصل

من اسمها اكيد معروف منهجها عامل ازاى ( كليه الهلوسه )
اخوكم عد نضال شديد وصراع الحمد لله بقيت مهلوس فى كليه الهلوسه

المهم بقى طبعا انا كنت فنى صناعى فلا افقه اى شيئ عن الرياضيات والميكانيكا الفيزياء اللى باخدها فى الكليه دى

فقط متفوق والحمد لله فى الرسم وتكنولوجيا وهندسه الانتاج والورش وفى الحاسبات شويه

غير كده ابيييييض

وكمان عندنا اصلا الدكاتره مجانين المعيدين بيعترفوا بكده !!

وياعينى عليا عندى امتحان الميد تيرم بعد العيد تقريبا الاسبوع الجاى :majd(4):

ودلوقتى بحاول الم اى حاجه عشان مااروحش فى داهيه من اول سنه

فاقولت اسأل حبايبنا الحلوين اللى معانا فى المنتدى يمكن يقدروا يساعدونى باى حاجه لله :36_7_4[1]:


عمال ادور على النت من يومين ومالقيتش غير كتاب فى الفيزياء بس كبييييييييير قوى ومش مفصل منهجى بالظبط
والميكانيكا لقيت شويه مسائل وامتحانات ... ياحلاوه ومين هيحلها بقى ؟؟؟

المهم عشان طولت عليكوا اللى عنده اى فكره عن اى مكان فى النت الاقى عليه كتب او شرح ولا اى بتنجان يفيدنى
ياريت يسلفهالى يومين لغايه مااخلص امتحان بس

وكل سنه وانتم طيبيييييين

انت بتاخد اية فى الميكانيكا طيب؟
والرياضيات بتاخد اية تفاضل ولا تكامل ولاجبر وتحليلية

و الله كان نفسى يا إيفو بس انا عمارة مش ميكانيكا

ربنا يوفقك يا باشا

بعد أربع سنين فى كلية إسمها هلوسة إلكترونية انا هقولك على حاجة
إحفظ
الميد تيرم دا بيفرق بس مع الأول و التانى غير كدا مجرد حضور بس
لو مفهمتش حاجة إحفظها على علتها
و ممكن تدور على جوجل على حلول مسائل و شروح مبسطة للمسائل
ممكن تحاول تسأل معيد و تطلع عينه أسأله بس بعد شوية هتلاقى إنه هو كمان مش عارف تسيبك منه شوف واحد صاحبك شاطر إسأله شوف لو تعرف حد فى السنين الى قبلك يعرف يشرحهالك و دور على المعلومة و لو مكنتش بتاخد كورسات "وكدا أحسن " صور ورق كورسات بس المفيد منه يعنى تفحص الورق الأول قبل ما تصور
و ربنا معاك

انت ليه متعقد كده ؟؟؟؟ والله الموضوع سهل ومش مستاهل كل الكلام ده !!!!!

شوف لو عندك ملازم فى المكتبات بره الكليه ( تلخيص وشرح وكده ) يبقى فل قوى

ماتضيعش وقتك فى حوارات النت وكده , انت معندكش وقت , حاول تركز فى المنهج بتاعك مش اكتر .

لو عندك واحد صاحبك بيحضر وفاهم حاول تخليه يقعد معاك يفهمك ايه النظام .

وعلى فكره انا معايا ناس كانوا فنى برضه وماشاء الله عليهم من اوائل الدفعه كل سنه .

ربنا معاك وان شاء الله خير

اقتباس:

---

المشاركة الأصلية كتبت بواسطة Eng_Mostafa_89

انت بتاخد اية فى الميكانيكا طيب؟
والرياضيات بتاخد اية تفاضل ولا تكامل ولاجبر وتحليلية

---

فى الميكا باخد

elements of vector algebra

equivalent force system

equations of equilibrium


فى الرياضه اللى فاهمه لحد دلوقتى اننا بناخد دومين ورينج وليميتس
غير كده مااعرفش باخد فيها ايه

!!!!

إنت في جامعة إيه وبما إنت ساكن في حلوان ممكن أول ما الأجازه تخلص أقابلك بعد الكليه نشوف المنهج مع بعض ونشوف هنتصرف إزاي والموضوع بسيط متخفش وأنا ليا صحبي كان صنايع برده وما شاء الله معايا في ٢ كهربى بور ومشلش ولا ماده من ساعة ما دخل الكليه مع إنه أول سنه كان ضايع زيك كده وأكتر كمان
وحاول تجيب كتب الرياضة والفيزيا والميكانيكا بتوع ثانويه عامة بحيث لو لقيت حاجة ساقطة منك تلمها من منهج ثانويه عامة وأول ترم المنهج معظمة هتلاقيه قريب من الثناويه العامة

اقتباس:

---

المشاركة الأصلية كتبت بواسطة evoo90

فى الميكا باخد

elements of vector algebra

equivalent force system

equations of equilibrium


فى الرياضه اللى فاهمه لحد دلوقتى اننا بناخد دومين ورينج وليميتس
غير كده مااعرفش باخد فيها ايه
!!!!

---

الرياضة دة كدة تفاضل النهايات عندك شوية قواعد لازم تعرفها والدومين والرينج دول اعرف بتجبهم ازاى وشكرا
الميكانيكا والرياضة ممكن نبقى نتقابل واديلك ورق فية الشرح بتاع الحاجات دى بس ممكن يكون مش بنفس التسلسل

ايفووو... ربنا معاك يا حبيبي

لو عايز حاجه في تحليل نظم .. نظم استرجاع ... برمجه .. انا رقبتي سداده .. بس غير كده .. من يوم ما سيبت الثانوية العامة و علمي الرياضة علاقتي انقطعت تماما بكل الرياضيات .. اللهم الا الاحصاء

عموما ربنا معاك ... تيجي تذاكر عندي طيب ؟؟ :)

ربنا يخليكوا ياجماعه انا مش عايز اتقل على حد بس انا عايز حل للحوار ده او اللى عنده ورق او كتب يبقى تشكروا اوى واى

ربنا يكون في عونك هي أصعب كلية في كل الكليات بدون مبالغة و عايزة مذاكرة باستمرار عشان على طول امتحانات

شوف المحاضرات المتبيضة بنضافة مع اي حد من زمايلك او حتي اوائل الدفعه...

ركز علي المسائل ايلي الدكاترة شرحتها في المحاضرة.....ركز علي الشيت ايلي الدكتور بيعملة ...والمفروض ان المعيد يحلة معاكوا في السكاشن...

زيارة سريعه للمكتبة واطلب منهم نماذج الامتحانات بتاعه السنة ايلي انت فيها (اعدادي ، اولي ، تاينة ...) للعشر سنين ايلي فاتوا......

غالبا هاتلاقي الامتحان في كل ايلي فات ....ومش عايز اقولك....ممكن المسائل تبقي بنفس الارقام.....

وربنا يوفقك .......والرياضة والفيزياء مش صعبة ولا مستحيلة.....وما تخليش عدم دراستك السابقة ليهم تبقي عائق انك تذاكرهم ....ادي الكلية بس شوية وقت وانت ترتب علي الدفعة...

انا هقولك على خلاصة هتلاقي دلوقتي كروسات علشان الحوار ده ....

انت بقى المفروض تعمل إيه تطلع تجيب ورق الكورسات بتاع اليومين دول مش بتاع السنة كلها وتشتغل على حتةself education

وتاخد المنهج لوكشة واحدة مرة واحدة الأول وبعد كده ذاكرة حتة حتة اللي في الورق بس وهتلاقي الدنيا لذيذدة وطبعا لابد من الامتحانات ..وحلها


يارب اكون قدرت أساعدك وتقبل مروري

ربنا معاك يا ايفو
عارف كان معانا في اعدادي ناس American diploma وكانو طول الترم برضو بيزنو وخايفين عشان مخادوش تفاضل وتكامل قبل كدة تقريبا
ونفس الكلام برضو احنا مش فاهمين حاجة في الرياضة و كدة
لحد ما طلع الاول على الدفعة واحد كان واخد American :B4_282:
ف الحكاية مش فارقة ركز انت بس في مزاكرتك وهات ورق الكورسات بس متشتتش نفسك في كذا ورق هات ورق معيد واحد ودوس فيه والحكاية هتبأى زي الفل
احنا بأى امتحنا الميد ترمات قبل العيد :36_1_2[1]::36_1_2[1]: والحمد لله كانت امتحانات موفقة:Ta_clap[1]: جدا:T_thum1[1]: ربنا يستر
انا في هندسة اسكندرية

ربنا معاك ومعانا

دة رقمى يا ايفو لو عايز حاجة ابقى كلمنى وممكن اقابلك بكرة ان شاء الله لو تحب
0128932435

انا كنت American diploma و صدقنى انا مستوايه قبل الكليه كان انيل منك بكتيير انت على الاقل كنت واخد رسم و انتاج, بص الكلام ده كله ميفرقش انت و دماغك ياعنى انا ولا اخدت تفاضل ولا تكامل ولا ميكانيكا كنت حتى داخل الكليه بتلغبط فى ال sine و ال cos, و فى اعدادى كان فاضلى هفوه على الجيد و فى اولى كان فضلى هفوه على الجيد جدا ,بفضل الله طبعا, انا اتخصصت ميكانيكا على فكره,بص الموضوع مش صعب بس عايز متابعه خفيفه و شد حيلك قبل الامتحانات بفتره كويسه, صدقنى هتجيب فوق الجيد ان شاء الله.

بس انت دلوقتى فى الوقت الضايع عايز تلم نفسك علشان الامتحان الاسبوع الجاى عليك وعلى ورق الدروس تسال زمايلك الورق الكويس فين و مين منزل حل الشيت بتاع الجامعه و ممكن لو ليك واحد صاحبك شاطر خليك على اتصال معاه يفهمك الحجات الى هتقف معاك على التليفون ولا حاجه, الاسبوع ده مش عايز هزار علشان الجدول الى هتحطه لنفسك لو فوت فيه يوم ممكن يبوظلك ماده كامله, وربنا يكرمك ان شاء الله.
صحيح انت فى القاهره ولا ايه, متهيقلى مفيش غيرنا هايمتحن بعد العيد :_Alshmokh08[1]: ؟!؟!

انا هندسة حلوان وهمتحن معاكوا بعد العيد
انا اولى ميكانيكا سيارات

اقتباس:

---

المشاركة الأصلية كتبت بواسطة Eng_Mostafa_89

انا هندسة حلوان وهمتحن معاكوا بعد العيد
انا اولى ميكانيكا سيارات

---

ويا ترى عييدت يا باشا ؟!؟! :shine[1]:

اقتباس:

---

المشاركة الأصلية كتبت بواسطة Eng_Mostafa_89

دة رقمى يا ايفو لو عايز حاجة ابقى كلمنى وممكن اقابلك بكرة ان شاء الله لو تحب
0128932435

---

ربنا يكرمك ياباشا انا سجلت رقمك عندى وهتلاقى ده رقمى 0111351285 وكمان دى ايميلى عشان نهلوس سوا :36_3_10[1]: evolution.3dsmax@yahoo.com

اقتباس:

---

المشاركة الأصلية كتبت بواسطة nfs

انا كنت american diploma و صدقنى انا مستوايه قبل الكليه كان انيل منك بكتيير انت على الاقل كنت واخد رسم و انتاج, بص الكلام ده كله ميفرقش انت و دماغك ياعنى انا ولا اخدت تفاضل ولا تكامل ولا ميكانيكا كنت حتى داخل الكليه بتلغبط فى ال sine و ال cos, و فى اعدادى كان فاضلى هفوه على الجيد و فى اولى كان فضلى هفوه على الجيد جدا ,بفضل الله طبعا, انا اتخصصت ميكانيكا على فكره,بص الموضوع مش صعب بس عايز متابعه خفيفه و شد حيلك قبل الامتحانات بفتره كويسه, صدقنى هتجيب فوق الجيد ان شاء الله.

بس انت دلوقتى فى الوقت الضايع عايز تلم نفسك علشان الامتحان الاسبوع الجاى عليك وعلى ورق الدروس تسال زمايلك الورق الكويس فين و مين منزل حل الشيت بتاع الجامعه و ممكن لو ليك واحد صاحبك شاطر خليك على اتصال معاه يفهمك الحجات الى هتقف معاك على التليفون ولا حاجه, الاسبوع ده مش عايز هزار علشان الجدول الى هتحطه لنفسك لو فوت فيه يوم ممكن يبوظلك ماده كامله, وربنا يكرمك ان شاء الله.
صحيح انت فى القاهره ولا ايه, متهيقلى مفيش غيرنا هايمتحن بعد العيد :_alshmokh08[1]: ؟!؟!

---

طب هى ايه الدبلومه الامريكيه دى ؟؟
انا ياسيدى للاسف فى معهد الاهرامات مش فى جامعه ولا بتاع بس انا ناوى ان شاء الله اخدها دراسه مش شهاده والسلام بس تعدى اول سنه الغبيه دى على خير ..

اقتباس:

---

المشاركة الأصلية كتبت بواسطة hondawy_2008

ربنا يكون في عونك هي أصعب كلية في كل الكليات بدون مبالغة و عايزة مذاكرة باستمرار عشان على طول امتحانات

---

لا لا خالص دي اشاعات
بص المشكلة ان انت لو جبت حاجة من على النت ممكن تطلع غير ال الدكتور عايزها
فيستحسن ورق كورسات او ورق في المكتبات ال جمب الكلية او محاضرات نضيفة وتذاكرها كويس اوي
ومن واحد خبرة في الميد تيرمات الفاضية
الميد تيرم بيفرق في جيدجدا وامتياز
غير كدا لو حليت كويس في الفينال تنجح ان شاء الله

اقتباس:

---

المشاركة الأصلية كتبت بواسطة evoo90

طب هى ايه الدبلومه الامريكيه دى ؟؟
انا ياسيدى للاسف فى معهد الاهرامات مش فى جامعه ولا بتاع بس انا ناوى ان شاء الله اخدها دراسه مش شهاده والسلام بس تعدى اول سنه الغبيه دى على خير ..

---

شهاده الثانويه العامه الامريكيه ياعنى معتمده من هناك, بس المشكله ان التطبيق بتاعها يبعتمد على ان اكتر من نص المنهج بامتحناته تبع المدارس الى هنا و طبعا المدارس الى هنا بيتنافسو مين يدي درجات اعلى علشان الناس تيجى عنده المدرسه بيزنيس ياعنى مش تعليم, ياعنى نص المنهج شكرا كدا ولا عرفت عنه حاجه, معادا مدارس قليله قوى تتعد على الصوابع الى بتطبق الكلام ده صح, و النص التانى هو الى بيجى امتحناته من امريكا و بيتصحح هناك, ياعنى الخلاصه انا طالع بنص منهج :36_7_4[1]:
للاسف ليه يا عم كلنا هنطلع نبيع عرقسوس:shine[1]:
ان شاء الله هتعدى السنه دى على خير.

اقتباس:

---

المشاركة الأصلية كتبت بواسطة eng_mostafa_89

انا هندسة حلوان وهمتحن معاكوا بعد العيد
انا اولى ميكانيكا سيارات

---

مش الميكانيكا و الجرارات والتصميم فى المطريه برضه ؟؟

اقتباس:

---

المشاركة الأصلية كتبت بواسطة evoo90

مش الميكانيكا و الجرارات والتصميم فى المطريه برضه ؟؟

---

أيوه في المطريه وأنا أحمد معاكم بس في كهربة حلوان

اقتباس:

---

المشاركة الأصلية كتبت بواسطة evoo90

مش الميكانيكا و الجرارات والتصميم فى المطريه برضه ؟؟

---

ايون هى دى يا ايفو عليك نور

اقتباس:

---

المشاركة الأصلية كتبت بواسطة yoko

أيوه في المطريه وأنا أحمد معاكم بس في كهربة حلوان

---

ياعم يوكو دى 3 مرة نتعرف على بعض طبعا دة شرف ليا
بس لو نسيتنى تانى هدفعك جنية
ماشي ياعم يوكو اتفقنا

اقتباس:

---

المشاركة الأصلية كتبت بواسطة Eng_Mostafa_89

ياعم يوكو دى 3 مرة نتعرف على بعض طبعا دة شرف ليا
بس لو نسيتنى تانى هدفعك جنية
ماشي ياعم يوكو اتفقنا

---

أنا بقول لإيفو مش ليك :_Alshmokh08[1]:
شكلي أنا الي هدفعك جنيه عشان تركز

اقتباس:

---

المشاركة الأصلية كتبت بواسطة yoko

أنا بقول لإيفو مش ليك :_alshmokh08[1]:
شكلي أنا الي هدفعك جنيه عشان تركز

---

ماشي يا عم عندى انا المرة دى
خلاص لما تبقى تيجى عندنا المطرية هنبقى نخصم الجنية من تذكرة الدخول

اقتباس:

---

المشاركة الأصلية كتبت بواسطة eng_mostafa_89

ماشي يا عم عندى انا المرة دى
خلاص لما تبقى تيجى عندنا المطرية هنبقى نخصم الجنية من تذكرة الدخول

---

انا مستعد ادخل عندكم مره واحده ولو بتذاكر المهم ادخل مره

نمرتي ٠١١٨٩٦٩٨٧٣
وهتلاقيني كل يوم في هندسة حلوان من يوم الأحد الجي لو عايز أي حاجة

ايفو فى الرياضه الدومين والرينج والليمتس حاجات هايفه وتخلص فى قعده نص ساعه

ابعتلى كدا فى ايه تانى خدته ومش فاهمه فى الرياضه يمكن اكون انا كمان خدته واساعدك فيه

وفى الفيزياء قولى عندك ايه وان شاء الله اقدر اساعدك فيهم

اقتباس:

---

المشاركة الأصلية كتبت بواسطة evoo90

انا مستعد ادخل عندكم مره واحده ولو بتذاكر المهم ادخل مره

---

بص ياعم ايفو ان شاء الله بعد لما اخلص انا واجنيشن الميدترمات
هنتقايل فى الكلية فى المطرية وان شاء الله يوكو وانت هتنورونا علشان نستمتع مع اجنيشن والماكينة الهوندا

اقتباس:

---

المشاركة الأصلية كتبت بواسطة eng_mostafa_89

بص ياعم ايفو ان شاء الله بعد لما اخلص انا واجنيشن الميدترمات
هنتقايل فى الكلية فى المطرية وان شاء الله يوكو وانت هتنورونا علشان نستمتع مع اجنيشن والماكينة الهوندا

---

انا نفسى اخد جوله فى قسم تصميم المحركات والجرارات وحشنى صوت المكن المزعج :36_3_10[1]: