-
مشكله غريبه حبتين
والله مبدأيا هي مشكله انا شايفها عبيطه بس قولت اعرضها علي رواد الأوبل لأن مش لاقيلها حل وفي نفس الوقت مشفتش مشكله شبهها في المنتدي
المشكله إن عداد السرعه عندي إكتشفت إنه مأخر 10 كيلو ...... يعني لو انا العداد قاري 40 يبقي هو في الأصل 50 ؟
المشكله من اول ماجت العربيه بس مكنتش اخد بالى ؟؟
ياريت لو حد عنده إقتراح يقول !!!
وتسلملي العصابه االي مش هنلاقي زيها في اي منتدي تاني
-
اكيد فرق جنوط مثلا او فرق مقاس كاوتش
والله اعلم
-
ممكن يكون جنوط كبيرة او كوتش كبير
ولا مفيش الكلام دة يبقى احتمال كبير عدادات ممكن تكشف عليها كمبيوتر ةهيبان على طول كدة اية
-
تمام الكلام ده بيحصل لو تم تغيير مقاس الكوتش ... ده الاصلى الى جى مع العربية .. ولا حضرتك غيرته ؟
-
عندى العكس فيه 5 كم زياده
و السبب الواضح ممكن يكون الكاوتش
-
ممكن بس افحص ع الكمبيوتر وببان المشكله
-
علي فكره انا مغيرتش مقاس كاوتش ولا جنوط لأن هي نفسها الفابريكه من ساعه ماجت العربيه
هو فيه كهربائي قالي يمكن سير السرعه عايزه يتفك ويتنضف بـ إسبراي معين كده
إنتو إيه رأيكو
-
واير بقي مش سير..
واير السرعة يعني..
وبعدين في حاجة بقي.. تصدق اني ممكن سكون الحوار ده كان حاصل عندي في الكورسا و انا مش حاسس..!!!
عشان اكتر من مرة و انا مسافر مع صحابي و يكون معانا اكتر من عربية.. يقولولي اني كنت باجري اكتر من السرعة اللي انا باقولهم اني كنت ماشي عليها.. و مقاسات الكاوتش عندي كانت من الكتالوج يعني.. و الجنوط الاصلية..
-
ملهاش دعوة الجنوط والكوتشات ممكن يكون العداد فية حاجة لو اتفك ابل كدة مثلا وحد لعب فية بيبوظ على طول ويدى اريات غير صحيحة وممكن الوير بتاع السرعة عايز يتغير او يتبص علية
-
لا دنا جربتها بالظبط ومشيت جنب كذا عربيه جنبي وبنقول لبعض السرعه عندي وعنده بالموبايل وإكتشفت حكايه ال 10 كيلو المتأخره دي .....لا وفيه حاجه كمان ....لما بجيب علي سرعه عاليه الاقي العداد بيعدي ال 140 بالعافيه وتقريبا مش بيعديها .....دي مشكله عداد برده ولا ده اصلا العربيه مش بتعدي السرعه دي بسبب بنزين ال80 او ضخ الطلبمه ؟؟؟
بس زي ماقولتلك فيه كهربائي قال تعلالي من الصبح وإحنا نفكه واير السرعه ده وننضفه ....بس مقليش إن المشكله إن واير السرعه ده بايظ
Content Relevant URLs by
vBSEO 3.6.0 PL2