عايز استفسر عن موضوع في الجيش

**theaboos** · 30-11-2009 04:04 PM

السلام عليكم

انا في كلية طبية و لسة متخرج و هقدم ورق الجيش بتاعي في شهر 1

انا والدي متوفي فاعتبر انا العائل الوحيد للأسرة عشان انا كبير اخواتي

بس اخويا اللي اصغر منى فارق عني سنة بالظبط بس قدامة سنتين عقبال ما يخلص الكلية

هل اقدم على اني عائل اسرة و لا اقدم مع الناس و خلاص لاني مش عايز اخد تاجل سنتين و بعد كدا الاقي نفسي لابس في الجيش ممكن اكون اتجوزت او استقريت في شغل كويس

بس انا في نفس الوقت عندي مرض السكر و باخدلة انسولين 4 مرات في اليوم
هل اقدم و في الكشف الطبي هيراعوا الكلام دة و اخد اعفاء و لا مش بيفرق معاهم ؟

مع جزيل الشكر

**mr_sameh** · 30-11-2009 05:06 PM

اولا لازم اول حاجه في حياتك تخلص الجيش لاني بشوف ماسي من الموضوع ده تاني حاجه وانت بتكشف طبي تعرفهم ان عندك سكر ممكن تتطلع غير لائق طبيا لاكن اوعي تاجل اوعي اوعي اوعي

**Abomar77** · 30-11-2009 05:08 PM

بس ياباشا انا من رائي الشخصي انك تقدم عادي زيك زي دفعتك وتقدم في الكشف الطبي موضوع مرض السكر ده ... وان شاء الله ربنا هيكرمك ...

على فكرة انا كنت واخد تأجيل 5 سنين عشان انا عاءل الاسرة وبعد ما أخويا خلص الكلية والجيش جيه عليا الدور وانا عندي 28 سنة وكنت شغال في مكان كويس ومتجوز وعمر كان جي في السكة
وبعدين جات من عند ربنا اني اتاجلت مع الدفعة 3 سنين ... (على فكرة موضوع التأجيل اللي في حالاتي ده نادر جداُ ) ...

توكل على الله وقدم في الجيش مع دفعتك .
واي استفسار انا في الخدمة ..

**dr-mohamed** · 30-11-2009 05:12 PM

يز ما قال الاخوة قدم في دفعتك عادي وربنا يوفقك وتاخد تاجيل 3 سنين او موضوع السكر يكون سبب في الاعفاء الطبي ولو انى مش بحبه لانها بتفضل في شهادة التجنيد وبيبقي شكلها مش حلو عند التعيين في اي مكان

حظك من السما يا ابو عمر وربنا يخلي عمر وعقبال الاعفاء النهائي

**Abomar77** · 30-11-2009 09:01 PM

المشاركة الأصلية كتبت بواسطة cairo2005

يز ما قال الاخوة قدم في دفعتك عادي وربنا يوفقك وتاخد تاجيل 3 سنين او موضوع السكر يكون سبب في الاعفاء الطبي ولو انى مش بحبه لانها بتفضل في شهادة التجنيد وبيبقي شكلها مش حلو عند التعيين في اي مكان

حظك من السما يا ابو عمر وربنا يخلي عمر وعقبال الاعفاء النهائي

ربنا يخليك ياباشا والله العظيم محدش كان مصدق ان التأجيل جه لوحده من غير واسطة بس والله انا كنت بدعي ربنا كتير والحمد لله كرمني أخر كرم ....

على فكرة انا خت الاعفاء خلاص اصل صاحبك عنده 32 سنه