الموضوع: مشكلة فتيس مانوال

تقصد الدبرياج اللى شغال على واير
مش الفتيس
وواضح أن العيب ليه علاقه بسخونة العربيه

مع السخونه بيروح وبيجىء مع البروده

تمام يا بشمهندس سمير
يا ترى اية علاج المشكلة دى واية سببها اصلا

هو عيب رخم الصراحه
وغالبا سببه الدبرياش من الداخل
مش الفتيس
فحاول والعربيه سخنه
أنك تكثر من فصل ووصل الدبرياج
بهدف تليين عمليه سحب البليه
يمكن ربنا يسهل ومحتاجش تحل الدبرياج
ده لو كان حالته كويسه وسحب العربيه كويس أساسا
وممكن يكون عيب فى وصلات الفتيس نفسها
عاوزه تتراجع عليها والعربيه بارده

هو سحب العربية كويس ماحصلش فية اى تغير
ياترى تنصحنى ابدء من موضوع وصلات الفتيس او الدبرياج ويا ريت تعرفنى اية هيا لان معظم الميكانيكية ما بيفهموش حاجة فانا عاوز اعرف اقولة يعمل اية بالظبط
وموضوع فصل ووصل الدبرياج والعربية سخنة انا فعلا باعملة بس ما بيفدنيش بحاجة لان مشكلتى بتفضل زى ماهى وهى لما تكون العربية باردة انما وهى سخنة لا مشاكل بس بيكون عضة بسيطة مع الاول والتانى ومش دايما

مجموعة الوصلات بتاعة الفتيس
من أول العصايه لحد بيت عقربة الفتيس
دى المفروض يتراجع عليها كويس
أحتمال تلاقى حاجه مش مظبوطه فى الوصلات دى
أو كاوتشه بايظه على وصله من الوصلات
ومع السخونه بيحصل تمدد حرارى للوصله دى وينظبط الآداء مثلا
لكن مع البروده بتنام الوصله على محور مبوش بسبب مخده كاوتش تالفه
أو واقعه
يعنى فنط الوصلات دى كويس مع ميكانيكى شاطر

وممكن تقارن الوضع عندك بالوضع المماثل لطراز عربيتك
من أى عربيه زى بتاعتك وشغاله تمام

كل ده عاوزين نطمن بالكشف الظاهرى الأول
يمكن ربنا يسهل ونصل للمراد
بس أهم شىء
دقة الملاحظه (قبل مانفكر فى الدبرياج مثلا )

الف شكر يا باشمهندس وهاكشف على وصلات الفتيس اولا ونشوف النتيجة

رولمان بلي الدبرياج بقى ارفع من الأصل"إنضغط" و مش قادر يحقق فصل كامل للإسطوانة عن الديسك إلا لما يكون سخن بسبب تمدده اللي بيعوض النقص في الحجم.
انت محتاج رولمان بلي جديد اصلي او تجيبه برقم الرولمان بلي المدون عليه يعني ممكن تركب بلي انجليزي-امريكي-الماني-فرنسي-ياباني لسيارة ايطالي مثلا"بواسطة رقم البلي".