ما هى اعراض تلف بلية الدبرياج ؟

**Lion_Heart** · 01-12-2009 09:33 PM

م سمير
عندى صوت مش قادر احدد مكانه من تحت الموتور و تقريبا من جهه الفتيس عبارة عن صوت حاجة خشنه كأنك جايب مثلا طبق صاج و فيه شويه مسامير و حاطط الطبق على الكبوت
الكلام ده و العربية بارده بس
و اول ما احط رجلى على الدبرياج يختفى الصوت ده هل دى كده بلية الدبرياج ؟؟؟؟ و لا حاجة تانية ؟
يارب اكون نقلتلك الحالة ..

**samirayad** · 01-12-2009 10:20 PM

و اول ما احط رجلى على الدبرياج يختفى الصوت ده هل دى كده بلية الدبرياج ؟؟؟؟ و لا حاجة تانية ؟

طالما الصوت مرتبط بفصلك للدبرياج
يبقى غالبا بليه بدأت تخشن
أو حركة أسطوانه مش طبيعيه على مشرشر نهاية عمود الدريك
عموما لو الموضوع مش مستمر
ممكن تؤجله شويه
لأنك غالبا محتاج شوية نظافه داخل الدبرياج وتشحيم مشرشر الدريك
مش أكتر
طالما الصوت مش موجود بمجرد طلوعك بالعربيه
وممكن يكونوا شوية بودره من تآكل الأسطوانه الطبيعى
هما اللى عاملين القلق ده ومع النظافه والتشحيم
حتروح الحاله دى
المشكله أنك علشان تعمل النظافه دى
لازم حتسقط الفتيس للأسف
هو ده اللى مش حلو فى الموضوع
طالما سحب العربيه كويس
ولسه شويه على عمرة دبرياج

عامة أنا بأتوقع أن المطلوب شوية نظافه مش أكتر

**Lion_Heart** · 01-12-2009 10:40 PM

اشكرك اخى الفاضل
الحمد لله سحب العربية تمام
و استخدامى اصلا للعربية قليل عمرى مابعمل 1000 كيلو فى الشهر
و فعلا الصوت مجرد ان العربية تسخن و امشى خلاص و لو وقفت فى مكان بعد كام ساعة آجى ادور الحمد لله مفيش صوت خالص
الكلام ده فى بداية الطلعة اول اليوم لكن باقى اليوم تمام .
يكده هل ممكن استنى شوية لحد ما اغير الدبرياج ككل و لا كده لازم انضفه ؟
و هل لما بركب طقم دبرياج جديد برده لازم افك الفتيس ؟
وهوه تركيب طقم الدبرياج صعب .... يعنى محتاج صنايعى عادى ولا متخصص و لا اروح مركز صيانة اضمن عند التغير؟
معلش اسألتى عارف انها كتيرة .... اشكرك .

**samirayad** · 01-12-2009 10:52 PM

يكده هل ممكن استنى شوية لحد ما اغير الدبرياج ككل و لا كده لازم انضفه ؟

الحقيقه هو سؤال محير شويه
بس من وجهة نظرى
ممكن تؤجله شويه وتتابع الحاله
طالما الوضع بالشكل ده

و هل لما بركب طقم دبرياج جديد برده لازم افك الفتيس

نعم

وهوه تركيب طقم الدبرياج صعب

عادى جدا

.... يعنى محتاج صنايعى عادى ولا متخصص و لا اروح مركز صيانة اضمن عند التغير؟

أى ميكانيكى كويس

**Lion_Heart** · 01-12-2009 11:04 PM

اشكرك اخى الفاضل بارك الله لك و فيك .

**samirayad** · 01-12-2009 11:05 PM

الله يخليك
وربنا يوفقك

**mrsailor** · 03-12-2009 04:50 AM

1) اعراض تلف بلية الدبرياج هى و جود خشونة لما تدوس دبرياج و يروح صوت الخشونة بعد فصل الدبرياج سواء العربية باردة او سخنة
2) الاضرار الىى تسببها البلية لو ما اتغيرتش احتكاكها بريش الديسك و حدوث تاكل فى نهاية ريش الديسك من الداخل مما يؤدى الى تلف الديسك و طبعا ده حايسبب تلف الاسطوانة بالتبعية

**alhourriah** · 08-12-2009 02:28 PM

البشمهندس سمير فعلاً أوضحلنا شغلات ما كناش عارفينها.. الله يبارك بحضرتك

**caysersosaih** · 08-12-2009 05:35 PM

المشاركة الأصلية كتبت بواسطة lion_heart

م سمير
عندى صوت مش قادر احدد مكانه من تحت الموتور و تقريبا من جهه الفتيس عبارة عن صوت حاجة خشنه كأنك جايب مثلا طبق صاج و فيه شويه مسامير و حاطط الطبق على الكبوت
الكلام ده و العربية بارده بس
و اول ما احط رجلى على الدبرياج يختفى الصوت ده هل دى كده بلية الدبرياج ؟؟؟؟ و لا حاجة تانية ؟
يارب اكون نقلتلك الحالة ..

مع الاحترام لجميع الاراء الموضوع ده كان عندي وفي سوء فهم بلية الدبرياج تعمل صوت لما تدوس او تحمل علي الدبرياج ويختفي لما تشيل رجلك
صوت الخشانة اللي يختفي لماتدوس دبرياج ده فتيس فالأول شوف مستوي زيت الفتيس وغيره ويا ريت يكون 90 من شيل ( الصوت اختفي بعد غيار زيت الفتيس)

**caysersosaih** · 08-12-2009 05:36 PM

ومادام كده كده هاتستني يبقي اعمل زي ماقولتلك وده شيئ سهل وغير مكلف

الموضوع: ما هى اعراض تلف بلية الدبرياج ؟

LinkBack

أدوات الموضوع

عرض

-

-

-

-

-

-

-

المواضيع المتشابهه

بلية الدبرياج

اعراض تلف بلية الدبرياج في اللوجان

بلية الدبرياج

اعراض تلف بلية الدبرياج ..

ما هي اعراض بداية تلف بلية الدبرياج ؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة